Author: diberkomuna

Prej sot tereni rreth liqenit do të jetë i mbikqyrur me kamera për të parandaluar hudhjen e mbeturinave ( deponi të egra).

Pandemia me covid19 metëvërtetë ka nxjerë shumë telashe jo vetëmse në aspektin shëndetësor por edhe në sfera të tjera të shoqërisë. Problemet në arsim dalë nga masat restriktive kundra pandemisë, po e pengojnë zhvillimin normal të procesit edukativo arsimor deri në atë masë saqë me shumë vështirësi po zgjidhen problemet. Jemi në orvajtje dhe bëjmë çdo gjë që fëmijët edhe në këto kushte specifike, të ndjekin mësimin dhe të mos ngelin pa e realizuar plan – programin arsimor. Ne vazhdimisht jemi në përkrahje të mundësisë që nxënësve t’ju mundësohet ndjekja e mësimit me prezencë fizike dhe shpresojmë se sëshpejti kompententët e pushtetit qëndror do të marin vendim pozitiv në kërkesën tonë si pushtet lokal të paktën për shkollat që janë deklaruar se i plotësojnë kushtet e protokollit. Por ne deri në një vendim të tillë duhet të formojmë kushte optimale për ndjekjen e mësimit sipas platformës online. Kjo ishte tema kryesore e bisedës me stafin arsimor të shkollës nëntëvjeçare “Penestia” të cilët shprehën shqetsime plotësisht të arsyeshme në lidhje me ndjekjen e mësimit online.

Sot, një ditë pas fillimit të vitit të ri shkollor, vizitova shkollat komunale nëntëvjeçare për tu njoftuar më afër me problemet të cilat eventualisht mund të dalin nga masat antikovid në procesin edukativo arsimor. Gjatë inspektimit të shkollave qëndrore në Dibër dhe Kosovrast të poshtëm u konstatua se drejtorët kanë ndërmarë të gjith masat e nevojshme sipas protokolit për të filluar mësimi për nxënësit nga klasa e parë deri te klasa e tretë me prezencë fizike, kurse klasët tjera nëpërmjet platformës online. Komuna Dibër me të gjitha mundësitë e veta do të jetë afër shkollave dhe do ti mbështesë ata në zgjidhjen e të gjith problemeve

Përmbyllja e “Festivalit të teatrit shqiptar” në RMV. Edhepse në kushte pandemike, festivali u përmbyll me sukses dhe kishte jehonë pozitive në publikun dibran i cili gjithmonë ka ditur të çmojë kulturën në përgjithësi. Ne si komunë kemi mbështetur këtë aktivitet kulturor edhe me pjesmarje finacijare dhe hapsinore. Falemnderit bordit organizativ në krye me drejtorin z. Ylber Nuredini, falemnderit te gjith artistëve, regjisorëve, profesorëve dhe në veçanti publikut dibran. Miripafshim në edicionin XX, në kushte normale.

Sot ishim të nderuar nga vizita e Reisul Ulema Shaqir ef. Fetahu kryetar i bashkësisë fetare islame në RMV si dhe nga myftiu i Dibrës Reshat ef Kaçallniku. Në këtë takim u bisedua për bashkëpunimin e komunës Dibër dhe BFI-së i cili u cilësua si shumë konstruktiv dhe i kënaqshëm duke ditur rëndësinë dhe rolin e fesë në zhvillimin normal të një shoqërie. Në emer të këtij bashkëpunimi u shkëmbyen edhe mirënjohje për komunën e Dibrës dhe BFI-në. Ky bashkëpunim shumë i nevojshëm do të vazhdojë edhe në të ardhshmen me një intezitet më të lartë dhe me hapa konkrete.

Me 14 maj 2020 në f. Kosovrast i epërm Komuna e Dibrës, ndodhi një fatkeqësi zjarri ku u dogjën 8 kosolle për bagëti dhe një pjesë e bagëtisë. Me iniciativë të kryetarit të komunës u dërgua në këshillin komunal për të miratuar ndihmë humanitare në mjete financiare në vlerë prej 300.000 denarësh. Të gjith këshilltarët unanimisht e votuan këtë iniciativë. Sot po bëjmë dorzimin e mjeteve, përfaqësuesve nga grupi i të dëmtuarve. Ata falenderojnë të gjith këshilltarët për ndihmën që iu ofrua nga Komuna e Dibrës.Ftojmë të gjith ata të cilët kan mundësi të ndihmojnë me mjete financiare ose materiale ndërtimore të kontaktojnë personat e dëmtuar.

Sot patëm nderin të kemi përfaqësues nga Ministria e Vetqeversijes Lokale dhe ekspert nga Delegacioni Europian për të diskutuar mbi thirjen e tretë të IPA Fondeve 2021-2027 ku kësaj here bën pjese po ashtu edhe Komuna e Dibrës, ku ekzistojnë në dispozicion fonde të shumta në lidhje me bashkëpunimin ndërkufitar. Në këtë takim u diskutua mbi nevojat e qytetiton tonë dhe theks të veçantë të diskutimit u vendos që në të ardhmen të investohet në projekte esenciale, që janë tepër prioritet për Komunën tonë, investime në infrastrukturë, mundësi të reja punësimi, zhvilimi i turizmit, pasiqë ekzistojnë potencial dhe resurse natyrore të shumta në vendin tonë.

Memedali Egriun e njohim të gjithë si myezinin e “Xhamisë së re”, njeri i qetë , e njohin për principin dhe kryerjen e punës me përpikmëri, si një njeri që nuk frikësohet të thotë të vërtetën. Memedaliun e kemi gjetur pranë edhe në humanizëm aty ku është ndjerë nevoja, në të mirën e qytetit si në aksione të ndryshme për mbjelljen e fidaneve duke dëshmuar angazhimin e tij maksimal.Sot kemi vendosur që këti personi ti ndajmë mirënjohje në fushën e sportit, çiklizëm, bjeshkatari, notim e motoçikleta.Nëse marim aktivitetet e vitit të fundit do të shohim se Memedaliu është praktikues i shumë sporteve dhe jo vetëm me fjalë por ato i ka me vepra.Do të fillojmë me bjeshkatarinë Memdaliu ka bërë ngjitje të njëpasnjëshme duke mos e lënë pasionin të flejë por atë e ka vendosur në praktikë ai në kushte dimërore ka bërë ngjitjen e majës së Tito Vërvit 2748 metro, Stogovës 2218, Medenicës 2163 ,Karbula2148, Deshatit,Pllaka e Kuqe 2107, Kërçinit 2341 në kushte dimërore, Big Doruk 2278 metro, nga Dibra deri në Elefcë-Maja Deshat-Kosovrast I Epërm, Majën e Korabit 2764 metro dhe shumë e shumë ngjitje të ndryshme që mundë ti gjejmë në profilin e tij të facebookut dhe ata shumica nga mbi 29 km vajtje dhe kthim. Por nga gjithë këto ecje ai e kurorzoi me marrjen pjesë në Ultramaratonen “Arteria e Arberit” me 116 km gjatësi ecje dy ditore ku dëshmoi edhe atje aftësitë e tijë në ngjitje, ecje , organizim dhe vlera njerzore. Në këtë maratonë ai dëshmoi dhe përfaqësoi edhe qytetin tonë të Dibrës ku tha se ne jemi afër dhe e duam realizmin e këtij projekti.Vazhdojmë me sportin e çiklizmit ku Memdaliun e gjejmë në shumë organizime të ndryshme që I ka organizuar Klubi KBC “Dibra” dhe atë në pjesë të ndryshme të qytetit dhe jashtë saj por edhe këtë nuk e la me aq aj këtij viti theu një rekord të tij ku për një ditë bëri mbi 220 km në relacionin Dibër, Strugë, Ohër, Kërçovë dhe Dibër. Për Memdaliun sportet do të jenë pjesë e përditshmërisë pasi atë e gjejmë edhe në ngjitjen në terene malore me motoçikleta edhe atë edhe në kushte normale por edhe dimërore. Këto ngjitje janë të ndryshme do ti përmendim disa vende siç është mali Deshat ku këtë ai e ka bërë shumë herë, majën e Medenicës si dhe fshatra e kullosa të ndryshme Lazaropole, Zajas, Bister, Karpula, Galecnik, Teresanche e te tjera.Por ai nuk e la pasionin e tij vetëm në këta sporte ai e dëshmoi vehten edhe në notim. Më 07-06-2020 ai u zhyt për herë të parë për këtë vit në liqe nga ku mori frymëzimin se duhej të thyej një rekord të tij që e bëri vjet ku notoi për 6 kilometra e gjysë nga Ura e Molicanit e deri tek Taverna Cami. Ai për afro 40 ditë notoi nga 1600 metro për të arritur qëllimin e tij që ja kishte vendosur vehtes dhe ai ishte që të notojë nga Tre çeshmat e deri në bregun e Liqenit të Dibrës. Ai me datë 16 gusht theu një rekord në Qytetin e Dibrës duke notuar mbi 11 km, nga Tre Çeshmat e deri në bregun e Liqenit të Dibrës. Është fat për qytetin e Dibrës që kemi një qytetar të këtillë që nëse ekziston vullneti, dëshira, guximi,mbështetja në Zotin dhe angazhimi për të arritur diçka ajo realizohet. Memdaliu dëshmon se gjithçka është e mundur mjafton ambicja dhe përkushtimi. Memedaliu me këtë notim që realizoi, që për 5 orë e ca, të notohet 11km deri më sot nuk mbahet mend në qytetin tone, dëshmoi dhe dha shembull për të gjithë ne se puna asnjëherë nuk ngelet pa shpërblyer… Të falenderojmë Memedali që je pjesë e këtij qyteti dhe shembull për rininë dhe për të gjithë ne

Familja Rusi kujdeset për natyrën e vendlindjes. Komuna Diber, me donacion prej 594.433 den, (reth 10.000 €) nga familja Rusi, veçanërisht me përkujdesin e veçantë të z. Turhan Rusi, realizoi projektin e saj për gjelbërimin e të gjithë aksit të bulevardit. “Iliria”, dhe 2 rrethrotullimev, në fillim dhe mbarim të saj me :

⁃ 45 peme Catalpa Bungei;

⁃ 252 rrënjë Juniperus conferta Blue Pacifis;

⁃ 150 rrënjë Abelia grandiflora;

⁃ 6 pisha, Picea pungens glauca Globosa.

Komuna Dibër i shpreh falenderim të veçantë familjes Rusi, për këte kujdes ndaj qytetit dhe bulevardit ”Iliria”.