Month: <span>November 2019</span>

Filloi zbatimi i projektit për pastrimin e deponive të egra në Komunën e Dibrës ( edhe fshatrat). Sot ishim në sanimin e deponisē së eger nē fshatin Kosovrast. Aksioni do të vazhdojë edhe në lokacionet tjera brenda qytetit dhe fshatrat e Komunës. U tha u be !

Komuna Dibër solidarizohet me Republikën e Shqipërisë

Këshilli komunal i Komunës Dibër në seancën e sotshme ku në rend dite ishte marrja e vendimeve pas ngjarjes tragjike në Republiken e Shqipërisë, me propozim të Kryetarit të Komunës z. Hekuran Duka solli këta vendime:

1. Dita e sotshme 27.11.2019 shpallet ditë zie në Komunën e Dibrës dhe pezullohen të gjitha aktivitet e organizuara për 28 Nëntorin.
2. Komuna Dibër nga buxheti i saj ndan shumën prej 300.000 denarë për ndihmë financiare si dhe nje ekipë zjarfikësish me të gjitha pregatitjet teknike të nevojshme është në gadishmëri të plotë që në rast nevoje do të thirret në aksion nga shtabi i krizës në R. Shqipërisë.

Në Pallatin e Kulturës ‘Haki Stërmilli’ të qytetit të Peshkopisë, nga partnerët zbatues të projektit, Creative Business Solutions, Fondi Shqiptar i Zhvillimit dhe Komuna e Dibrës u organizua Panairi përmbyllës i projektit 2 vjeçar “Dibra – Debar, Përshpejtojmë Zhvillimin e Bujqësisë”’.
I financuar nga Bashkimi Evropian, projekti vjen si pjesë e Programit të Bashkëpunimit Ndërkufitar midis Republikës së Maqedonisë së Veriut dhe Republikës së Shqipërisë. Në këtë aktivitet të gjitha agrobizneset pjesëmarrësë prezantuan produktet e tyre me certifikimin përkatës dhe identitetin vizual të markës, shërbime të asistuara këto nga ky projekt.
Pjesë e rëndësishme e këtij panairi ishin edhe takimet e punës mes Agrobizneseve dhe Përfaqësuesve të Rrjeteve të Supermarketeve, si dhe prezantimi i risive dhe arritjeve të projektit si rezultat i bashkëpunimit të mirë midis dy shteteve.
Në fjalën e tij përshëndetëse sekretari i Komunës së Dibrës z.Ylli Mirzo pasi përshëndeti të gjithë pjesmarësit, ai theksoi se ka pasur shumë peripeci dhe pengesa me të cilat është ndeshur Komuna për të mundësuar realizimin e këtij projekti por si përfundim ka arritur të ndërtojë mundësi në të dy rajonet duke ngritur vetëdijesimin në nivel lokal dhe atë ndërkombëtar dhe mbi të gjitha shkëmbimin kulturor mes dy vendeve. Spresojmë që në të ardhmen këto agrobiznese të jenë modele për fermerët e tjerë dhe uroj që të kemi sa më shumë projekte produktive mes dy vendeve ndërkufitare, të cilat do të ndikojnë në ngritjen e nivelit të cilësisë në aspektin administrativ, infrastrukturor, social dhe shoqëror. Si përfundim ai në emër të Komunës së Dibrës dhe administratës komunale falenderoi të gjithë ato që mundësuan realizimin e këtij projekti me bindje që të jetë urë lidhëse në determinimin edhe të projekteve tjera në të mirë të banorëve të dibrës në të dy anët.

Sot në hapësirat e Qendrës për Kulturë Dibër u bë hapja e ekspozitës personale e dizajneres së tekstilit Valentina Marku Pajaziti.
Përpara mysafirëve që ishin të pranishëm Valentina u prezantua me 30 punime artistike.
Ekspozitë interesante e Valentina Pajazitit. Dibra oazë e kulturës mbarshqiptare.

Në datën 26 Nëntor, në Pallatin e Kulturës ‘Haki Stërmilli’ të qytetit të Peshkopisë, organizohet Panairi përmbyllës i projektit 2-vjeçar ‘Dibra – Debar, Përshpejtojmë Zhvillimin e Bujqësisë’.

I financuar nga Bashkimi Evropian, projekti vjen si pjesë e Programit të Bashkëpunimit Ndërkufitar midis Republikës së Maqedonisë së Veriut dhe Republikës së Shqipërisë.

Kryefjala e këtij aktiviteti do të jenë Fermerët dhe Agrobizneset që janë asistuar nga ky projekt, si dhe produktet e certifikuara zyrtarisht për sigurinë ushqimore.

Pjesë e rëndësishme e këtij panairi do të jenë edhe takimet e punës mes Agrobizneseve dhe Përfaqësuesve të Rrjeteve të Supermarketeve, si dhe prezantimi i risive dhe arritjeve të projektit si rezultat i bashkëpunimit të mirë midis dy shteteve.

Me pjesëmarrjen e zyrtarëve të qeverisjes vendore nga rajoni ndërkufitar, Panairi organizohet nga partnerët zbatues të projektit, Creative Business Solutions, Fondi Shqiptar i Zhvillimit dhe Komuna e Dibrës së Madhe. Ky aktivitet pritet të shndërrojë Pallatin e Kulturës së Peshkopisë në një hapësirë të madhe gjithpërfshirëse ku do të prezantohen dhe degustohen prodhimet bujqësore, blegtorale, ato të agropërpunimit dhe kulinarisë tradicionale të zonës së Dibrës në të dy anët e kufirit.

Ju mirëpresim!

Në mbështetje të nenit 7 të Rregullores për punë të Këshillit të komunës Dibër, (“Kumtesa zyrtare e komunës”nr.4/2005)
Më datë 20.11.2019 merret ky:

A K T V E N D I M

KONVOKOHET seanca e 29^të e Këshillit të Komunës Dibër.
Seanca do të mbahet me datë 27.11.2019 (e Mërkurë) në ora 11:00 në sallën e Këshillit të Komunës Dibër.

Për seancë propozohet ky: -miratimi i procesverbalit nr.28

Rend dite

1. Përfundim për miratimin e raportit për realizimin e Vendimit me të cilin lejohet pagesa e borxheve.
2. Vendim për përcaktimin e nevojës për këmbim të tokës në pronësi të Republikës së Maqedonisë veriore me tokë ndërtimore në pronësi të personit fizik për ndërtimin e objektit me interes publik me rëndësi lokale.
3. Propozim vendimpër dhënie pëlqim në Planin vjetor për punësim në SHFK “Penestia” Dibër për vitin 2020.
4. Propozim vendim për dhënie pëlqim në Planin vjetor për punësim në SHFK “Said Najdeni” Dibër për vitin 2020.
5. Propizim vendim për dhënie pëlqim në Planin vjetor për punësim në SHFK “Riste Risteski” Dibër për vitin 2020.
6. Propozim vendim për dhënie pëlqim në Planin vjetor për punësim në SHMK “28 Nëntori” Dibër për vitin 2020.
7. Propozim program për ndryshimin e programit vjetor për përpunimin e planeve urbanistike dhe dokumentacioneve urbanistike në teritorin e komunës Dibër për vitin 2019.
8. Diskutim dhe riemërim të rrugëve të qytetit të Dibrës.
9. Të ndryshme.

http://www.balkanika-publishing.com.mk/

FITORE E RRADHËS PËR KF KORABIN!
Ndeshja përmbyllëse e vitit 2019 në Dibër.
Kf Korabi sot në stadiumin e qytetit të Dibrës ka arritur të fitojë ndaj KF Gostivari me rrezultat 2 me 1.Golat për KF Korabi i shënuan Donart Bajrami dhe Bleron Muça. Me këtë fitore ngjiten më lartë në rënditjen tabelare.