Month: <span>December 2022</span>

Edhe këtë vit kalendarik e përmbyllim me llogaridhënie të punës njëvjeçare të administratës së komunës përpara mediave lokale dhe nacionale. Duke marë parasysh të gjitha faktorët negativ, kriza energjtike dhe ajo globale ekonomike, të cilët vështirësuan realizimin e projekteve të premtuara, ne si komunë përsëri mundemi të krenohemi me realizimin e shumë projekteve vitale për komunën tonë siç janëProjektet e përfunduara infrastrukturore ( shëtitorja, unazat tek spitali dhe tek shtëpia penzionerëve, projekti madhor i ujit të pijshëm – ndrimi i valvulave të ujit dhe riparimi i pusetave në ujsjellsin nga Rosoku, projekti për ujin e pijshëm në f.Kosovrast i poshtëm, rruga lokale afër xhamisë së sahatit, rruga në f. Banjisht, rruga në f.Otishan mëhalla e epërme, projektet për efikastitet energjetik në shkollat komunale, Kosovrast i poshtëm dhe Penestia, shtrimi i rrugicave me bekatonka brenda qytetit të Dibrës dhe fshatrat në një sipërfaqe prej prej 3000 m2, sigurimi i automjeteve për NKP Standard- kamionë për mbeturina 2 copë, Canal Jet dhe 130 kontenjerë të rinj, mbështetja e aktiviteteve kulturore dhe sportive në komunë, hapja e muzeut të qytetit, manifestime të ndryshme dhe botime të librave.Për probleme të brendëshme në buxhetin e bankës botërore, vonohet realizimi i rrugës në Konjarë të re dhe në Venec1, të cilat sipas informatave do të fillojnë në fillim të vitit 2023. Kjo ka ndikuar edhe në uljen e përqindjes së realizimit të buxhetit të paraparë për infrastrukturën ( arsyetimi i bankës- rritja e kostos së materialeve ndërtimore për shkak të krizës globale). Për vitin 2023 kemi shum projekte të tjera të gatshme të cilët duhet të realizohen dhe për të cilët ka mbulesë finaciare, si dhe do të pregaditen edhe 16 projekte teknike të reja që konsistojnë në rregullimin e infrastrukrurës mbi dhe nëntoksore.Transparenca aktive e komunës për vitin 2022 ishte mbi 84%, dhe rangohet në vendin e 41 nga 94 institucione në RMV( komuna, ministri, etj etj)Urime dhe me fat viti i ri 2023 të gjith qytetarëve të komunës Dibër! Sëbashku për një Dibër më të mirë dhe Europiane.Gëzuar

Nxënësit e shkollës komunale “Penestia” më sollën urimet për vitin e ri 2023, duke uruar për një vit të suksesshëm dhe të begatë.Gjithashtu një letër urimi kisha edhe nga nxënësit e gjimnazit “28 nëntori”.Urime të gjith nxënësve me dëshirën që në vitin e ri 2023 të keni shëndet dhe suksese në mësime!

Sot komuna Dibër pranoi edhe një makinë-kamion për grumbullimin dhe transportimin e mbeturinave i cili është dedikuar për manovrim në rrugica të qytetit si dhe në pjesët rurale të komunës.

Kamioni në fjalë është donacion nga banka botërore në kuadër të projektit të komunës Dibër “ Përforcimi i kapaciteteve të ndërmarjes komunale” . Nga ana e komunës iu bë dorzimi i mjetit NKP / ЈКП ” Standard ” me çka do të ritet edhe efikasiteti në punë.

Si përfundim i projektit, komuna e Dibrës ka përfituar:

1. Kontenjerë të rinj 130 copë

2. Kamionë për grumbullimin dhe transportin mbeturinave 2 copë

3. Kamion special për pastrimin e kanalizimeve (Canal Jet).

Me këtë parku i makinave të NKP “Standard” është pajisur me makinat më bashkëkohore të cilat nuk i ka pasur asnjëherë ose i ka pasur me huazim nga komunat tjera.

#PlatformaEGjelbërtNëZbatim.

Vazhdojmë me hapa të sigurtë..

Të nderuar,

Me nder dhe kënaqësi të madhe ju ftojmë në aktivitetin në kuadër të fushatës “16 ditë aktivizëm kundër dhunës ndaj grave dhe vajzave”, i cili do të mbahet më 9 dhjetor 2022 (e premte), në orën 18:30, në Restaurant Uraniku. Fushata zbatohet çdo vit nga data 25 nëntor deri më 10 dhjetor me organizimin e Kombeve të Bashkuara (OKB), Bashkimit Evropian (BE) dhe OSBE-së, këtë vit tema e fushatës është “Dhuna dixhitale ndaj grave dhe vajzave – Zbulo, Blloko, Raporto”. Ngjarja synon të rrisë ndërgjegjësimin për luftën kundër dhunës dixhitale, si dhe dhunën me bazë gjinore në përgjithësi, diskutimi do të zhvillohet në drejtim se si platformat sociale janë shndërruar në vende ku ndodh dhuna në internet ndaj grave dhe vajzave,cilat janë sfidat dhe rastet aktuale dhe cilat do të ishin propozimet dhe mënyrat për të përmirësuar situatën. Diskutimi do të zhvillohet në kuadër të panelit gjithashto parashihet edhe një performancë muzikore në violë dhe violonçel nga dyshja Infinitas.

Ju mirëpresim,

Të nderuar qytetarë, përfaqësues të shoqatave joqeveritare, klubeve sportive, afaristë, palë të interesuara si dhe çdo qytetar i zakonshëm, ju ftojmë të merni pjesë në Debatin Publik të Propozim-Buxhetit të Komunës Dibër për vitin 2023, që do të mbahet me datë 12.12.2022 (e Hënë) me fillim në ora 11:00 në Sallën e Këshillit Komunal Dibër. Transparenca, dhe pjesëmarrja e qytetarëve në çdo etapë vendimmarëse janë shtylla e asaj që ne u zotuam para qytetarëve dhe mundohemi ta zbatojmë me përpikmëri, andaj jeni të ftuar për të dhënë idetë e juaja.

Me respekt,
Kryetari i Komunës
D-r Hekuran Duka