Lajme nga Komuna

Takim pune me zv.ministrin për transport dhe lidhje z. Bekim Rexhepi. Kryesisht u bisedua për realizimin e 3 projekteve rrugore për komunën e Dibrës ( mjete të alokuara në vlerë prej rreth €700.000). U bisedua detalisht për mënyrën e aplikimit dhe bashkëpunimit të ndërsjellë për një realizim sa më të shpejtë të këtyre projekteve shumë të rëndësishëm. Gjithashtu u shpreh gadishmëri që të mbështetet financijarisht edhe përpunimi i planit gjeneral urbanistik për komunën e Dibrës pasi Dibra momentalisht punon me plan të stërvjetruar dhe është një ndër shkaqet e ndërtimit ilegal.
Dinamika e realizimit të këtyre projekteve do të ndiqet hap pas hapi nga afër dhe asgjë nuk do ti lihet rastësisë. Falenderim të veçantë për zv. ministrin i cili realisht tregoi interesim të veçantë për komunën tonë. Gjithashtu urojmë postin e ri duke i dëshiruar shëndet dhe suksese.

Mirënjohje nga shoqata peshkatarëve “Trofta” Dibër për aktivitetet e koordinuara me komunën e Dibrës. Komuna do të mbështesë të gjitha aktivitetet e kësaj shoqate sportive si dhe të gjith shoqatave të tjera në komunën tonë që kanë në program angazhime pozitive për shoqërinë tonë.

OPEN FUN FOOTBALL SCHOOL për herë të parë në qytetin e Dibrës me mbështetje finaciare të plotë të komunës Dibër. KF Korabi tash më ka ardhmëri të sigurtë, ka dhe do të ketë shkollën e vet të futbollit ku do të trajnohen talentët e rinj të cilët shumë shpejt do të jenë pjesë e ekipit të qytetit tonë – Korabi. Urime dhe e gëzofshi rini e dashur e Dibrës. Ne do të bëjmë gjithçka për ju që aftësitë tuaja ti shprehni në vendlindjen tuaj………………………………

Nga rajonit planor jugperëndimor u aprovua buxhet prej 2.600.000 denarë (€42000) për projetin e komunës Dibër i cili bëri të mundur rinovimin e shkollës komunale në f.Kosovrast i epërm me çka u sigurua efikasitet energjetik maksimal me dritare të reja, enterier i ri, fasadë termoizoluese 10cm etj. Sëshpejti realizimi edhe i shumë projekteve të tjera për komunën Dibër.

Sot me një kënaqësi të veçantë kryetari i komunës Dibër z. Hekuran Duka priti në takim znj. Kate Marie Byrnes, ambasadore e SHBA në RMV. Takimi kaloi në një atmosferë tepër miqësore dhe kryesisht u bisedua për vendosjen e binarëve më të shëndoshë të bashkëpunimit për interes të të dy vendeve. SHBA si partner strategjik, ka qenë prezent në zhvillimin ekonomik të komunës sonë nëpërmjet fondacioneve të ndryshme dhe kjo ndihmë do të vazhdojë edhe mëtutje. Në këtë drejtim, një urë lidhëse janë dibranët që jetojnë dhe punojnë në Amerikë dhe paraqesin një ndër faktorët më të rëndësishëm për mirëqenien ekonomike të familjeve dibrane. Falemnderit Amerikë!

Shkëlqesia e saj Rachel Galloway , ambasadorja e Britanisë së madhe në vizitë të komunës së Dibrës madhe. Interesimi i ambasadores për ndikimin negativ të pandemisë në zhvillimin e përgjithshëm të komunës si dhe gjetja e mundësive për implementimin sa ma të shpejtë të projekteve të cilët konsistojnë në përmirësimin e kushteve të jetesës së qytetarëve. Nga ana ambasadores u shpreh gadishmëri për një bashkëpunim më të afërt dhe më konkret mes Britanisë së Madhe dhe Dibrës Madhe.

Agjensioni për zhvillim dhe bashkëpunim i Turqisë TIKA, sot dorzoi donacion në mjete dezinfektuese dhe termometra për shkollat komunale të Dibrës. Falemnderit TIKA.

Prej sot tereni rreth liqenit do të jetë i mbikqyrur me kamera për të parandaluar hudhjen e mbeturinave ( deponi të egra).

Pandemia me covid19 metëvërtetë ka nxjerë shumë telashe jo vetëmse në aspektin shëndetësor por edhe në sfera të tjera të shoqërisë. Problemet në arsim dalë nga masat restriktive kundra pandemisë, po e pengojnë zhvillimin normal të procesit edukativo arsimor deri në atë masë saqë me shumë vështirësi po zgjidhen problemet. Jemi në orvajtje dhe bëjmë çdo gjë që fëmijët edhe në këto kushte specifike, të ndjekin mësimin dhe të mos ngelin pa e realizuar plan – programin arsimor. Ne vazhdimisht jemi në përkrahje të mundësisë që nxënësve t’ju mundësohet ndjekja e mësimit me prezencë fizike dhe shpresojmë se sëshpejti kompententët e pushtetit qëndror do të marin vendim pozitiv në kërkesën tonë si pushtet lokal të paktën për shkollat që janë deklaruar se i plotësojnë kushtet e protokollit. Por ne deri në një vendim të tillë duhet të formojmë kushte optimale për ndjekjen e mësimit sipas platformës online. Kjo ishte tema kryesore e bisedës me stafin arsimor të shkollës nëntëvjeçare “Penestia” të cilët shprehën shqetsime plotësisht të arsyeshme në lidhje me ndjekjen e mësimit online.