Lajme nga Komuna

Të nderuar,

Me nder dhe kënaqësi të madhe ju ftojmë në aktivitetin në kuadër të fushatës “16 ditë aktivizëm kundër dhunës ndaj grave dhe vajzave”, i cili do të mbahet më 9 dhjetor 2022 (e premte), në orën 18:30, në Restaurant Uraniku. Fushata zbatohet çdo vit nga data 25 nëntor deri më 10 dhjetor me organizimin e Kombeve të Bashkuara (OKB), Bashkimit Evropian (BE) dhe OSBE-së, këtë vit tema e fushatës është “Dhuna dixhitale ndaj grave dhe vajzave – Zbulo, Blloko, Raporto”. Ngjarja synon të rrisë ndërgjegjësimin për luftën kundër dhunës dixhitale, si dhe dhunën me bazë gjinore në përgjithësi, diskutimi do të zhvillohet në drejtim se si platformat sociale janë shndërruar në vende ku ndodh dhuna në internet ndaj grave dhe vajzave,cilat janë sfidat dhe rastet aktuale dhe cilat do të ishin propozimet dhe mënyrat për të përmirësuar situatën. Diskutimi do të zhvillohet në kuadër të panelit gjithashto parashihet edhe një performancë muzikore në violë dhe violonçel nga dyshja Infinitas.

Ju mirëpresim,

Të nderuar qytetarë, përfaqësues të shoqatave joqeveritare, klubeve sportive, afaristë, palë të interesuara si dhe çdo qytetar i zakonshëm, ju ftojmë të merni pjesë në Debatin Publik të Propozim-Buxhetit të Komunës Dibër për vitin 2023, që do të mbahet me datë 12.12.2022 (e Hënë) me fillim në ora 11:00 në Sallën e Këshillit Komunal Dibër. Transparenca, dhe pjesëmarrja e qytetarëve në çdo etapë vendimmarëse janë shtylla e asaj që ne u zotuam para qytetarëve dhe mundohemi ta zbatojmë me përpikmëri, andaj jeni të ftuar për të dhënë idetë e juaja.

Me respekt,
Kryetari i Komunës
D-r Hekuran Duka

Programi “Java e festave të nëntorit” i shoqatës së historijanëve të Dibrës në bashkëpunim dhe mbështetje financiare të komunës Dibër, filloi sot me shënimin e ditës së alfabetit të gjuhës shqipe dhe shpalosjen e monumentit 110 vjet pamvrasi.
Në këtë tubim fjalën përshëndetëse e mbajti krytari komunës z. Hekuran Duka përpara të pranishmëve veteranë të arsimit shqip në Dibër, kryetarit të këshillit komunal Fuat Spahiu bashkë me antarë të këshillit komunal, drejtorët e shkollave komunale nëntëvjeçare, qytetrë të komunës. Pastaj u lexua kumtesë nga historianë për rëndësinë e kësaj date të rëndësishme historike. znj Qendresa Muca Pacuku kryetare e shoatës së historianëve dibranë, foli për aktivitete që do të realizohen gjatë kësaj jave në qytetin tonë duke i ftuar të gjith qytetarët në pjesmarje masive.
Urime festat e nëntorit!

Për të përmirësuar shërbimet publike dhe për transparencë Komuna Dibër ka vendosur formular me të cilin ju mundëson të gjithë personave juridik dhe fizik të interesuar të parashtrojnë kërkesa apo ide për plotësimin e buxhetit të Komunës Dibër për vitin 2023. Personat të interesuar munden të plotësojnë formularin që ështe vendosur tek linku më posht.

Buxheti

Java e festave të nëntorit.Aktivitet i Shoqatës së historianëve Dibranë në bashkëpunim (sponzorizuar) me komunën Dibër.

URIME!

Sot inspektuam nga afër fillimin e punimeve për realizimin e projektit i cili konsiston në përmirësimin e ujit të pijshëm në Kosovrastin e poshtëm.
Ne kemi vendosur që në planifimet tona të kemi si prioritet zgjidhjen e problemit të ujit të pijshëm në komunën tonë. Me një punë kolosale dhe të guximshme kemi aritur që brenda një kohe të shkurtër në këtë mandat të shërojmë një plagë të kahmotshme cila vështirësonte dukshëm jetën e qytetarëve tanë.

Ambasada e Japonisë në RMV disa herë ka bërë donacione në forma të ndryshme për institucionet në komunën e Dibrës.
Sëfundmi, një donacion nga programi ambasadës Japoneze GGP, është një printer digjital në vlerë prej afër €35000, i cili është montuar dhe shërben për nevojat e kabinetit të radilogjisë në spitalin e përgjithshëm Dibër. Shkëlqesia e tij z. Hironori Savada, ambasador i Japonisë në RMV, sot vizitoi komunën tonë dhe u prit në kabinetin e kryetarit me shumë respekt ku në këtë takim ishte prezent edhe drejtoresha e Spitalit të përgjithshëm znj Sevdie Koxha.
Qëllimi i vizitës ishte promovimi i donacionit në fjalë dhe vazhdimi i bashkëpunimit të mëtutjeshëm për të ndihmuar komunën tonë.
Në këtë takim u shpreh faleminderim i veçantë nga ana jonë ndaj ambasadës së Japonisë-popullit Japonez, për ndihmën që u ofron qytetarëve të komunës sonë pasiqë paisja në fjalë ka ndikuar shumë në lehtësimin e procesit të dijagnostifikimit të sëmundjeve në përgjithësi e sidomos Covid 19 në veçanti. Ambasadori Japonez z. Savada, tregoi gadishmëri bashkëpunimi dhe premtoi se në të ardhmen do të ketë edhe donacione të tjera për nevojat e qytetarëve të Dibrës. Gjithashtu ambasadori mbeti shumë i kënaqur dhe u faleminderuar për mikpritjen dhe u largua me shpresë se do të takohemi përsëri në promovimin e një donacioni tjetër të radhës.

Sot në qytetin tonë bashkë me përfaqësues to organizatës SOS Fshati për fëmij Shkup u bë promovimi i Kampanjës ,, ЈEPNI NJË DORË DHE NDRYSHONI NJË JETË, BËHUNI NJË KUJDESTAR! me ç’rast u thirën qytetarët që të hapin zemrën dhe të vendosen në rolin e një familje kujdestare për fëmijët dhe të rinjtë të cilët për disa arsye kanë mbatur pa përkujdesje prindërore. Të gjith familjet që do të angazhohen në përkujdesjen e kësaj kategorie sociale, do të marin mbështetje financiare dhe përkrahje të tjera. Kryetari i komunës Dibër Hekuran Duka dhe kryetari i komunës Q. Zhupë Arijan Ibrahim, iu bashkangjitën me shumë respekt kësaj iniciative humane dhe të shenjtë, për të ndihmuar në mbarvajtjen e këtij procesi.