Lajme nga Komuna

Në ambientet e Komunës së Dibër u zhvillua një takim zyrtar i një rëndësie të veçantë, ku Kryetari i Komunës, z. Fisnik Mela, priti në vizitë zyrtare Shkëlqesinë e Tij, Presidentin e Republikës së Shqipërisë, Bajram Begaj. Presidenti Begaj shoqërohej nga Shkëlqesia e Tij, Ambasadori i Republikës së Shqipërisë në Republikën e Maqedonisë së Veriut, z. Denion Meidani.

Ky takim i frytshëm dhe mjaft domethënës për qytetin tonë na bën krenarë, pasi dëshmon për vëmendjen dhe përkushtimin institucional ndaj Dibrës dhe qytetarëve të saj. Vizita zyrtare e Presidentit Begaj përfaqëson një moment historik për komunën tonë dhe një dëshmi të bashkëpunimit të ngushtë ndërmjet institucioneve shqiptare dhe atyre vendore.

Gjatë bashkëbisedimit para të pranishmëve u trajtuan çështje të rëndësishme që lidhen me zhvillimin e rajonit, forcimin e bashkëpunimit ndërkufitar dhe perspektivën evropiane të vendit tonë. Një theks i veçantë iu kushtua infrastrukturës dhe rolit strategjik të Rruga e Arbrit, e cila dita-ditës po afron më shumë qytetarët në të dy anët e kufirit, duke lehtësuar qarkullimin, zhvillimin ekonomik dhe lidhjet vëllazërore.

Pas takimit zyrtar, në qytetin e Dibrës u shtrua iftar, ku morën pjesë përfaqësues institucionalë dhe personalitete të ndryshme. Mes të pranishmëve ishte edhe Kryetari i Bashkisë së Dibrës në Shqipëri, z. Rahim Spahiu, çka e bëri këtë ngjarje edhe më domethënëse, duke reflektuar unitetin dhe bashkëpunimin mes dy Dibrave.

Kjo vizitë do të mbetet një ngjarje e shënuar në historinë e qytetit tonë, si simbol i respektit, bashkëpunimit dhe përkushtimit për një të ardhme më të zhvilluar dhe më të bashkuar për të gjithë qytetarët.

Gjatë kësaj vizite, Ambasadori Ulusoy fillimisht u prit në takim zyrtar nga Kryetari i Komunës së Dibrës, z. Fisnik Mela, ku u diskutua për marrëdhëniet e shkëlqyera ndërmjet dy vendeve mike, mundësitë për thellimin e bashkëpunimit institucional, si dhe për projekte konkrete në fusha me interes të përbashkët, veçanërisht në kulturë, arsim, turizëm dhe zhvillim lokal.

Në kuadër të qëndrimit të tij në Dibër, Ambasadori fali namazin e xhumasë në Xhaminë “H. Vehbi Dibra”, një nga objektet më të rëndësishme fetare të qytetit.

Vizita vijoi me ndalesa në disa prej monumenteve dhe pikave karakteristike të trashëgimisë kulturore të Dibrës, përfshirë Hamami i Dibrës, shtëpitë e vjetra tradicionale dibrane, si dhe Xhamia e Hynqarit, duke u njohur nga afër me vlerat historike, arkitekturore dhe shpirtërore që e karakterizojnë qytetin tonë.

Komuna e Dibrës shpreh mirënjohje për vizitën e Shkëlqesisë së Tij dhe rikonfirmon gatishmërinë për forcimin e mëtejmë të bashkëpunimit me Republikën e Turqisë në të mirë të qytetarëve dhe zhvillimit të përbashkët.

Komuna e Dibrës njofton se aksioni për mënjanimin e automjeteve në gjendje jo të rregullt, i realizuar nga Inspektori Komunal në bazë të Rendit Komunal (kumtesa zyrtare 07-1040/6), ka përfunduar me sukses.

Pas vërejtjeve të vendosura në automjetet e parregullta dhe afatit 15-ditor për largim vullnetar, të gjitha automjetet që ishin të parkuara në hapësirat publike janë mënjanuar me vetëdëshirë nga pronarët e tyre, duke liruar hapësirat dhe duke mundësuar qarkullim më të sigurt për këmbësorët dhe automjetet.

Komuna e Dibrës vlerëson iniciativën, mirëkuptimin dhe përgjegjësinë e treguar nga qytetarët për respektimin e rregullave komunale.

Së bashku për një Dibër më të pastër, më të rregullt dhe më funksionale.

Mirënjohje për bashkëpunimin!

Komuna e Dibrës, bashkë me Ndërmarrjen Publike Komunale “Standard”, njofton qytetarët se rruga në drejtim të fshatit Elefc është pastruar plotësisht dhe është rikthyer në qarkullim normal.

Ka përfunduar:

rregullimi i gypit të ujit që furnizon rezervuarin e zonës

pastrimin e të gjithë dheut dhe materialit të rrëshqitur

rikthimin e sigurt të qarkullimit në këtë segment rrugor

Rruga tani është e aksesueshme dhe mund të përdoret normalisht. Lusim qytetarët të respektojnë sinjalistikën dhe kujdesin e zakonshëm gjatë qarkullimit.

Faleminderit për bashkëpunimin tuaj!

Komuna e Dibrës këtë vit po merr pjesë për herë të parë në Panairin Ndërkombëtar të Turizmit EMITT në Stamboll, duke shënuar një hap të rëndësishëm drejt promovimit ndërkombëtar të potencialeve turistike të qytetit tonë. Ky projekt po realizohet në bashkëpunim me Ministrinë e Kulturës dhe Turizmit të Republikës së Maqedonisë së Veriut.

Në kuadër të panairit prezantohen bukuritë natyrore, trashëgimia kulturore, traditat dhe mikpritja karakteristike e Dibrës, duke e paraqitur qytetin si një destinacion me potencial të madh për zhvillimin e turizmit.

Në këtë panair, së bashku me një delegacion nga Maqedonia e Veriut, po marrin pjesë z. Fisnik Mela, kryetar i Komunës së Dibrës, z. Zoran Lutkov, ministër i Kulturës dhe Turizmit, si dhe z. Mendi Qyra, kryetar i Komunës së Strugës. Gjatë qëndrimit në panair, bashkëbiseduan rreth rëndësisë së promovimit të qyteteve tona në skenën ndërkombëtare të turizmit dhe mundësive që hap kjo pjesëmarrje për zhvillimin e mëtejshëm.

Gjatë panairit u zhvilluan takime edhe me shumë agjenci të ndryshme turistike, me qëllim rritjen e bashkëpunimit dhe sjelljen e sa më shumë turistëve në qytetin tonë.

Kryetari z. Mela theksoi se prezantimi i Dibrës në një panair të përmasave të tilla përbën një moment të rëndësishëm për të ardhmen e turizmit në qytet dhe për forcimin e vizibilitetit të tij si destinacion turistik.

Përmes këtij prezantimi, Dibra synon të pozicionohet si një destinacion tërheqës për turizmin natyror dhe kulturor, duke forcuar rolin e turizmit si një shtyllë e rëndësishme e zhvillimit ekonomik lokal.

Inspektori komunal i Komunës Dibër me datë 05.02.2026 pas kryerjes të mbikqyrjes në teren duke vepruar në bazë të Rendit Komunal ( kumtesa zyrtare 07-1040/6) gjegjësisht nenet 106,107,108,109,110 për mënjanimin e automjeteve në gjendje jo të rregullt konstatoi 8 automjete në gjendje jo të rregulltë të parkuara në hapsirat publike që pengojn në qarkullimin e lire të këmbësorëve dhe automjeteve.

Në gjitha automjeteve të dëmtuara janë vendosur VËREJTJE për largimin vullnetar nga ana e pronarëve në AFAT 15 DITOR, në të kundërteën pas afatit të caktuar do të meren masa ligjore ndaj pronarëve dhe largimi i detyruar.

Ky aksion i Komunës Dibër do të vazhdoj edhe në ditët në vazhdim, bëjm thirje pronarëve të automjeteve të havarisura po të njejtat ti mënjanojn nga hapsirat publike.

Me ftesë zyrtare të kompanisë Knauf, gjatë këtyre ditëve u realizua një takim i rëndësishëm pune në selinë qendrore të kësaj kompanie, lider botëror në prodhimin e gipsit dhe produkteve të ngjashme. Vizita u zhvillua në qytetin Iphofen, Gjermani, ku ndodhet qendra drejtuese e mbi 320 fabrikave të Knauf në mbarë botën.

Kjo vizitë shënon herën e parë që një kryetar i Komunës së Dibrës viziton selinë qendrore të Knauf në Gjermani, një tregues i qartë i rëndësisë strategjike të bashkëpunimit midis dy palëve.

Në këtë takim morën pjesë:

• Tobias Stricket – Drejtor për Investime Strategjike në nivel global

• Thomas Krämer – Menaxher Teknik në nivel global

• Blendar Sela – Menaxher i fabrikës Knauf në Dibër

Gjatë diskutimeve u trajtua funksionimi i fabrikës ekzistuese në Dibër, investimet e realizuara deri më tani, si dhe planifikimi për ndërtimin e një fabrike të re me kapacitete dukshëm më të mëdha, me një vlerë investimi prej rreth 44 milionë euro.

Po ashtu, vizituam fabrikën e Knauf në Iphofen, e cila ndodhet në të njëjtin kompleks, ku u njohëm nga afër me proceset e prodhimit dhe standardet më të avancuara teknologjike, me theks të veçantë te siguria e lartë dhe zbatimi i të njëjtit standard global në të gjitha fabrikat e Knauf, pa përdorur praktika të pasigurta apo jo-standard. Kjo garanton që çdo investim i ardhshëm në Dibër do të jetë në përputhje të plotë me praktikat më të sigurta dhe moderne të industrisë.

Në kuadër të kësaj vizite, u zhvilluan edhe biseda fillestare për bashkëpunim ndërmjet Komunës së Dibrës dhe kompanisë Knauf në disa fusha me interes të përbashkët, me synim nxitjen e zhvillimit ekonomik lokal dhe krijimin e mundësive të reja për qytetarët tanë.

Dibra vazhdon të jetë pjesë e projekteve serioze, me vizion afatgjatë dhe investime konkrete për të ardhmen.

Komuna e Dibrës pati kënaqësinë të mirëpresë në një vizitë zyrtare Ambasadorin e Republikës së Kosovës në Maqedoninë e Veriut, z. Qehaja. Gjatë kësaj vizite, Ambasadori u prit nga Kryetari i Komunës së Dibrës, z. Fisnik Mela.

Në takimin e zhvilluar, u diskutua për forcimin e bashkëpunimit ndërinstitucional, marrëdhëniet e mira ndërmjet dy vendeve si dhe mundësitë për bashkëpunim në fusha me interes të përbashkët për qytetarët.

Me këtë rast, Ambasadori Qehaja e uroi Kryetarin e Komunës së Dibrës, z. Fisnik Mela, për mandatin e ri, duke i dëshiruar suksese në udhëheqjen e komunës dhe në realizimin e projekteve në dobi të qytetarëve të Dibrës.

Kryetari Mela falënderoi Ambasadorin për vizitën dhe për urimet, duke vlerësuar mbështetjen dhe gatishmërinë për thellimin e bashkëpunimit në të ardhmen.

Pas reshjeve të fundit të borës , ju njoftojmë se të gjitha rrugët në territorin e Komunës së Dibrës, si në zonat urbane ashtu edhe në fshatra , janë pastruar dhe janë plotësisht të aksesueshme .

Ekipet tona kanë qenë në terren pa ndërprerje për të siguruar qarkullim normal dhe të sigurt për të gjithë qytetarët

Lusim qytetarët të tregojnë kujdes të shtuar gjatë lëvizjes, veçanërisht në orët e hershme të mëngjesit dhe në zonat ku mund të ketë ngrica .

Të respektojnë rregullat e qarkullimit dhe të përdorin pajisje dimërore.

Gjatë pastrimit të oborreve dhe trotuareve, të mos hedhin borën në rrugë, pasi pengon qarkullimin dhe rrit rrezikun për aksidente.

Gjithashtu, të kenë kujdes gjatë parkimit të automjeteve, duke mos i parkuar ato në rrugë apo në vende që pengojnë kalimin e mjeteve dhe mjeteve të pastrimit.

Faleminderit për bashkëpunimin tuaj!

Komuna Dibër

Kryetari i Komunës së Dibrës mori pjesë në ngjarjen për promovimin e pajisjeve të reja për menaxhimin e mbeturinave të ngurta, në kuadër të Projektit Rajonal për Menaxhimin e Mbeturinave, i cili synon ngritjen e një sistemi modern dhe të qëndrueshëm për mbrojtjen e mjedisit.

Në kuadër të këtij projekti, Komuna e Dibrës do të pajiset me 5 kamionë për grumbullimin dhe transportin e mbeturinave, gjë që do të përmirësojë ndjeshëm kapacitetet operacionale të shërbimeve komunale. Ky investim do t’i ndihmojë drejtpërdrejt Ndërmarrjes Komunale “Standard”, duke përmirësuar kushtet e punës dhe duke e pajisur me mjete të reja, pasi deri më tani ndërmarrja ka funksionuar vetëm me një kamion.

Me realizimin e këtij projekti pritet rritje e mbulueshmërisë së shërbimit të grumbullimit të mbeturinave, ulje e deponive të egra dhe përmirësim i përgjithshëm i pastërtisë në zonat urbane dhe rurale të komunës.

Komuna e Dibrës mbetet e përkushtuar ndaj zhvillimit të qëndrueshëm, mbrojtjes së mjedisit dhe përmirësimit të cilësisë së jetës së qytetarëve.