Author: diberkomuna

Rekonstrimi i Rrjeti rrugor në Lagjen Venec 1, pjesë e tre rrugëve të financuara nga banka botërore të shpallura në gazetën zyrtare. Projekt i përfunduar, fonde të siguruara, fillojmë me punë së shpejti!

Rekonstruimi i Rrugës “Petre Popovski&Zdravko Çoçkovski”, pjesë e tre rrugëve të financuara nga banka botërore të shpallura në gazetën zyrtare.

Rruga “Eqerem Zengo” (Lagja Konjarë), projekt i realizuar me gjithë dokumentacionin teknik, me fonde të aprovuara dhe shpallura në gazetën zyrtare (shih foton e tretë), punimet nisin tani!

Lajmërim.
Ju lajmërojmë se me datë 13.10.2021 (e mërkurë) në periudhën prej orës 10:00 deri në orën 15:00 , nuk do të ketë furnizim të energjisë elektrike për shkak të një ndërhyrje teknike nē HEC Shpilje.
………………………………

Të nderuar!

Ju informojmë se pjesë e rrugës 8 – Shtatori (në pjesën nga përkujtimorja e Skenderbeut deri te lidhja me rrugën Veljko Vllahoviq) dhe pjesë e rrugës Veljko Vllahoviq (në pjesën nga objektit i Gjikatës themelore Dibër deri te shkolla fillore Penestia – korsia e djthtë), për shkak të kryerjes së punimeve sanimit të rrugës, më date 11.09.2021 pjesët e lartë përmendura do të jenë të mbyllura për të gjithë pjesëmarrësit në trafik.

Me nderime.

Kryetar i Komunës: Hekuran Duka        

Më lejoni që në emrin tim dhe të gjithë qytetarëve të Komunës Dibër të shpreh ngushëllimet më të sinqerta familjarëve të viktimave nga ngjarja tragjike e djegjes së spitalit modular në Tetovë, ndërsa të lënduarve nga kjo fatkeqësi shërim të shpejtë.

Në këto çaste të vështira ndjehemi afër me shpirt dhe me mendje me familjarët e viktimave, personat e lënduar si dhe me të gjithë qytetarët e Tetovës.

Shprehim gatishmërinë tonë maksimale që si pushtet vendor në kuadër të mundësive tona të ofrojmë çdo lloj ndihme të nevojshme.

Lusim Zotin e Madhërishëm që tju japë forcë për tejkalimin e situatës.

Me dhimbje,

Komuna Dibër

Kryetari

Dr Hekuran Duka

Pas përfundimit të procedurave administrative Komuna Dibër sot shpërndau 16 vendime pune, për 10 nëpunës administrativ dhe 6 persona të stafit teknik ndihmës.

Takim me shpëtimtarët që bëjnë roje në plazhin e Liqenit të Dibrës.Çdo gjë nën kontrollë. Projekt i investuar nga komuna Dibër. Bashëpunoi edhe Kryqi i Kuq Dibër.

Një sërë aktivitetesh solemne, sportive dhe kulturore janë mbajtur dje në Dibër për nder të 100 vjetorit të themelimit të Klubit Futbollistik “Korabi”.

Me organizimin e Komunës Dibër, fillimisht u mbajt një akademi solemne, me pjesëmarrje të shumtë jo vetëm të qytetarëve dibranë, por edhe përfaqësues të Korabit të Peshkopisë, Korabi i New Yorkut, përfaqësues nga Federata e Futbollit të Maqedonisë etj. Për të vazhduar më pastaj me një ndeshje futbolli në stadiumin e qytetit, një koncert artistik në sallën e koncerteve dhe një darkë solemne në fund të ditës.

Kryetari i Komunës së Dibrës Hekuran Duka, si inicuesi i këtyre organizimeve shprehet se ky 100 vjetor e ka gjetur Korabin me suksese të kënaqshme në kampionatet e Maqedonisë duke shtuar se, përkushtimi i Komunës Dibër do jetë akoma më i madh që Korabi të garojë në Ligën e parë të Maqedonisë.

“Unë si kryetar i Komunës vazhdoj të premtoj atë që e kam premtuar edhe më herët, që do i gjindemi pranë Korabit me të gjitha mundësitë dhe kapacitetet institucionale dhe financiare për të siguruar sukseset dhe ecurinë e shëndoshë të këtij klubi, e nuk ka dyshim që ashtu siç kam mbajtur premtimin e dhënë në këto 2 vite shumë të vështira, në përkushtimin ndaj këtij klubi, akoma më e madhe do jetë përkrahja jonë në vijim. Ne sot fillojmë me një vullnet dhe energji të re për të arritur majat e tabelës që do mundësojnë dhe kalimin në ligën e parë!” – U shpreh kryetari Duka.