Në një intervistë për Zërin e Amerikës, kryetari i komunës Hekuran Duka flet për kontributin dhe ivestimet e komunitetit dibran nga Shtetet e Bashkuara, mbi planet për të përfituar nga turizmi dhe për sfida të tjera me të cilat përballet Dibra e Madhe.
(C)Zëri i Amerikës
Duke filluar prej sot, 5 tetor, deri të premten, 11 tetor, në Dibër do të mbahet edicioni i 18-të i festivalit “Teatri shqiptar në Maqedoninë e veriut”, nën kujdesin organizativ të drejtorin të festivalit z. Ylber Nuredinit.
Hapja solemne u bë nga kryetari i komunes Dibër, z. Hekuran Duka i cili ka dhanë mbështjen e plotë të festivalit në të gjitha aspektet.
Në ora 19:30 para publikut dibran u paraqit shfaqja “As andej as kendej”.
Orari i çfaqjeve është me sa vijon më poshtë:
● Të dielën, më 6 tetor, me fillim prej ora 19:30 do të prezantohet shfaqja teatrore e Teatrit të Gjirokastrës “Fqinjët”.
● Të hënën, më 7 tetor, me fillim prej ora 11:00 do të shfaqet Teatri i Gjirokastrës me shfaqjhen “Shenjat e Pikesimit” gjithashtu po në të njejten ditë në ora 19.30 do të shfaqet Teatri i Preshevës me shfaqen “Misteri”.
● Më 8 tetor, e marte, me fillim prej ora 19:30 në kuadër të festivalit do të prezantohet Teatri i Tetovës me shfaqjen “Jashte Bie Bore” .
● Më 9 tetor, e mërkurë, me fillim prej ora 19:30 do të paraqitet shfaqja nga Teatri i Gjilanit shfaqja “Shfaqja qe shkon keq”.
● Më 10 tetor, e enjte, me fillim prej ora 19:30 në kuadër të Festivalit “Teatri shqiptar në Maqedoni” do të prezantohet Teatri i Ferizajit me shfaqjen “Kopraci” .
● Më 11 tetor, e enjte, me fillim prej ora 19:30 do të paraqitet shfaqja “Karnevalet e Korces” e Teatrit nga Prishtina.
Pas kësaj, në po të njëjtën ditë, më 11 tetor, do të bëhet edhe ndarja e çmimeve dhe do të përmbyllet festivali.
Lajmërohen të gjithë qytetarët dhe personat juridik, se Komuna Dibër organizon prezentim dhe anketë publike për Propozim “Planin detal urbanistik për pjesë të Bllokut 9, KK Dibër 2- Komuna Dibër, me periudhë planifikimi 2019-2024”, me sipërfaqe prej 1,1 ha, me këta kufinj:
– Verilindje: rr. ”Petre Popovski”;
– Jug: rr. ”Zdravko Çoçkovski”;
– Jugperëndim: rr. ”Vllazërim Bashkim” dhe rr. “22 Dhjetori”;
Propozim Plani do të ekspozohet në ambientet e Komunës Dibër. Anketa publike do të zgjasë 10 ditë pune, gjegjësisht prej më datë 10.10.2019 deri më datë 24.10.2019 (nga ora 800 deri më 1600). Në këtë afat kohor qytetarët dhe personat juridik të interesuar nga territori konkret i përfshirë me Plan mund të paraqesin vërrejtje, propozime dhe mendime deri te organizatori i anketës publike duke plotësuar dhe dorëzuar fletë anketë në formë të shkruar ose formë elektronike përmes sistemit e-urbanizëm.
Prezentimi publik profesional për Propozim planin do të mbahet më datë 17.10.2019 në ora 13.00, në hapësirat e Komunës Dibër, respektivisht në sallën e Këshillit të Komunës së Dibrës, rr. “8 Shtatori ” nr. 72.
Shkup, 4 tetor – Përmes shpalljes publike të re për ndarjen e mjeteve IPARD nga program 2014-2020, sot AMFBZHR ka bërë publike shpalljen në të cilën mund të aplikojnë të gjithë të interesuarit të cilët po i plotësojnë kushtet, ndërkohë që zëvendës drejtori Abdulselam Selami thotë se me këtë shpallje po zhvillojmë fermat dhe bizneset në vend.
‘Sot me publikimin e shpalljes së re për ndarjen e mjeteve IPARD 2014-2020 për masën Diversifikimi i fermave dhe zhvillimi i bizneseve, njëkohësisht po ndihmojmë në zhvillimin e këtyre dy drejtimeve dhe të gjithë të interesuarit kanë të drejtë të aplikojnë’, thekson kështu Selami.
Sot, AMFBZHR shpall SHPALLJE PUBLIKE Nr. 01/2019 për parashtrimin e kërkesave për shfrytëzim të mjeteve nga IPARD Programi 2014-2020.
Të gjithë personat e interesuar fizik dhe juridik nga RMV mund të parashtrojnë kërkesë për përdorim të mjeteve në kuadër të Programit IPARD 2014-2020 për masën: “Diversifikimi i fermave dhe zhvillimi i bizneseve”.
• Përkrahja financiare për këtë Thirrje Publike është e përbërë 75% nga mjete të siguruara nga Instrumenti i Asistencës së Para-Anëtarësimit të Bashkimit Evropian për Zhvillimin Rural (IPARD) në bazë të Marrëveshjes Financiare 2014-2020 dhe 25% të fondeve të siguruara nga Buxheti i RMV.
• Mjetet financiare për kërkesë të vetme jepen si një grant prej: 65% të kostos totale të investimit të pranueshëm të masës.
• Afati i fundit për parashtrimin e kërkesave është 18 nëntori 2019.
• Formularët nga “Aplikimi për përdorimin e Programit IPARD 2014-2020” si dhe “Udhëzimet për përdoruesit e Programit IPARD 2014-2020” dhe informacione të tjera të dobishme në versionin elektronik mund të shkarkohen në ëeb faqen e internetit të Agjencisë: www.ipardpa.gov.mk.
• Formularët e shtypur të aplikimit për Programin IPARD 2014-2020 dhe Udhëzimet për Përdoruesit e Programit IPARD 2014-2020 mund të merren direkt në objektin e AMFBZHR , Blvd. Brigada 20-të e Maqedonisë 3, (blloku i Maqedonia Tabak), 1000 Shkup dhe qendrat më të afërta regjionale ose njësitë e punës të Agjencisë për Nxitjen e Bujqësisë çdo ditë pune nga 8:30 deri në 16:30.
• Pas përfundimit të investimit, aplikanti është i detyruar t’i paraqesë Agjencisë një kërkesë për pagesë brenda afatit të përcaktuar në Kontratë për përdorimin e mjeteve.
• Për të kryer kontrollin në vend nga Agjencia, aplikanti kërkohet të ketë kopjet e të gjithë dokumentacionit të paraqitur në Agjenci.
• Për informata më të hollësishme mund të kontaktoni në nr. (02) 3097-460 ose me email në: [email protected] dhe në ëeb faqen: www.ipardpa.gov.mk
Nata e parë e Festivalit folklorik të Këngës “Oda dibrane”, filloi sonte në Dibër.
Festival që ka krijuar një traditë në promovimin e vlerave të trashëgimisë kulturore ku marrin pjesë grupe nga Shqipëria, Kosova dhe RMV.
Hapja e këtij festivali u bë nga kryetari i komunēs Dibër z. Hekuran Duka dhe kryetari i Bashkisë së Peshkopisë, z. Dionis Imeraj.
“Oda dibrane” në gjuhën popullore simbolizon dhomën e pritjes së mikut, ajo është simbol i vatrës së besës e bujarisë, qëndresës e trimërisë shqiptare.
Ky edicion i 25-të u prit shumë mir nga publiku artdashës dibran.
Bashkepunimi mes dy komunave do të vazhdojë edhe në të ardhmen si ne aspektin artistik, kulturor, arsimor dhe ekonomik.
Sot kryetari i Komunës së Dibrës z. Hekuran Duka mirëpriti në takim drejtorin e Agjensionit për përkrahje financiare në bujqësi dhe zhvillim rural z. Nikola Babovski dhe zv/drejtorin e Agjensionit për përkrahje financiare në bujqësi dhe zhvillimin rural z. Abdulselam Selami.
Së bashku inspektuan nga afër punimet në asfaltimin e rrugës për fshatin turistik Banjisht.Një projekt me investim nga agjensioni për mbështetje financiare në bujqësi dhe zhvillim rural dhe buxheti i komunës Dibër. Shpenzimet për përpilimin e projektit teknik u mbështet nga pronari i banjave “Capa”, z Mexhit Capa.
Ky investim me vlerë të përgjithshme 13.563.748,00 ka rëndësi të veçantë sepse rritë edhe më shumë zhvillimin turistikë të kësaj zone si dhe lehtësimin e qarkullimit për qytetarët.
Falemnderim i veçantë për drejtorin z. Babovski dhe per zv/drejtorin z. Selami të cilët shprehën gadishmëri për të realizuar projektet në komunën tonë si dhe duke premtuar se do të vazhdojë bashkëpunimi edhe në projektet e radhës.
Komuna e Dibrës gjithmonë do të jetë në shërbimin e qytetarëve, pasi ky është edhe qëllimi ynë si institucion, që qytetarëve tanë t’iu ofrojmë kushte sa më të mira për jetë.
Zëvendësministri i Punëve të Brendshme, Agim Nuhiu sot qëndroi për vizitë në Komunën e Dibrës.
Qëllimi i vizitës ishte rritja e bashkëpunimit në mes pushtetit lokal dhe policisë gjithashtu në përforcimin e sigurisë dhe rendit publik dhe njëkohësisht për të flakur edhe çdo pengesë apo burokraci që mund të vijë për bizneset në qytetin e Dibrës dhe për qytetarët e dy vendeve fqinje.
Filloi asfaltimi i rrugës për Banjisht. Projekti për rrugën e f. Banjisht u finansua nga agjensioni për zhvillim rural dhe buxheti i komunës Dibër. Shpenzimet për përpilimin e projektit teknik e mbështeti pronari i banjave “Capa”, z Mexhit Capa. Sëbashku për një Dibër ashtu siç e duam të gjithë.
Me datë 03.10.2019 (e Enjte) ora 19:00, në Qendrën për Kulturë në Dibër do të mbahet nata e parë e Festivalit Folklorik “Oda Dibrane”.
Në ora 17:00, të gjitha trupat pjesëmarrëse do të bëjnë Paradën e veshjeve përmes gjithë rrugës që përshkon qendrën e Dibrës.