Lajme nga Komuna

Sot në Qeverinë e RMV nënshkruajta 3 kontrata për realizimin e projekteve kapitale në Komunën e Dibrës në vlerë pre 42 milj. denarë.
Komuna e Dibrës gjithmonë e gatshme me dokumentacion për projekte që do të zgjidhin nevojat e qytetarëve për të cilat kemi dhënë fjalën.
Edhe për vitin 2025 kemi projekte të gatshme me të cilët do të konkurojmë pa humbur kohë në çdo thirje që do të shpallen.

Komuna e Dibrës vazhdon realizimin e segmentit të dytë për rikonstruimin e rrugës së Konjarës së re i cili projekt parashikon këto pozicione kryesore: heqja e materialit të rrugës së vjetër( bekatonkat), ndërtimi i kanalizimit atmosferik të ri, tamponimi i rrugës, vendosja e bankinave anash, dhe asfaltimi i rrugës. Punë shtesë ishte nivelizimi i pusetave në segmentin e parë.

Të njejtat pozicione janë duke u realizuar edhe në segmentin e dytë me një ndryshim që konsiston në rikonstruimin e kanalizimit fekal që totalisht finansohet nga buxheti i komunës së Dibrës kurse realizuaes është NPK Standard Dibër.

Sa për informim të drejtë të opinionit, finansimi i dokumentacioni teknik të projektit u bë nga buxheti i komunës së Dibrës, kurse realizimi i projektit u mundësua me kofinansim i cili u fitua nga komuna e Dibrës në shpalljen e Byrosë për zhvillim rajonal ku drejtor ishte z Ramiz Rexhepi dhe nga buxheti i Komunës së Dibrës.

I faleminderojmë të gjithë ata të cilët ishin dhe janë në mbështetjen të këtij projekti dhe ne si komunë do të ndihmojmë në suaza të mundësive, pa asnjë kursim, të përmirësojmë kushtet e këtyre banorëve.

Gjithashtu i ftojmë të gjithë të interesuarit që dëshirojnë të dinë diçka më tepër për ecurinë e këtij projekti, komuna e Dibrës është gjithmonë e gatshme të jap të dhëna të sakta dhe oficiale me të vetmin qëllim të mos ketë hapsirë për manipulime dhe dezinformime të opinionit nga individë të ndryshëm jo kompetentë.

Banorët e Konjarës ashtu si edhe banorët e lagjeve të tjera në Dibër, meritojnë edhe më shumë prandaj Komuna e Dibrës do të kujdeset edhe mëtutje në realizimin e projekteve të tjera infrastrukturore për të cilët do të informoheni në vazhdimësi.

Njoftim për Opinionin Publik

Pas reshjeve të dendura që përfshinë qytetin e Dibrës dhe zonat përreth në ditët e fundit, përfaqësues të Komunës Dibër, së bashku me komandantin e Njësisë së Zjarrfikësve Dibër si dhe përfaqësues nga Drejtoria për Mbrojtje dhe Shpëtim (DMSH), vizituan disa nga pikat më kritike dhe të rrezikuara nga përmbytjet. Situata është nën kontroll, por kërkohet pastrim i shpeshtë i kanaleve të ujërave në Lagjen Varosh “Kroja e Vakofit”, si dhe vazhdimi i pastrimit të kaskadave në fshatin Kosovrast i Poshtëm, një proces që po kryhet për të pestin vit radhazi, me qëllim sigurimin e rrjedhjes së duhur të ujit dhe shmangien e fatkeqësive.

Gjatë vizitës, u shqyrtua edhe një tjetër pikë me rrezikshmëri të lartë për rrëshqitje dhe rënie gurësh në malin pranë urës së Melnicanit, afër fshatit Kosovrast i Poshtëm. Janë identifikuar plasaritjet e dy shkëmbinjve të mëdhenj, të cilët mund të rrëzohen në çdo moment, duke paraqitur një rrezik të madh për jetën e njerëzve dhe mundësinë e katastrofave natyrore. Për këtë arsye, Komuna Dibër do të informojë organet kompetente dhe do të kërkojë ndërhyrje sa më të shpejtë për të parandaluar çdo fatkeqësi të mundshme.

Komuna Dibër po monitoron me kujdes të gjitha pikat kritike të rrezikuara nga reshjet e shiut dhe dëborës. Lusim qytetarët që, gjatë kushteve të tilla atmosferike, të shmangin lëvizjet e panevojshme për të lehtësuar ndërhyrjen në këto zona të rrezikuara dhe për të parandaluar çdo lloj katastrofe, qoftë ajo materiale apo me pasoja për jetën e njerëzve.

Komuna e Dibrës i bashkangjitet fushatës “Tetori – Muaji i ndërgjegjësimit për kancerin e gjirit” me një marsh senzibilizues ku pjesmarës ishin gratë dhe vajzat nga administrata e komunës, institucione që funksionojnë në qytetin tonë si shoqata joqeveritare.

Muaji i ndërgjegjësimit për kancerin e gjirit, i cili shënohet në vende të botës çdo vit në tetor, ndihmon në rritjen e vëmendjes dhe mbështetjes për ndërgjegjësimin, zbulimin dhe trajtimin e hershëm, si dhe kujdesin paliativ të kësaj sëmundjeje.

Me respekt,                                                              

Të nderuar,

Në bazë te Ligjit për Mbrojtjen e Popullatës nga Sëmundjet Infektive (Gazeta Zyrtare e RMV 66/2004, 139/2008 dhe 99/2009, 149/2014, 150/2015 dhe 37/2016), dhe në bazë të vendimit të Këshilli i Komunës Dibër për realizimin e dezinfektimit sistematik parandalues në territorin e Komunës së Dibrës si masë e përgjithshme kundër epidemisë Kompania për prodhim, ndërtim, inxhinieri, tregti dhe shërbime LISA-KOM MS DOOEL eksport-import Kavadar, paraqet njoftimin në vijim: Njohtojmë  te gjithë qytetarët që mirmbajnë bletë në zonën e Komunës së Dibrës që më datë 23.09.2024 (e hëne), ekipet e Kompanisë për Prodhim, Ndërtim, Inxhinieri, Tregti dhe Shërbime LISA-KOM MS DOOEL Export-Import Kavadar do të kryejë stërpikje dezinsektimi (nga toka)  me qëllim të shkatërrimit të mushkonjave. Stërpikja do të bëhet në periudhën nga ora 18.00 deri në 06.00, me aparat ULV për stërpikje. Dezinsektim do të përfshijë sipërfaqet e gjelbra në Komunë, bregun e Liqenit të Dibrës, deponitë dhe zonat përeth, vendbanimin urban të Dibrës si dhe pjesën tjetër të lokaliteteve të parapara në plan dhe program. Kërkohet nga bletarët dhe kooperativat e bletarisë që të marrin masat e duhura për mbrojtjen e bletëve. Në rast të kushteve të pafavorshme atmosferike (erë), dezinsektimi shtyhet për ditën tjetër të favorshme. Për të gjitha informatat dhe pyetjet, numri i kontaktit në kompaninë për prodhim, ndërtim, inxhinieri, tregti dhe shërbime LISA-KOM MS DOOEL eksport-import Kavadar është: 070 520 023.

Lista me rezultatet për mbështetje të shoqatave,klubeve dhe personave fizik në Komunën e Dibrës

Me datë 6 dhe 7 Gusht 2024, u shfaqën dy vatra zjarri në rrethinat e qytetit të Dibrës, duke shkaktuar dëme të mëdha në pyje në fshatrat Elefcë dhe Banisht, të cilët ndodhen në periferi të qytetit. Zjarri fillimisht nisi në fshatin Banisht më datë 6 gusht, ku Njësia e Zjarrfikësve Dibër arriti ta vërë nën kontroll dhe ta shuajë atë deri më datë 7 gusht. Megjithatë, në orën 11:00 të mëngjesit, një vatër tjetër zjarri u shfaq në fshatin Elefcë, 1000 metra mbi nivelin e detit dhe me një sipërfaqe prej mbi 5 km², e cila u përhap me shpejtësi për shkak të lëndës djegëse të thatë dhe të ulët, pyll dushku.

Për të ndërhyrë, u angazhuan 12 zjarrfikës, prej të cilëve 8 operonin në Elefcë dhe 4 në Banisht. Në këtë përpjekje u përfshinë gjithashtu forcat policore, përfaqësues të ndërmarrjes pyjore, forca vullnetare nga fshati Kosovrast i Epërm dhe nga Komuna Zhupë, të cilët mbështetën zjarrfikësit në terren.

Terreni i vështirë malor dhe pyjet e dendura bënë të pamundur ndërhyrjen efektive të kamionëve zjarrfikës. Për shkak të përhapjes së shpejtë të zjarrit dhe mungesës së burimeve njerëzore dhe materiale, Komandanti i Forcave Zjarrfikëse theksoi se kontrolli i zjarrit ishte i pamundur të realizohej përmes forcave tokësore.

Duke marrë parasysh situatën e rëndë, Komuna, në bashkëpunim me Qendrën për Menaxhim me Kriza (QMK) dhe Drejtorinë për Mbrojtje dhe Shpëtim, urgjentisht kërkoi ndihmë nga QMK-Qendra e Situatave për të ndërhyrë nga ajri dhe për të minimizuar dëmet dhe rrezikun për jetët njerëzore.

Sot, Qendra për Menaxhim me Kriza (QMK) dhe Drejtoria për Mbrojtje dhe Shpëtim (DMSH) na u përgjigjën duke vënë në dispozicion dy aeroplanë për shuarjen e zjarrit në fshatin Elefcë. Pas tre orë operimi, ata arritën ta shuajnë vatrën e zjarrit dhe ta vendosin nën kontroll situatën.

Në këtë rast, Komuna falënderon të gjitha institucionet dhe personat që u angazhuan në këtë operacion për fikjen e zjarrit. Njëherazi, i bëjmë apel qytetarëve që të kenë kujdes dhe të shmangin çdo lëvizje në pyje, pasi është gjendje e jashtëzakonshme dhe është e ndaluar ligjërisht çdo lëvizje e tillë. Çdo tentativë për shkelje të këtyre rregullave do të ndëshkohet me masa të rrepta.

Ju faleminderit për bashkëpunimin dhe mirëkuptimin!

Sonte ishte nata finale e turneut tradicional në futboll të vogël 2024.

Kjo ngjarje sportive përfundoi me shumë sukses në një atmosferë impozante dhe të gëzuar ku u tregua kultura sportive e ekipeve garuese si dhe publiku që ndoqi dhe mbështeti ekipet e tyre.

Çdo gjë në rregull, çdo gjë fair-play, plot gëzime, shoqëri dhe kënaqësi rinore u çfaqën në stadiumin e qytetit.

Rrezultatet ishin këto:

*Vendi i pare: Delishi Company

*Vendi i dyte: Restorant Drilon

*Vendi i tretë: Sem Term

-Lojtari me i mire: Fatjon Lleshi

-Portieri mi i mire:Fatih Qoku

-Lojtari Fair play: Dergim Kaja

Faleminderit stafit të komunës së Dibrës që organizoi këtë eveniment!

Në nje ambient sportiv dhe ndeshje teper interesante plot eufori u percaktuan ekipet finaliste Resaturant Drilon dhe Delishi Company. Falemnderojme pjesmaresit ne turne, respektin dhe korektsine e te gjith ekipeve qe ky turne tradicional te perfundon ashtu sic i ka hije.

Ju mirpresim neser ne ndeshjet finale.