Lajme nga Komuna

Sot per vizite ne komunen e Dibres qendroi zv Drejtori i Agjensise per rini dhe sport z. Izmit Nura i cili u prit nga kryetari i komunes Dr. Hekuran Duka.
Qellimi i kesaj vizite ishte per ti transmetuar drejtperdrejt kryetarit te komunes nje investim te rendesishem per sportin e Dibres, ku me propozim te Agjensionit per rini dhe sport ne seancen e 5-te te qeverise se RMV te mbajtur me 28.01.2020 eshte miratuar pika per “Ndertimin e dhjete fushave te basketbollit” ne te cilat njera do te ndertohet ne komunen e Dibres. Ndertimi i kesaj fushe per basket do te kushtoje 3.200.000 denare. Poashtu gjate takimit u bisedua edhe per nevojat tjera per sportin ne Diber si dhe per mundesine ne te ardhmen te behet edhe rikonstruimi i terreneve sportive me theks te vecante poligoni sportiv i qytetit.

Lajmërohen të gjithë qytetarët dhe personat juridik, se Komuna Dibër organizon prezentim dhe anketë publike për Propozim ” Planin detal urbanistik për Bllokun 2 -Dibër, Komuna Dibër, me periudhë planifikimi 2019-2024″.

Prezentimi publik profesional për Propozim planin do të mbahet më datë 04.02.2020 në ora 13:00, në hapësirat e Komunës Dibër, respektivisht në sallën e Këshillit të Komunës së Dibrës.

Sot në komunën e Dibrës në kuadër të projektit IPA të bashkëpunimit ndërkufitar në partneritet me CBS Tirana dhe Fondi Shqiptar i Zhvillimit të Shqipërisë: “Standartet bujqësore, çertifikimi ngritja e kapaciteteve përthithjen e fondeve dhe strategjitë e marketingut për mbështetjen e rritjes ekonomike dhe tregtisë”, e financuar nga Bashkimi Europian, zyrtarisht u dorzuan dy çertifikimet GLOBAL G.A.P për dy agrobizneset të kultivimit të lajthive Fisnik Dika dhe Sokol Dovolani.

Shpresojmë që ky projekt të jetë model edhe për projektet e tjera në dobi dhe në funksion të përkrahjes të fermerëve në komunën tonë.

Në këtë fundvit e ndjeva për obligim që të vizitoj punëtorët e NP “Standard” për t’ju komunikuar lajmin e mirë se në qeverinë e RMV kaloi ligji për zgjidhjen e problemit të sigurimeve shëndetësore për keto punëtore (oficiale do të jetë gazeta zyrtare) me çka do ti jepet fund këtij problemi shumëvjeçar. I faleminderoj të gjith faktorët të cilët sëbashku u angazhuan e sidomos përfaqësuesit shqiptar në qeverinë e RMV të cilët bënë maksimumin për ta realizuar kërkesën tonë. Sëbashku për një Dibër ashtu siç e duam të gjithë.

Në këtë natë të ndrimit të viteve, përveçse me familjen time, me iniciativën e disa të rinjve të komunës, vendosa në shenjë respekti të ndaj pak çaste edhe me heronjt e padukshëm të qytetit. Ata janë mejket kujdestar dhe personeli ndihmës, organet e rendit dhe sigurisë, zjarrëfikësit etj.

Le të jetë 2020 viti i njerëzve dhe punës së ndershme! Viti i vetëmohimit dhe sakrificës kolektive. Viti i dashurisë të pakursyer për njëri tjetrin dhe bashkërisht për qytetin.

Me besim në Zot shpresoj që ky vit të sjell shëndet, sukses individual dhe kolektiv, gëzim dhe lumturi!

I juaji

Hekurani

Prezentimi publik (para gazetarëve dhe qytetarëve) i punës së komunës Dibër për vitin 2019. Vitin që kaluam, edhe perkundër shumë vështirësive dhe peripecive të shumta, në përgjithësi ishte i suksesshëm dhe mundëm që t’ia dalim. Të shpresojmë që me projektet e pregatitura nga komuna, viti i Ri 2020 të jetë më i begatë.

Aktivitete e komunës prej
21.04.2019/28.12.2019
Te shpresojmë që në vitin 2020 të realizojmë më shumë plane dhe projekte për një jetë më të mirë të qytetarëve Dibran. Sëbashku për një Dibër ashtu siç e duam të gjithë. #Urime Viti i Ri 2020 !

Sot patëm mysafirë delegacionin nga SHBA-ja, ku në takim ishin prezent ekspertë që merren kryesisht me problematikat e të rinjve në nivel global, Presidentja Peggy Parfenoff nga WorldChicago, organizatë me lokacion në Chicago që menaxhon fondet e Departamentit të Shtetit Amerikan, ku përmes programeve shkëmbehen përvojat e profesionistëve mes Amerikës dhe vendeve tjera të botës. Në këtë takim u trajtuan dhe u diskutuan problematikat e ndryshme që ekzistojnë mes të rinjve, parandalimin e migrimit tek të rinjtë dhe projekte që ekzistojnë nga fonde të ndryshme që mund të sillen në vendin tonë. Ky takim konstruktiv vë në pah bashkëpunimin e madh mes komunitetit tonë me atë Amerikës.

Info point digjital për qytetin e Dibrës i vendosur në hyrje të komunës ku çdo qytetar ose turist mundet të mer informacionet elementare për qytetin. #TouchScreenMonitor

Njoftim për qytetarët e komunës Dibër.
Të nderuar qytetarë, Në mbështetje të nenit 7 të Rregullores për punë të Këshillit të Komunës Dibër, (“Kumtesa zyrtare e komunës”nr.4/05)
Më datë 16.12.2019 merret ky:A K T V E N D I M
PËR KONVOKIMIN E SEANCËS SË 30të TË KËSHILLIT TË KOMUNËS DIBËR KONVOKOHET seanca e 30të e Këshillit të Komunës Dibër. Seanca konvokohet për datë 18.12.2019 (e Mërkurë) në ora 11:00 në sallën e Këshillit të Komunës Dibër.
Për seancën e propozohet ky:
-miratimi i procesverbalit nr.29

R e n d d i t e

1. Përfundim për sjelljen e Programit për punën e Këshillit të Komunës për vitin 2020
2. Projekt buxheti i Komunës Dibër për vitin 2020
   3.Të ndryshme

Me këtë rast ftojmë qytetarët, të marrin pjesë në përgatitjen e buxhetit për vitin 2020.
Ju mirëpresim!