Lajme nga Komuna

Vendosja e materialit propagandues në kuadër të fushatës senzibilizuese kundra pandemisë Covid19 në komunën tonë.

Edhe një projekt i komunës Dibër u pranua që të fincohet nga ministria e ekogjisë në kuadër të programit për ujra. Bëhet fjalë për ndërtimin e një rezervoari me të gjithë standardet në zonën e sipërme të qytetit. Ndërtimi i rezervoarit dukshëm do të përmirësojë mungesën e ujit të pijshëm në qytet. Faleminderojmë ministrin z. Naser Nuredini për angazhimin e tij në realizim e këtij projekti vital për komunën e Dibrës. Sigurisht që ky bashkëpunim i frytshëm do të vazhdojë në realizimin e shum projekteve të tjera.

Çdo punëtor, administrator dhe qytetar që do të hyjë në objektin e komunës Dibër, do të kontrollohet se a mban maskë mbrojtëse dhe do ti matet temperatura trupore, këto si masa preventive kundra infekcionit me Covid19. Sugjerojmë që edhe institucionet tjera ta praktikojnë të njejten masë preventive. Luten qytetarët dhe të tjerët të respektojnë këtë rregullore.

Të nderuar!

Informohen të gjithë qytetarët dhe personat juridik që pjesë e rrugës lokale 1 Maji, në segmentin nga rrethrotullimi (rruga 8 Shtatori dhe Bulevard 100) deri te udhëkryqi pas objektit të MEGA Market me rrjetin sekondar të rrugës 8 Shtatori.

Komuna Dibër me kërkesë të “Jis Kompani” Shpk Dibër dhe pëlqim nga Ministria për punë të mbrendëshme SPB-Ohër Njësia për Polici, ka dhënë Aktvendim për ndrim të përkohshëm të rregjimit të komunikacionit në rrugën komunale rr. “1 Maji”, por për shkak të situatës të paparashikuar, rrëshqitja e dheut dhe pas kqyrjes në terren nga ana e ekspertëve nga Ministria për punë të mbrendëshme SPB-Ohër Njësia për Polici, Inspektori i autorizuar për ndërtim – Komuna Dibër dhe përfaqësues nga Sektori për urbanizëm i Komunës Dibër, për shkak të rezikut për pjesëmarrësit në trafik u vendos për mbyllje të përkohshme të segmentit të rrugës 1 Maji, deri në sanimin dhe sigurimin e kushteve për trafik të sigurt për të gjithë pjesëmarrësit. 

Tymi i zi që doli në afërsi të deponisë ishte pasojë e djegies së gomave. Ata nuk u ndezën vetëvetiu, ata u ndezën nga dora e njejtë e cila para festës se Bajramit ndezi edhe deponinë. Rasti është paraqitur tek organet kopetente që të meren gjith masat për zbulimin e autorit i cili në këtë rast ka kryer vepër penale ( kriminale).

Takimi rradhës i shtabit operativ komunal. Theks i veçantë u vendos mbi situatën e rënduar të epidemisë me COVID19 në qytetet tjera të RMV i cili përkeqësim mund që të ketë reperkusion negativ edhe në situatën e komunës tonë e cila momentalisht është në një situatë stabile epidemioligjike. U vendos që MPB të jetë me rigoroze në zbatimin e masave mbrojtëse nga ana e qytetarëve si dhe të bëhen testime për COVID19 personave të dyshuar për infekcion

Gëzuar 1 Qeshorin !
Nga konkursi i hapur, për nder të 1 Qershorit- ditës së fëmijëve, e organizuar nën patronatin e Komunës Dibër, në bazë të projektit me titull”Copëza Jete”, e profesoreshës Albulena Rexha Kaba, dhe në bashkëpunim me jurinë profesionale:

Albulena Rexha Kaba, Arta Gornca, Arbana Fetahu, Dritan Bocku.

Në konkurs morën pjesë 55 punime, prej të cilave u muar vendim që sipas kritereve të konkursit, fitues janë:
Vendi i I – Amira Sela, shifra 561005, me titull “Mjekët dhe Motrat engjujt shpëtimtarë”.
Vendi i II – Rona Ambari, shifra 394, me titull “Glob i lulëzuar”.
Vendi i III – Rea Nuredini, shifra 1468, me titull” Brenda dhe Jashtë”.

Artistët e rinj u pritën nga kryetari i komunës Hekuran Duka, i cili shpërndau, çmimet dhe shpërblimet! Në Art çmimet shërbejnë për të nxitur krijimtarinë. “Kreativiteti nuk është vetëm një garë”- prandaj ne duke i qëndruar besnik qëllimit tonë për të mbështetur artin, do ti publikojmë të gjitha punimet. Artistëve të rinj ju urojmë jetë me ngjyra, dhe krijimtari të bujshme!

Të nderuar Dibranë!

Takim pune me përfaqësuesit lokal të MPB-së z. Arben Dumani kryeshef i stacionit policor, inspektorin e lartë kundër kriminalitetit ekonomik z. Jusuf Avmedovski, analizuesin për zbulim të kriminalitetit z. Arsim Kobeci, prokurorin publik z. Nehat Croj dhe përfaqësues të inspektoratit komunal për ndërtim znj. Ana Alizoti, përfaqësues i sektorit juridik z. Osman Imetovski. Tema e bisedës ishte gjendja e sigurisë në komunën e Dibrës si dhe shkeljet ligjore në fushën e ndërtimit të objekteve pa leje si dhe fenomeni i uzurpimit të tokave në pronësi të RMV-së dhe komunës Dibër. U konstatua se në komunën tonë janë prezente të dy fenomenet të cilat janë konstatuar nga inspektori komunal. Në këtë drejtim u vendos që në një bashkëpunim të ngushtë në mes komunës dhe organet e lartëpërmendura, të meren të gjitha masat ligjore për zhdukjen e ketij fenomeni i cili kohën e fundit ka marë përmasa duke shfrytëzuar edhe krizën me Covid19. Ju bëjmë apel qytetarëve që të bashkëpunojnë për luftimin e kesaj dukurie, kurse ata të cilët kan bërë shkelje ligjore, të vetëdijësohen dhe të respektojnë të gjitha vendimet të cilat i sjell inspektorati për ndërtim, në të kundërtën do të jemi të detyruar të ndërmarim masa më ekstreme siç është prishja e objekteve pa leje dhe sanksione të tjera që kanë të bëjnë me këtë vepër penale.
………………………………