Month: <span>May 2022</span>

Sot vazhdoi puna me fazën më të vështirë të projektit për përmirësimin e ujit të pijshëm në qytetin e Dibrës , ndrimi i valvulave në ujësjellsin kryesor, lokacionin ura e Moliçanit. Projekti finansohet nga Komuna Dibër kurse e realizon firma CMC group nga Shkupi, si nënkontraktore është NKP “Standard” Dibër. Deri në përfundimin e këtij projekti kanë mbetur edhe pak punë dhe me këtë pritet përmirësimi i furnizimit me ujë
rreth 30% . Zgjidhja përfundimtare e problemit do të vazhdojë edhe vitin e ardhshëm me projkte të tjera të cilat paraqesin faza të projektit të madh për zgjidhjen e problemit me ujë të pijshëm.
Planifikohen që në fazat tjera të vendosen 2000 ujmatës nëpër amvisëri dhe subjekte ekonomike për të shmangur pagesën e ujit me “paushall” si dhe përmirësimi dhe rekonstruimi i rrjetit primar dhe sekondar të ujit, brenda qytetit. Sigurisht që do të meren aktivitete të tjera në drejtim të zbulimit të keqpërdorimit të ujit të pijshëm, lidhjeve të egra si dhe pagesa e rregullt e faturave nga ana e konsumatorëve. Këto hapa të guximshëm dhe jetik për qytetin e Dibrës do të jenë të suksesshëm nëse ka bashkëpunim të ngushtë me qytetarët e Dibrës duke e ngritur lartë vetëdijen kolektive për një përgjegjësi më të madhe qytetare kur është në pyetje mbajtja e pastërtisë publike dhe kujdesi maksimal në harxhimin e ujit të pijshëm.

https://fb.watch/dmhTQ94SWK/?fs=e&s=cl

I ftuar nga drejtoresha Ajrije Daçi ishte kënaqësi e veçantë të prezentoj në manifestimin kulturor e voglushëve të institucionit parashkollor “Breshia” . Sot festojnë edhe minimaturantët të cilët po pregaditen të shkojnë në klasën e parë të nëntëvjeçares. Gjithashtu afrohet edhe 1 qershori, dita ndërkombëtare e fëmijëve ku fëmijët e gjith botës festojnë. Kemi për oblogim që ne si institucion, si shoqëri në përgjithësi, të respektojmë të gjitha konventat ndërkombëtare të cilat mbrojnë të drejtat e fëmijëve. Stop abuzimit dhe keqtrajtimit të fëmijëve. Për kushte më të mira të jetës dhe zhvillim normal psiko fizik të fëmijëve. Urime dhe gëzuar.

• L A J M E R I M nga NKP “Standard”

NDERMARJA KOMUNALE PUBLIKE “STANDARD” DIBËR
Do të vazhdojë me ndrimin e valvulave- Ventilëve të ujësjellësit të Rosokut, URA E MELLNIÇANIT, fazë më e vështirë e projektit për sanimin e këtij ujësjellësi,( faza e VI) kështu që me datë 31.05.2022 ditën e MARTË duke filluar nga ora 08:00 deri në orën 22:00 do të ndalet furnizimi i qytetit me ujë nga ujësjellësi i Rosokut.
Luten qytetarët dhe firmat të sigurojnë sasi të mjaftueshme të ujit teknologjik dhe ujit për pije për nevojat e tyre.
Lutemi për mirëkuptim dhe durim.

Me respekt NKP “STANDARD” DIBËR

                                        Drejtor
                                     Burim Kaba

U bë rikonstruimi i unazës në afërsi të objektit të komunës me çka ofrohet një pamje më e bukur dhe funksionale. E njejta punë do të ndërmeret edhe për unazën tjetër në bulevardin Iliria.

Sot drejtori i spitalit të përgjithshëm Dibër z. Baki Alili, ndau mirënjohje për komunën Dibër dhe për puntorët shëndetësor të cilët në mënyrë direkte u kyçën në luftën kundër pandemisë me Kovid19. Komuna e Dibrës në atë kohë formoi shtabin operativ ku unë si kryetar shtabi në bashkëpunim me spitalin dhe të gjith institucionet të tjera menaxhuam me shumë sukses. Gjithashtu projekti për ndërtimin e spitalit modular kaloi nëpërmjet komunës së Dibrës në bashkëpunim me ministrinë e shëndetësisë ku komuna ndërtoi bazamentin, platformën dhe infrastrukturën nëntoksore. Urime për punën shembullore të gjith kolegëve!

Pas disa vështirësive me krizën e pandemisë, sivjet u mundësua që maturantët e komunës tonë të realizojnë defilenë tradicionale në qytet dhe të festojnë natën e maturës.
Maturantë të dashur!
Nga zemra ju uroj maturën duke ju dëshiruar sëpari të jeni të shëndetshëm dhe të keni fat dhe suksese në jetën tuaj që ju pret përpara me shumë sfida të tjera që ska dyshim se ju do ti përballoni me sukses pasi ju keni energji, edukatë, inteligjncë dhe jeni krenaria e këtij qyteti. Ju sapo e përfunduat një fazë të jetës tuaj me sukses, tani ju presin obligime të tjera, të profesionalizoheni duke mësuar dhe duke u edukuar në institucione edhe më të larta që të jeni të aftë të krijoni familjet tuaja duke qenë të dobishëm edhe për shoqërinë. Të gjith prindërve të maturantëve ju uroj gjithashtu një mbarsi për fëmijët e tyre.

Sot vizitova njësinë teritoriale për mbrojtje nga zjarri Dibër për tju shprehur urime për ditën e tyre. Njësiti ynë jep shërbime edhe 2 komunave fqinje atë të Mavrovë rostushes dhe qendrës Zhupë. Është një ndër njësitet më të mira në rang republike dhe komuna mundohet me të gjithë mundësitë që ka të plotësojë kërkesat teknike dhe administrative të njësitit. Urime dhe gëzuar.

Sot zv ministri i buqësisë z. Abdylshyqyr Abedini, vizitoi komunën e Dibrës ku dhe ralizuam një takim pune. Nga ana e zv ministrit u njoftuam për të gjithë programet e ministrisë ku ne mundemi të aplikojmë për projekte të ndryshme. Në lidhje me mënyrën e aplikimit të projekteve do të mbahet një seminar me përfaqësues nga komunat ku në detaje do të jepen udhëzime prektike në lidhje me aplikimin. Gjithashtu nga ana jonë u kërkua që të përshpejtohen proceduarat për realizimim e projektit të ujit për vaditje të fushës së Dibrës si dhe të hapen thirjet në agjensionin për bujqësi dhe zhvillim rural ku ne kemi të gatshme projekte infrastrukturore.