Në territorin e Komunës së Dibrës, do të fillojë trajtimi i qenve endacakë.

Në ditet në vijim, në territorin e Komunës së Dibrës, do të fillojë trajtimi i qenve endacakë. Ky trajtim do fillojë pasi Komuna Dibër ka nënshkruar marrëveshje me kompaninë fituese të tenderit, përmes së cilës, do të bëhet sterilizimi dhe kastrimi i qenve endacakë.

 Me këtë rast, Komuna Dibër u ka bënë thirrje të gjithë atyre pronarëve që mbajnë qen në shtëpi që të kujdesen, t’i mbajnë të lidhur dhe të mos i lëshojnë jashtë territorit të shtëpisë, në mënyrë që të mos kapen dhe të trajtohen bashkë me qentë tjerë endacakë.