Lajme nga Komuna

Општина Дебар има намера да додели договор за набавка што опфаќа испорака, истовар, позиционирање, инсталација, тестирање и пуштање во работа на една целосна и функционална линија за сортирање на отпад, во рамките на проектот REWASTE во Дебар, со финансиска помош од Интеррег VI-A ИПА Програмата „Грција – Северна Македонија 2021–2027“.

Тендерската документација е достапна на: Општина Дебар, ул. „8 Септември“ бр. 72, Општина Дебар Е-пошта: rewaste@dibra.gov.mk www.dibra.gov.mk

Крајниот рок за доставување на понудите е 09 ноември 2026 година, 16:00 часот по локално време. Сите барања за појаснување или дополнителни информации треба да се достават согласно тендерската документација. Сите појаснувања, исправки или дополнителни информации во врска со оваа постапка за набавка ќе бидат објавени на веб-страницата на Општина Дебар и ќе бидат соопштени согласно тендерската документација.

ПРЕЗЕМИ ТУКА

REWASTE/DEBAR/SUPPLY/2026/02-R1
The Municipality of Debar intends to award a supply contract for the delivery, unloading,
positioning, installation, testing and commissioning of one complete and operational waste
sorting line within the framework of the REWASTE project in Debar with financial assistance
from the Interreg VI-A IPA Programme “Greece – North Macedonia 2021–2027”.
The tender dossier is available from:
Municipality of Debar, Str. 8 Septemvri Nr 72, Municipality of Debar
Email: rewaste@dibra.gov.mk
www.dibra.gov.mk
The deadline for submission of tenders is 09 November 2026; 16:00 hrs, local publication time.
Any requests for clarification or additional information shall be submitted in accordance with
the tender dossier. Any clarifications, corrigenda or additional information concerning this
procurement procedure will be published on the Municipality of Debar website and
communicated in accordance with the tender dossier.

“The ReWaste project is implemented within the framework of the Interreg VI-A IPA Programme ‘Greece –
North Macedonia 2021–2027’ and is co-funded by the European Union at 80% and by national funds at 20%.”
„Проектот ReWaste се спроведува во рамките на Интеррег VI-A ИПА Програмата „Грција – Северна
Македонија 2021–2027“ и е кофинансиран од Европската Унија во износ од 80% и од национални средства
во износ од 20%.“

Почитувани,

Согласно Законот за заштита на населението од заразни болести („Службен весник на РСМ“ бр. 66/2004, 139/2008 и 99/2009, 149/2014, 150/2015 и 37/2016), и врз основа на Одлуката на Советот на Општина Дебар за спроведување на превентивна систематска дезинсекција на територијата на Општина Дебар како општа мерка против епидемија, Друштвото за производство, трговија и услуги ТРУЛИ НОЛЕН НМ ДООЕЛ, ул. Мито Хаџивасилев Јасмин бр. 36, лок. 3, Скопје, го доставува следното известување:

Се известуваат сите граѓани кои се занимаваат со пчеларство на подрачјето на Општина Дебар дека на 31.08.2026 година (понеделник), екипите на Друштвото за производство, трговија и услуги ТРУЛИ НОЛЕН НМ ДООЕЛ, ул. Мито Хаџивасилев Јасмин бр. 36, лок. 3, Скопје, ќе спроведат терестичка (одземна) дезинсекција, со цел уништување на комарците.

Прскањето ќе се врши во периодот од 18:00 до 06:00 часот, со апарат за ULV прскање.

Со дезинсекцијата ќе бидат опфатени зелените површини во Општината, крајбрежјето на Дебарското Езеро, депониите и околните подрачја, урбаното населено место Дебар, како и останатите локалитети предвидени во планот и програмата.

Се бара од пчеларите и пчеларските здруженија да ги преземат соодветните мерки за заштита на пчелите.

Во случај на неповолни временски услови (ветер), дезинсекцијата ќе се одложи за наредниот поволен ден.

За сите информации и прашања, контакт телефон во Друштвото ТРУЛИ НОЛЕН НМ ДООЕЛ е:

075 775 769

Со почит,
Општина Дебар

Еден ден исполнет со енергија, спорт и емоции!

Денес Дебар уште еднаш покажа дека спортот обединува, инспирира и носи живот и позитивна енергија во нашиот град.

Со успех заврши овогодинешното издание на Dibra Summer Run, активност која ги обедини граѓаните, љубителите на спортот и учесниците од сите возрасти, создавајќи посебна атмосфера низ улиците на Дебар.

Им благодариме на сите учесници, организатори, волонтери и на сите оние кои придонесоа за реализацијата на овој настан.

Продолжуваме да создаваме активности кои му даваат на нашиот град повеќе живот, енергија и можности за сите.

До следното издание!

Денес, градоначалникот на Општина Дебар, г. Фисник Мела, присуствуваше на јубилејната изложба „30 години посветеност на еманципацијата, образованието и интеграцијата на Ромската заедница во Дебар“, организирана од Хуманитарното здружение на Ромите „Хена“ Дебар.

Изложбата опфати над 300 фотографии и цртежи, кои ја прикажуваат 30-годишната работа и достигнувањата на здружението.

Градоначалникот Мела им честиташе на организаторите за нивната долгогодишна работа и посветеност, истакнувајќи ја важноста на придонесот на ромската заедница во општествениот живот на Дебар.

Градоначалникот на Општина Дебар, г. Фисник Мела, изврши увид во градежните работи на терен, каде што веќе започна асфалтирањето на јавните паркинзи во градот.

Овој проект ќе обезбеди нови и уредени паркинг-простори, со што ќе се олесни сообраќајот и ќе се создадат подобри услови за граѓаните и посетителите.

Работите се одвиваат со брзо темпо и наскоро граѓаните ќе имаат на располагање нови и пофункционални паркинг-простори.

Општина Дебар продолжува со реализација на конкретни проекти за поуреден и пофункционален град

Денес во Дебар се одржа свеченоста за доделување на клучевите од 47 социјални станови, наменети за граѓаните кои ги исполниле условите согласно јавниот повик и законски утврдените критериуми.

На настанот присуствуваа претседателот на Владата на Република Северна Македонија, Христијан Мицкоски, министерот за транспорт, Александар Николоски, и генералниот директор на Акционерското друштво за изградба и стопанисување со станбен и деловен простор, Марјан Стефановски.

Становите им беа доделени на корисниците кои, согласно јавниот повик, ги исполниле предвидените критериуми. Меѓу нив се лица без соодветно станбено решение, деца без родители или родителска грижа по навршување на 18 години, корисници на гарантирана минимална помош, како и лица погодени од елементарни непогоди.

Во своето обраќање, градоначалникот на Општина Дебар изрази благодарност за континуираната поддршка од Владата кон градот, истакнувајќи дека ваквите проекти директно придонесуваат за подобрување на квалитетот на живот на граѓаните. Тој ги истакна и инвестициите што се реализираат во Дебар, вклучувајќи ја изградбата на новиот булевар покрај оваа станбена зграда, кој се финансира во рамките на проектите од унгарскиот кредит, со вкупна вредност од околу 2 милиони евра за Општина Дебар.

Општина Дебар им честита на сите добитници на становите и им посакува добро здравје, среќа и убави моменти во нивните нови домови.

Градоначалникот на Општина Дебар, г. Фисник Мела, денес изврши увид во текот на асфалтерските работи што се реализираат во рамките на проектот за реконструкција на повеќенаменското спортско игралиште во ООУ „Ристе Ристески“ во село Могорче.

При увидот, градоначалникот се запозна со динамиката на изведбата и истакна дека Општина Дебар останува посветена на реализација на проекти кои ја унапредуваат спортската инфраструктура и создаваат современи услови за учениците, младите и жителите на селото.

Овој проект се реализира со средства од Буџетот на Општина Дебар и претставува уште една значајна инвестиција во подобрување на условите за спорт, рекреација и училишни активности.

Работите се одвиваат согласно предвидената динамика, а по нивното завршување жителите на Могорче ќе добијат современ и функционален простор за спортски, рекреативни и училишни активности

Врз основа на член 44 став (7) од Законот за  урбанистичко планирање (Сл. весник на Република Северна Македонија бр. 32/20, 111/23, 171/24, 224/24, 40/25, 101/25, 127/25 и 134/26) и по предлогот на Комисијата за урбанизам (10-210/5 од 20.07.2026) Градоначалникот на Општина Дебар, го донесува следното :

РЕШЕНИЕ

За одобрување Планска  програма  за  изработка  на  “ИЗМЕНА И ДОПОЛНА НА ГЕНЕРАЛЕН УРБАНИСТИЧКИ ПЛАН НА  ДЕБАР  ЗА  БЛОК  5  И  ДЕТАЛЕН УРБАНИСТИЧКИ ПЛАН ЗА БЛОК 5- обединета постапка на ГУП и ДУП, ОПШТИНА ДЕБАР”

Се одобрува Планска  програма  за  изработка  на  “ИЗМЕНА И ДОПОЛНА НА ГЕНЕРАЛЕН УРБАНИСТИЧКИ ПЛАН НА  ДЕБАР  ЗА  БЛОК  5  И  ДЕТАЛЕН УРБАНИСТИЧКИ ПЛАН ЗА БЛОК 5- обединета постапка на ГУП и ДУП, ОПШТИНА ДЕБАР”, изработена од  “ТАЈФА- ПЛАН” ДОО Скопје. со тех.р. 085/08/25 од Јули  2026 година.

– Планскиот опфат на  “ИЗМЕНА И ДОПОЛНА НА ГЕНЕРАЛЕН УРБАНИСТИЧКИ ПЛАН НА  ДЕБАР ЗА  БЛОК  5  И ДЕТАЛЕН УРБАНИСТИЧКИ ПЛАН ЗА БЛОК 5- обединета постапка на ГУП и ДУП, ОПШТИНА ДЕБАР” е дефиниран со следните граници:  север  ул. “Иса Болетини” – Магистрална улица со профил “М 2” по ГУП,  северозапад   ул. “Јусуф Грваља”,  југ ул. “Џафер Кодра”,  исток  ул. “101” Сервисна улица “СЕ 16” – новопроектирана по ГУП. Вкупната површина опфатена во рамките на опишаните граници  изнесува 7,11 ха

Образложение

    Врз основа на Програмата за изработка  на  урбанистички планови и урбанистичка  документација  на  територијата  на Општина Дебар за 2026 (Бр. 08-806/15  од  30.12.2025), покрената е постапка за изработка и одобрување на ПЛАНСКА ПРОГРАМА ЗА “ИЗМЕНА И ДОПОЛНА НА ГЕНЕРАЛЕН УРБАНИСТИЧКИ ПЛАН НА  ДЕБАР  ЗА  БЛОК  5  И  ДЕТАЛЕН УРБАНИСТИЧКИ ПЛАН ЗА БЛОК 5- обединета постапка на ГУП и ДУП, ОПШТИНА ДЕБАР”, заведено под.бр. 10-210/1 од 17.04.2026 год. Предмет кој се води преку ситемот е-урбанизам за ПП (2020) со бр. 79390.

     Со барањето за отпочнување на постапка приложи следната документација :

– Планска  програма  за  изработка  на  “ИЗМЕНА И ДОПОЛНА НА ГЕНЕРАЛЕН УРБАНИСТИЧКИ ПЛАН НА  ДЕБАР  ЗА  БЛОК  5  И  ДЕТАЛЕН УРБАНИСТИЧКИ ПЛАН ЗА БЛОК 5- обединета постапка на ГУП и ДУП, ОПШТИНА ДЕБАР” со технички број 085/08/25 од Јули  2026 година, изработена од “ТАЈФА- ПЛАН” ДОО Скопје.

– Геодетски елаборат за геодетски работи за посебни намени за ажурирана геодетска подолога,  изработен од  ГЕОМАТИКА ДОО Скопје,  со деловоден број: 0801-168/3-2025 од 18.07.2025.

– Програмата   изработка  на  урбанистички  планови  и   урбанистичка  документација  на  територијата  на Општина Дебар за 2026 год.

Бр.. 08-806/15  од  30.12.2025 год.

•    Предлог за одобрување на ПЛАНСКА ПРОГРАМА ИЗМЕНА И ДОПОЛНА НА ГЕНЕРАЛЕН УРБАНИСТИЧКИ ПЛАН НА  ДЕБАР  ЗА  БЛОК  5  И  ДЕТАЛЕН УРБАНИСТИЧКИ ПЛАН ЗА БЛОК 5- обединета постапка на ГУП и ДУП, ОПШТИНА ДЕБАР” од д.п.п.и. “ТАЈФА- ПЛАН” ДОО Скопје  со бр. 10-210/5 од  20.07.2026,  од Комисија за урбанизам.

     Градоначалникот на Општина Дебар,                  по извршениот увид на приложената документација констатира дека барањето е основано и се исполнети условите согласно член 44 став (7) од Законот за урбанистичко планирање (Службен весник на Република Северна Македонија бр. 32/20, 111/23, 171/24, 224/24, 40/25, 101/25, 127/25 и 134/26), и врз ова соснова се донесе решение како во диспозитивот.

УПАТСТВО ЗА ПРАВНО СРЕДСТВО:    Против ова Решение, барателот може да поднесе жалба во рок од 15 дена од денот на приемот на Решението до министерот кој раководи со органот на државната управа надлежен за вршење на работите од областа на уредувањето на просторот

РЕШЕНИЕ За одобрување Планска програма за изработка на “ИЗМЕНА И ДОПОЛНА НА ГЕНЕРАЛЕН УРБАНИСТИЧКИ ПЛАН НА ДЕБАР ЗА БЛОК 5 И ДЕТАЛЕН УРБАНИСТИЧКИ ПЛАН ЗА БЛОК 5- обединета постапка на ГУП и ДУП, ОПШТИНА ДЕБАР”

ПЛАНСКА ПРОГРАМА ЗА ИЗРАБОТКА НА ИЗМЕНА И ДОПОЛНА НА ГЕНЕРАЛЕН УРБАНИСТЧКИ ПЛАН НА ДЕБАР ЗА БЛОК 5 и ДЕТАЛЕН УРБАНИСТИЧКИ ПЛАН ЗА БЛОК 5 – обединета постапка на ГУП и ДУП ОПШТИНА ДЕБАР

Општина Дебар започна со реконструкција на повеќенаменското спортско игралиште во ООУ „Ристе Ристески“ во село Могорче.

Со овој проект ќе се создадат подобри услови за спортски, рекреативни и училишни активности, обезбедувајќи современ и функционален простор за учениците и жителите на селото.

Оваа инвестиција се реализира со средства од Буџетот на Општина Дебар.

Граѓаните и посетителите од сега можат да се поврзат на бесплатен јавен Wi-Fi на следната локација:

Центар на градот – Дебар

WiFi мрежата е поставена во рамки на иницијативата WiFi4WB, финансирана од Европската Унија и Владата на Сојузна Република Германија, а се спроведува од GIZ како дел од проектот EU4Digital.

Целта на иницијативата е да се овозможи бесплатен јавен интернет низ Северна Македонија и Западен Балкан. Општина Дебар е една од 500-те општини и градови во регионот кои ќе добијат WiFi4WB мрежа, по примерот на програмата WiFi4EU, која обезбеди бесплатен јавен интернет на повеќе од 7.000 локации низ Европската Унија.

Сите граѓани и посетители можат бесплатно да се поврзат и да користат сигурна интернет врска.

Со оваа поддршка, Општина Дебар продолжува да ги унапредува јавните услуги и да ја зајакнува дигиталната поврзаност на локалната заедница.