Author: diberkomuna

Како што ве информиравме и претходно, општина Дебар ќе организира општа еколошка акција за чистење на градот каде ќе бидат вклучени сите заинтересирани како институции, здруженија, фирми и сл. На состанокот одржан во општината секој си ги презеде своите обврски. Бидејќи во викендите времето беше нестабилно, немаше можност да се излезе на терен и ќе чекаме подобро време. Но, денеска компанијата „МИРЗО ТРАНС“ со сопственик Исмет Мирзо, доброволно ја исполни својата обврска со чистење на дивите депонии во Елевца и во дел од градот Дебар. Заблагодарувајќи им се за сработеното, ги повикуваме сите други компании, особено оние од селата, да се приклучат на оваа акција придонесувајќи за одржување на чистотата во градот. Оние кои не сакаат да придонесат, барем да внимаваат и да не фрлаат ѓубре од нивните дуќани на забранети места. Дебар ќе биде чист, колку што сме свесни и во оваа нема друг избор.

Чистењето на јавните површини продолжува секојдневно од страна на работниците од општината. Се чистат најжешките точки, особено патиштата кои водат до влезовите на градот како и околните места каде што се наоѓаат контејнери за отпад. Бидејќи сè уште има луѓе кои неодговорно фрлаат ѓубре на забранети места, ја користиме оваа прилика да апелираме за дополнителна грижа за чистотата во градот.

Денеска општина Дебар во соработка со ромските здруженија организираше активности во чест на Меѓународниот ден на Ромите 8 април.
Привремено поставување на ромското знаме пред општина Дебар и во
Населбите Маназјар и Вакоф. Поздравувајќи ги претставниците на Ромите и пофалувајќи ги најдобрите студенти Роми. Од хуманитарното здружение Месечина, на општина Дебар и беа доделени Благодарници за плодна билатерална соработка. Одржување на средба во културниот центар Дебар каде во мојот говор им честитав 8 април на сите Роми во нашата општина и пошироко. Континуирано ќе бидеме посветени на унапредување на оваа заедница преку проекти. Честитки!

Во организација на Американската агенција за меѓународен развој (УСАИД), бевме поканети да презентираме на состанокот „Нови партнери за подобро општинско буџетирање“. Општина Дебар веќе е партнер на првата група и дел од проектот на УСАИД за зајакнување на капацитетите за искористување на ресурсите, кој проект е финансиран од оваа агенција. Денеска ни се придружи втората група од 24 општини. Дебар досега е корисник на 4 проекти на УСАИД, проекти со кои значително ќе се подобри ефикасноста на општинската администрација во исполнувањето на обврските кон граѓаните. Амбасадорката на САД Кејт М.Бирнс во својот говор, меѓу другото, ја спомена само општина Дебар „…како добар пример за општина Дебар каде на влезот на општината, јавно и видливо за граѓаните се прикажани дневните трошоци на општината“.

Почитувани граѓани на општина Дебар.
Утре е првиот ден од благословениот месец Рамазан.
По повод почетокот на големиот месец Рамазан, сакам да ги изразам моите најсрдечни желби, посакувајќи ви лесен пост, хармонија, душевен мир и благосостојба во вашите семејства.
Посакувам овој месец, како и разбирањето, зближувањето и солидарноста меѓу луѓето да преовладува меѓу секој од вас.
Затоа, со почит и задоволство, од името на општина Дебар и од мое лично име, на сите верници ви го честитатам овој месец на пост.
Хекуран Дука
Градоначалник на општина Дебар.

Речиси е завршен најприоритетниот проект на општина Дебар за замена на вентили за воздух и вода на линијата од Росок до главниот резервоар на градот. Со овој проект, општина Дебар презеде храбри чекори да интервенира во најделикатниот дел од градското водоснабдување, но кој ќе биде една од најважните зафати за подобрување на недостигот од вода за пиење во нашата општина. Согласно проектот, до крај ќе се изврши поставување на помал број вентили и изградба на 3 големи шахти заедно со најсовремена опрема, која ќе биде лоцирана на главните крстосници каде моментално има загуба на вода. Овој проект е само прва фаза од решавањето на проблемот со водата за пиење, после тоа ќе има уште 2 проекти (кои се во подготовка) и се надеваме дека до крајот на следната година еднаш засекогаш проблемот со водата за пиење во општина Дебар , да се реши.