Градоначалникот на Општина Дебар, г. Фисник Мела, денес оствари официјална средба со Првиот заменик-претседател на Владата и министер за европски прашања, г. Беким Сали.

За време на средбата во кабинетот на градоначалникот се разговараше за развојните проекти на Општина Дебар, инфраструктурните инвестиции и можностите за понатамошно институционално партнерство во реализацијата на проекти од значење за граѓаните.

По средбата, градоначалникот Мела и вицепремиерот Сали извршија увид во градежните работи на два значајни инфраструктурни проекти: улицата кај Новиот булевар и улицата во населбата Венец 2, каде што паралелно се изведува и фекална канализациона мрежа.

Овие инвестиции, кои се реализираат според највисоките градежни стандарди, претставуваат значаен чекор кон подобрување на локалната инфраструктура. По долгогодишно чекање, за жителите на овие населби конечно станува реалност изградбата на современи улици и квалитетна комунална инфраструктура, што значително ќе ги подобри условите за живот.

Градоначалникот Фисник Мела истакна дека Општина Дебар останува целосно посветена на реализација на капитални проекти кои директно придонесуваат за подобар квалитет на живот на граѓаните и изрази благодарност до институциите на централната власт за поддршката и успешната соработка во спроведувањето на овие значајни инфраструктурни инвестиции