Lajme nga Komuna

Pas përfundimit të procedurave administrative Komuna Dibër sot shpërndau 16 vendime pune, për 10 nëpunës administrativ dhe 6 persona të stafit teknik ndihmës.

Takim me shpëtimtarët që bëjnë roje në plazhin e Liqenit të Dibrës.Çdo gjë nën kontrollë. Projekt i investuar nga komuna Dibër. Bashëpunoi edhe Kryqi i Kuq Dibër.

Një sërë aktivitetesh solemne, sportive dhe kulturore janë mbajtur dje në Dibër për nder të 100 vjetorit të themelimit të Klubit Futbollistik “Korabi”.

Me organizimin e Komunës Dibër, fillimisht u mbajt një akademi solemne, me pjesëmarrje të shumtë jo vetëm të qytetarëve dibranë, por edhe përfaqësues të Korabit të Peshkopisë, Korabi i New Yorkut, përfaqësues nga Federata e Futbollit të Maqedonisë etj. Për të vazhduar më pastaj me një ndeshje futbolli në stadiumin e qytetit, një koncert artistik në sallën e koncerteve dhe një darkë solemne në fund të ditës.

Kryetari i Komunës së Dibrës Hekuran Duka, si inicuesi i këtyre organizimeve shprehet se ky 100 vjetor e ka gjetur Korabin me suksese të kënaqshme në kampionatet e Maqedonisë duke shtuar se, përkushtimi i Komunës Dibër do jetë akoma më i madh që Korabi të garojë në Ligën e parë të Maqedonisë.

“Unë si kryetar i Komunës vazhdoj të premtoj atë që e kam premtuar edhe më herët, që do i gjindemi pranë Korabit me të gjitha mundësitë dhe kapacitetet institucionale dhe financiare për të siguruar sukseset dhe ecurinë e shëndoshë të këtij klubi, e nuk ka dyshim që ashtu siç kam mbajtur premtimin e dhënë në këto 2 vite shumë të vështira, në përkushtimin ndaj këtij klubi, akoma më e madhe do jetë përkrahja jonë në vijim. Ne sot fillojmë me një vullnet dhe energji të re për të arritur majat e tabelës që do mundësojnë dhe kalimin në ligën e parë!” – U shpreh kryetari Duka.

Siç ju kemi informuar, nga faza e dytë e programit TAV, komuna Dibër fitoi 2 projekte infrastrukturore: një rrugë lokale në qytetin e Dibrës dhe një projekt në fshatin Banjisht. Kurse sot, në fazën e tretë, fitoi edhe një projekt për në f. Otishan. Me këtë ka përfunduar mbështetja financijare e projekteve infrastrukturore të komunës Dibër me të cilat kemi aplikuar për këtë program dhe me të cilat është përfshirë realizimi i ndërtimeve infrastrukturore në interes të drejtpërdrejt të qytetarëve.

Komuna Dibër organizon turneun tradicional në futboll të vogël “Albert Kaba” që do të filloj me date 08.08.2021.
Paraqitja e ekipave mund të bëhet te zyra e sektorit për arsim kulture dhe sport nga ora 10.00 deri në orën 13.00 dhe paraqitja do të zgjasë deri me date 07.08.2021 kur do të hiqet edhe shorti (grupet, koha e ndeshjeve etj).
Paraqtija e ekipave është me pagesë (3000 denarë) dhe i gjithë fondi i mbledhur do të ndahet për ekipet finaliste.
Është e obligueshme që çdo ekip gjatë paraqitjes për pjesmarje të dorëzojë edhe listen e lojtarëve (max 10)
Ndeshjet do të zhvillohen në poligonin e qytetit.
Informata plotsuese mund të meren pranë zyrave të përmendura ose në tel:
070/241-221.

Sot, krenaria e qytetit tonë KF Korabi filloi trajnimet për përgatitjet e sezonit të ri. Plot 4 vite që Korabi garon në Ligën e dytë në kampionatin e Maqedonisë. Me shumë mund dhe sakrifica kemi arritur që ky klub futbollistik, i vetmi në qytetin e Dibrës, të arrijë progres të vazhdueshëm. Me përkrahjen e pa rezerve të Komunës Dibër, si sponzori kryesor i klubit dhe përkrahjen e shumë firmave të qytetit dhe diasporën, Korabi ka arritur të sigurojë pozitën e 5-të në tabelën e ligës së dytë, një pozitë e konsiderushme, duke aspiruar për arritje dhe suksese të mëtejshme.Gjithashtu një lajm shpresëdhënës dhe i gëzueshëm është edhe pjesëmarrja e 80 fëmijëve dibranë në shkollën e futbollit, duke synuar në një të ardhme të afërt një përbërje shumë cilësore dhe autentike dibrane të klubit me të cilën do synojmë atë që Korabi e ka merituar me kohë – të garojë në ligën e parë të Maqedonisë. Nuk ka dyshim që përkrahja e jonë si pushtet vendor nuk do mungojë, do jetë akoma më e madhe. Unë si kryetar i Komunës vazhdoj të premtoj atë që e kam premtuar edhe më herët, që do i gjindemi pranë Korabit me të gjitha mundësitë dhe kapacitetet institucionale dhe financiare për të siguruar sukseset dhe ecurinë e shëndoshë të këtij klubi, e nuk ka dyshim që ashtu siç kam mbajtur premtimin e dhënë në këto 2 vite shumë të vështira, në përkushtimin ndaj këtij klubi, akoma më e madhe do jetë përkrahja jonë në vijim.Ne sot fillojmë me një vullnet dhe energji të re për të arritur majat e tabelës që do mundësojnë dhe kalimin në ligën e parë!Falenderojmë stafin udhëheqës që ka dhënë kontribut të jashtëzakonshëm në mbështetjen morale dhe profesionale. Një falenderim dhe për FFM-në me në krye z. Muhamed Sejdini i cili për këtë sezon ndihmoi Korabin me makineri dhe rekuizitë për regullimin dhe përgatitjen e stadiumit të Korabit. Urojmë për një sezon të mbarë dhe sa më të suksesshëm!

Në bazë të nenit 50 nga Ligji për vetëqeverisje lokale (“Gazeta zyrtare e RM” nr. 5/02), neni 8 paragrafi 1 pika 4 nga Ligji për transport në trafikun rrugor (“Gazeta Zyrtare e Republikës së Maqedonisë” nr. 68/04, 127/06, 114/09, 83/10, 140/10, 17/11, 53/11, 6/12, 23/13, 120/13, 163/13, 187/13, 42/14, 112/14, 166/14, 44/15, 97/15, 124/15, 129/15, 193/15, 37/16, 71/16, 64/18, 140/18 dhe 163/18 dhe “Gazeta zyrtare e Republikës së Maqedonisë së Veriut” nr. 275/19), në pajtim me Rregulloren për procedurën dhe Programin për  dhënien e provimit për marrjen e certifikatës për auto-taksi shofer, forma dhe përmbajtja e procesverbalit dhe Çertifikatit për auto taksi shofer (“Gazeta zyrtare e RM” nr. 126/19). Kryetari i Komunës Dibër shpall

THIRRJE PUBLIKE

për paraqitjen e personave të interesuar nga Komuna Dibër, për dhënien e provimit për marrjen e Çertifikatit për auto-taksi shofer

1. LËNDA E THIRRJES PUBLIKE
   1. Lënda e thirrjes publike është paraqitja e personave të interesuar nga Komuna Dibër, për dhënien e provimit për marrjen e Çertifikatit për auto-taksi shofer.
   1. Provimin zbatohet nga Komision i posaçëm për dhënien e provimit për auto-taksi shofer, i formuar nga Kryetari i Komunës.
   1. Provimi kryhet tek subjekti juridik i posaçëm i cili i plotëson kushtet ligjore për dhënien e provimit.
   1. Shpenzimet e dhënies së provimit bie mbi shoferin.

• TË DREJTË PËR PJESËMARRJE NË THIRRJEN PUBLIKE
  • Të drejtë për pjesëmarrje në Thirrjen publike kanë të gjithë personat e interesuar nga Komuna Dibër, me dorëzimin e paraqitjes e cila përmban:
• Emrin dhe mbiemrin e kandidatit;
• Datën, vitin dhe vendin e lindjes;
• Adresën e vendbanimit ose qëndrimit;
• Numri i letërnjoftimit dhe numri amë.
  • Kandidatët e paraqitur janë të detyruar të dorëzojnë edhe Vërtetimin për kryerjen e trajnimit nga personi juridik i autorizuar nga Komuna Dibër për aftësim profesional të kandidatëve. (Informata për trajnim nga personi juridik i cili është i autorizuar nga Komuna Dibër për arsim profesional të kandidatëve, personat e interesuar mund të marrin në numrin e telefonit 071 669 404).

• MËNYRA DHE AFATI I DORËZIMIT TË PARAQITJEVE
  • Personi nga pika 2 dorëzon Paraqitje deri te arhiva në Komunën Dibër, më së voni dy ditë para mbajtjes së provimit.

• PROVIMI
  • Provimi mbahet një here në muaj (më date 27 të çdo muaji, në rast dite jo pune atëherë provimi do të mbahet ditën e tjetër të punës);
  • Provimi përbëhet nga pjesa teorike i cili jepet me shkrimi në formë testi;
  • Provimi përmban pyetje nga dy tematika dhe atë:
• siguria në trafikun rrugor, dhe
• transporti i udhëtarëve.

Pas zbatimit të provimit në qoftë se kandidati e kalon të provimin do ti jepet Vërtetim i posaçëm për dhënien e provimit, ndërsa në afat prej 15 ditë do ti jepet Çertifikatë për auto-taksi shofer.   

Sot u nënshkrua marëveshja shumë e rëndësishme me ministrinë e arsimit për rekonstruimin e shkollave komunale Penestia në Dibër dhe Riste Ristevski në f. Mogorçë.

Vizita e para disa muajshe që iu bë mërgatës dibrane në SHBA nga delegacioni i komunës Dibër, ishte një vizitë shumë e suksesshme në aritjen e qëllimeve. Prezentimi qëndror i punës së komunës, para dibranëve, gjatë 2 vitet e fundit i cili u realizua në tubimin masovik të mbajtur në Staten Island, ishte një referencë shumë e rendësishme për bashkëpunimin e mëtutjeshëm të komunës me dibranët e Amerikës. Në mes tjerash nga ana e mërgimtarëve u shpreh një gadishmëri që të kontribuohet edhe financiarisht në mbështetje të projekteve prioritare për komunën. Biznismeni i mirënjohur dibran Z. Abib Sela në atë tubim premtoi se do bëjë donacion për Dibrën një shumë prej $20.000 (njëzet mij dollarë) të dedikuara për fazën e parë të prejektit për ujin e pijshëm i cili do të kushtojë rreth € 200.000 (dyqind mijë euro) dhe do të fillojë sëshpejti. Për hir të transparencës dhe shembullit të mirë patriotik, ju njohtojmë se sot komuna Dibër në konton e donacioneve që hapet për herë të parë në buxhetin e komunës, kanë aritur $20.000 nga z. Abib Sela. Fjala e dhanë publike, u mbajt kurse ne jemi mirënjohës për këtë gjest të Bibit i cili nuk ndalet asnjëherë duke ndihmuar vendlindjen e tij.