Lajme nga Komuna

Siç ju kemi informuar edhe më parë, komuna e Dibrës do të organizojë aksion të përgjithshëm ekologjik për pastrimin e qytetit ku do të kyçen të gjithë të interesuarit si institucionet, shoqatat, firmat, etj etj. Në takimin që u mbajt në komunë, sejcili mori obligimet e veta. Për shkak se gjatë vikendeve koha ka qenë e paqëndrueshme, nuk ka pasur mundësi që të dilet në teren dhe do të presim për një kohë më të mirë. Por sot firma “ MIRZO TRANS” me pronar Ismet Mirzo, vullnetarisht e ka kryer obligimin e vet duke pastruar deponi të egra në Elevcë dhe në një pjesë të qytetit të Dibrës. Duke i faleminderuar për punën e bërë, ftojmë të gjith firmat tjera , e sidomos atyre të fshatrave, që ti bashkangjiten këtij aksioni duke kontribuar në mirbajtjen e pastërtisë në qytet. Ata të cilët nuk duan që të kontribojnë, të paktën të jenë të kujdesshëm dhe mos hudhin mbeturina nga dyqanet e tyre në vende të ndaluara. Dibra do të jetë e pastër, aq sa ne vetëdijesohemi dhe kjo nuk ka zgjidhje tjetër.

Është nder dhe kënaqësi jo vetëm për Komunën e Dibrës por për gjithë qytetarët Dibranë kur zonja Ambasadore e Shteteve të Bashkuara të Amerikës, në mesin e mbi 30 Komunave prezent me përfaqësuesit e tyre, zgjedh dhe veçon Komunën e Dibrës si shembulli më i mirë se si me thjeshtësi arrijmë të përçojmë transparencën tek qytetarët tanë.

Përveç se krenarë, ne si bartës të proceseve dhe punës në Komunën e Dibrës, kjo deklaratë e zonjës Ambasadore na nxit edhe më shumë në punën tonë mbi bazën e transparencës.

Vetëm kjo rrugë dhe ato vlera na mundësojnë që ne sot te jemi partnerë në projektet e USAID-it dhe përfitues të shumë investimeve kapitale në dobi të qytetit tonë.

Pastrimi i hapsirave publike vazhdon çdo ditë nga puntorët e komunës. Pastrohen pikat më të “ nxehta” e sidomos rrugët që çojnë në hyrjet e qytetit si dhe vendet përreth ku janë të vendosur kontenjerë për mbeturina. Pasi ende ka njerëz të cilët në mënyrë të papërgjegjshme hudhin mbeturinat në vende të ndaluara, shfrytëzojmë rastin të bëjmë apel për një kujdes më të shtuar për sa i përket pastërsisë në qytet.

Sot komuna Dibër në bashkëpunim me shoqatat rome organizoi aktivitete për nder të ditës ndërkombëtare të romëve 8 prillin.
Vendosja e përkohshme flamurit të romëve para komunës dibër dhe në lagjet manazjar dhe vakof. Pritja e përfaqësuesve të romëve dhe dhënia e lëvdatave nxënësve më të mirë rom. Mirnjohje mga shoqata hiumanitare hëna/ mesecina për personelin medicinal rom që u përball me luftën kundra covid 19 në komunën tonë. Nga shoqata humanitare Hëna / Meseçina gjithashtu komunës së Dibrës iu dha Mirënjohje për bashkëpunim të frytshëm bilateral. Mbajtja e takimit në qendrën për kulturë Dibër ku unë në fjalimin tim urova 8 prillin të gjith romëve të komunës sonë dhe më gjërë. Në vazhdimësi do të jemi të përkushtuar që nëpërmjet projekteve të avansojmë këtë komunitet. Urime !

Në organizim të Agjencisë Amerikane për zhvillim ndërkombëtar (USAID), ishim të ftuar të prezentojmë në takimin ”Partner të rinj për buxhetim më të mirë të komunave”. Komuna Dibër veç është partnere e grupit të parë dhe pjesë e projektit të USAID-it për përforcimin e kapaciteteve për shfrytëzim të resurseve i cili projekt finansohet nga ky agjension. Sot na u bashkuan edhe grupi i dytë prej 24 komunash. Dibra deri më tani është përfituese e 4 projekteve të USAIDit, projekte të cilët dukshëm do të përmirësojnë efikasitetin e administratës komunale në realizimin e obligimeve të cilat i kanë ndaj qytetarëve. Ambasadorja e SHBA znj. Kate M. Byrnes në fjalimin e saj mes tjerash përmendi vetëmse komunën e Dibrës “ ….si shembull i mirë i komunës së Dibrës ku në hyrje të komunës, publikisht dhe në mënyrë të dukshme për qytetarët janë të shfaqur shpenzimet ditore të komunës”.

Të nderuar qytetarë të Komunës së Dibrës.

Nesër është dita e parë e muajit të bekuar të Ramazanit.
Me rastin e fillimit të muajit të madhërishëm të Ramazanit, dëshiroj t’ju shpreh urimet e mia më të përzemërta duke ju dëshiruar agjërim të lehtë, harmoni, qetësi shpirtërore dhe begati në familjet tuaja.
Uroj që në këtë muaj të shenjtë, si muaj i mirëkuptimit, afrimit dhe solidaritetit mes njerëzve të mbizotërojë paqja dhe harmonia mes secilit.
Prandaj, me respekt dhe kënaqësi, në emër të Komunës së Dibrës dhe në emrin tim personal, Ju uroj këtë muaj të agjërimit gjithë besimtarëve.
Hekuran Duka
Kryetar i komunës së Dibrës.

Gati në përfundim projekti më prioritar i komunës Dibër për ndrimin e valvulave të ajrit dhe ujit në linjën prej Rosokut deri në rezervoarin kryesor të qytetit. Me këtë projekt Komuna Dibër mori hapa të guximshëm për të intervenuar në pjesën më delikate të ujësjellsit të qytetit, por i cili do të jetë një ndër intervenimet më të rëndësishme për përmirësimin e mungesës së ujit të pijshëm në komunën tonë. Në bazë të projektit, deri në përfundim, mbeten vendosja edhe një numri më të vogël të valvulave si dhe ndërtimi i 3 pusetave të mëdhaja bashkë me paisjet më bashkëkohore, të cilat do të vendosen në nyjet kryesore ku tani për tani ka humbje të ujit. Ky projekt paraqet vetëmse fazën e parë të zgjidhjes së problemit të ujit të pijshëm, pas kësaj do të pasojnë edhe 2 projekte të tjera ( që janë duke u pregaditur) dhe shpresojmë që deri në fund të vitit të ardhshëm, njëherë e përgjithmonë, problemi me ujin e pijshëm në komunën e Dibrës, të mer fund.

Nga Programi i Bashkimit Europian Erasmus+, shkolla komunale 28 Nëntori me koordinator Arbër Ambari, ka fituar edhe një projekt
“Përdorimi i aplikacioneve celulare në procesin mësimor” ku si partnerë janë shtetet:
Italia, Portugalia, Polonia dhe Turqia. Të gjith prfaqësuesit u pritën edhe në komunën Dibër për ti dhënë peshë dhe seriozitet këtij projekti të rëndësishëm në procesin edukativo arsimor.

Në fillim të muajit prill komuna Dibër në bashkëpunim me të gjithë palët e interesuara që veprojnë në këtë komunë, do të organizojë aksion ekologjik për pastrimin e qytetit dhe pjesëve ruarale. Sot ishte takimi i parë konsultativ ku u debatuan shumë çështje që kanë të bëjnë me organizimin dhe mbarvajtjen e këtij aksioni. Faleminderoj të gjith ata të cilët me prezencën e tyre në këtë takim treguan interesim maksimal dhe bëjmë thirje edhe tek individët dhe subjektet tjerë në këtë qytet që të kontribuojnë në realizimin e këtij aktiviteti shumë të rëndësishëm për qytetin tonë. Për çdo lajmërim na ndiqni në fb e komunës Dibër dhe web faqen oficiale të komunës.

Të nderuar qytetarë, përfaqësues të institucioneve shtetërore, përfaqësues të organizatave jo-qeveritare, shoqatave, klubeve sportive, mediave si dhe sektori i biznesit privat.

Informoheni se me datë 28 mars, ditë e hënë, ora 13:30 në ambientet e Komunës Dibër organizohet takim koordinues me përfaqësuesit e institucioneve dhe ojq-ve mbi agjendën ekologjike, e inicuar nga Komuna Dibër ku parashikohet nje aksion i madh ekologjik gjithë përfshirës duke filluar nga administrata e Komunës Dibër, ndërrmarja komunale Standard, institucionet tjera vendore, ojq-të dhe bizneset që janë të gatshme të bashkangjiten në nismën tonë.

Në takim do diskutohet plani operativ, kohëzgjatja e aksionit, ndarja e zonave dhe detyrave si dhe pika tjera të parapara në planin operativ.

Ndihmën dhe kontrinbutin më të madh e presim nga sipërmarësit dhe biznesi privat në qytetin tonë të cilët duhet të jenë në vijën e parë të këtij aksioni me të gjitha mjetet e mundëshme, duke mos përjashtuar edhe subjektet dhe institucionet e tjera sidomos bizneset qe posedojnë mjete të rënda pune si kamionë, bagerë etj.

Sigurisht që çdo pjesmarrës ka hapësirën dhe kohën të shprehë sugjerimet dhe pikëpamjet e institucionit apo shoqatës që përfaqëson.

Pas mbarimit të takimit qytetarët do informohen më hollësisht mbi diskutimet dhe vendimet!