Lajme nga Komuna

Aksioni ekologjik i organizuar nga komuna Dibër doli me shumë sukses pasi në të u kyçën të gjith individët dhe subjektet e ndryshëm të cilët mbi të gjitha e duan pastërtinë e Dibrës jo vetëm me fjalë por edhe në vepër. Me këtë aktivitet u dha një mesazh se ndaj ndotjes së ambientit të cilin e shkaktojnë në vazhdimësi disa persona të pa ndërgjegjshëm, ne që e duam natyrën dhe ambientin e Dibrës, nuk do të rijmë duarkryq por do të veprojmë. Një faleminderim të madh të gjith pjesmarësve të cilët në këto ditë agjërimi bënë një vepër të cilën e pëlqen jo vetëmse njeriu por edhe Perëndia. Aksione të tilla do të organizojmë edhe muajt në vazhdim duke mos marë parasysh se kush do ta iniciojë, me rëndësi ka që Dibra të pastrohet nga mbeturinat. Ky është gjest patriotik dhe obligim i çdo qytetari.

Dukas Company vullnetarisht vazhdon edhe sot të pastrojë deponitë e egra nëpër qytet. Bashkohuni edhe ju të tjerët në aksionin për pastrimin e përgjithshëm të qytetit. Apeli vlen edhe për fshatrat e komunës.

Nesër ora 11:00 fillon aksioni edhe nëpër lokalitetet tjera ku do të jenë të kyçur subjekte, individë dhe shoqata.

Drejtuar gjithë qytetarëve, afaristëve, institucioneve, ojq-ve, klubeve sportive dhe mediumeve.

Të dashur dibranë, ftoheni të gjithë pa përjashtim të na bashkangjitneni në aksionin e madh ekologjik që do mbahet ditën e diel datë 24 prill ne gjithë qytetin e Dibrës.

Me fillim në ora 11:00 në ambientet e jashtme të Komunës Dibër, ku do bëhet tubimi dhe ndarja e grupeve për në zona të ndryshme të qytetit.

Bashkohuni masovikisht në këtë aksion në të mirën e përgjithshme, të pastrojmë ambientin në të cilin jetojmë ne, mbi të gjitha, të jemi nxitës dhe senzibilizues, shembull që çdo qytetar të mos e ndosë më ambientin ku kalojmë përditshmërinë.

Sot në mbledhjen e IV ( online) të këshillit regjional planor jugperendimor, u vendos që komuna Dibër për vitin 2022 të përfitojë nga ky buxhet 2 projekte të rëndësishme në programin për efikasitet energjetik – shkolla “Said Najdeni” fiton shumë prej 6.439.087 denarë me kofinancim prej 5.13% dhe në programin për furnizim me mjete mekanike për ndërmarjen komunale standart me shumë prej 418.900 denarë pa konfinancim.

Siç ju kemi informuar edhe më parë, komuna e Dibrës do të organizojë aksion të përgjithshëm ekologjik për pastrimin e qytetit ku do të kyçen të gjithë të interesuarit si institucionet, shoqatat, firmat, etj etj. Në takimin që u mbajt në komunë, sejcili mori obligimet e veta. Për shkak se gjatë vikendeve koha ka qenë e paqëndrueshme, nuk ka pasur mundësi që të dilet në teren dhe do të presim për një kohë më të mirë. Por sot firma “ MIRZO TRANS” me pronar Ismet Mirzo, vullnetarisht e ka kryer obligimin e vet duke pastruar deponi të egra në Elevcë dhe në një pjesë të qytetit të Dibrës. Duke i faleminderuar për punën e bërë, ftojmë të gjith firmat tjera , e sidomos atyre të fshatrave, që ti bashkangjiten këtij aksioni duke kontribuar në mirbajtjen e pastërtisë në qytet. Ata të cilët nuk duan që të kontribojnë, të paktën të jenë të kujdesshëm dhe mos hudhin mbeturina nga dyqanet e tyre në vende të ndaluara. Dibra do të jetë e pastër, aq sa ne vetëdijesohemi dhe kjo nuk ka zgjidhje tjetër.

Është nder dhe kënaqësi jo vetëm për Komunën e Dibrës por për gjithë qytetarët Dibranë kur zonja Ambasadore e Shteteve të Bashkuara të Amerikës, në mesin e mbi 30 Komunave prezent me përfaqësuesit e tyre, zgjedh dhe veçon Komunën e Dibrës si shembulli më i mirë se si me thjeshtësi arrijmë të përçojmë transparencën tek qytetarët tanë.

Përveç se krenarë, ne si bartës të proceseve dhe punës në Komunën e Dibrës, kjo deklaratë e zonjës Ambasadore na nxit edhe më shumë në punën tonë mbi bazën e transparencës.

Vetëm kjo rrugë dhe ato vlera na mundësojnë që ne sot te jemi partnerë në projektet e USAID-it dhe përfitues të shumë investimeve kapitale në dobi të qytetit tonë.

Pastrimi i hapsirave publike vazhdon çdo ditë nga puntorët e komunës. Pastrohen pikat më të “ nxehta” e sidomos rrugët që çojnë në hyrjet e qytetit si dhe vendet përreth ku janë të vendosur kontenjerë për mbeturina. Pasi ende ka njerëz të cilët në mënyrë të papërgjegjshme hudhin mbeturinat në vende të ndaluara, shfrytëzojmë rastin të bëjmë apel për një kujdes më të shtuar për sa i përket pastërsisë në qytet.

Sot komuna Dibër në bashkëpunim me shoqatat rome organizoi aktivitete për nder të ditës ndërkombëtare të romëve 8 prillin.
Vendosja e përkohshme flamurit të romëve para komunës dibër dhe në lagjet manazjar dhe vakof. Pritja e përfaqësuesve të romëve dhe dhënia e lëvdatave nxënësve më të mirë rom. Mirnjohje mga shoqata hiumanitare hëna/ mesecina për personelin medicinal rom që u përball me luftën kundra covid 19 në komunën tonë. Nga shoqata humanitare Hëna / Meseçina gjithashtu komunës së Dibrës iu dha Mirënjohje për bashkëpunim të frytshëm bilateral. Mbajtja e takimit në qendrën për kulturë Dibër ku unë në fjalimin tim urova 8 prillin të gjith romëve të komunës sonë dhe më gjërë. Në vazhdimësi do të jemi të përkushtuar që nëpërmjet projekteve të avansojmë këtë komunitet. Urime !

Në organizim të Agjencisë Amerikane për zhvillim ndërkombëtar (USAID), ishim të ftuar të prezentojmë në takimin ”Partner të rinj për buxhetim më të mirë të komunave”. Komuna Dibër veç është partnere e grupit të parë dhe pjesë e projektit të USAID-it për përforcimin e kapaciteteve për shfrytëzim të resurseve i cili projekt finansohet nga ky agjension. Sot na u bashkuan edhe grupi i dytë prej 24 komunash. Dibra deri më tani është përfituese e 4 projekteve të USAIDit, projekte të cilët dukshëm do të përmirësojnë efikasitetin e administratës komunale në realizimin e obligimeve të cilat i kanë ndaj qytetarëve. Ambasadorja e SHBA znj. Kate M. Byrnes në fjalimin e saj mes tjerash përmendi vetëmse komunën e Dibrës “ ….si shembull i mirë i komunës së Dibrës ku në hyrje të komunës, publikisht dhe në mënyrë të dukshme për qytetarët janë të shfaqur shpenzimet ditore të komunës”.