Lajme nga Komuna

Komuna shpall Thirrje publike për krijimin e Këshillit Nismëtar (KN) në bazë të nenit 17 të Ligjit për Pjesëmarrjen e të Rinjve dhe Politikat Rinore. Këshilli Nismëtar është një grup joformal që ka për qëllim të konsultojë të rinjtë dhe të përfaqësojë interesat e tyre në krijimin e Këshillit. Numri i anëtarëve të Këshillit Nismëtar është pesë dhe vetëm ata anëtarë kanë rolin për të formuar Kuvendin Lokal të të Rinjve.

Kohëzgjatja e KN-së është afatshkurtër dhe përfundon me thirrjen e Kuvendit të parë Lokal të të Rinjve.

Komuna është e ngarkuar me përzgjedhjen e tyre, ndërsa puna e tij koordinohet dhe ndihmohet nga nëpunësi/ja për të rinjtë në komunë.

Roli dhe detyrat e Këshillit Nismëtar:

• Mbështetje për Komunën në krijimin ose rishikimin e akteve dhe vendimeve që e rregullojnë krijimin dhe funksionimin e KRL-së,

• Shpallja e thirrjes për Kuvendin konstituiv Lokal të të Rinjve në përputhje me Statutin e komunës, sipas parimit të publicitetit dhe transparencës,

• Bashkëpunimi me komunën në organizimin dhe mbajtjen e Kuvendit konstituiv Lokal të të Rinjve KN mund të përfshijë organizata rinore, organizata për të rinjtë, forume rinore të partive politike, organizata të nxënësve dhe të studentëve dhe forma të tjera të bashkimit rinor që veprojnë dhe funksionojnë në territorin e Komunës dhe që duan të marrin pjesë në themelimin e Këshillit.

Dokumentet e detyrueshme:

• Portofoli i organizatës/grupit/shoqatës,

• Programi vjetor i punës,

• Raporti mbi aktivitetet me të rinjtë gjatë vitit të kaluar,

• Letër me emërimin për anëtar të Këshillit Nismëtar dhe informacione për kontakt,

• Letër e shkurtër motivuese nga anëtari i propozuar dhe biografi e shkurtër.

Mënyra e aplikimit nëpërmjet email adreses:

E-maili: dibra@dibra.gov.mk

Afati për aplikim: 15 ditë nga dita e shpalljes.

Njoftim 05.02.2024

Kjo thirrje u anulua për shkak se kandidatët që aplikuan nuk i plotësuan kriteriumet.

Të nderuar.

Ju faleminderit për interesimin tuaj në thirrjen për krijimin e këshillit nismëtar të Komunës Dibër me numër arhive 09-29/1 të datës 04.01.2024.

Pas shqyrtimit të aplikimeve, aplikimi juaj nuk i të plotësuar dokumentet e detyrueshme siç janë :

• Portofoli i organizatës/grupit/shoqatës,
• Programi vjetor i punës,
• Raporti mbi aktivitetet me të rinjtë gjatë vitit të kaluar,
• Letër me emërimin për anëtar të Këshillit Nismëtar dhe informacione për kontakt,
• Letër e shkurtër motivuese nga anëtari i propozuar dhe biografi e shkurtër.

Nga data 30.01.2024 keni 7 ditë pune që të plotësoni dokumentacionin e nevojshmëm në të kundërten aplikimi juaj do të quhet i pavlefshëm.

Me respekt .

Komuna Dibër.

Asfaltimi në lagjen Venec1 ku përfshihen 4 rrugë bashkë me trotuaret, kanalizim atmosferik, ujsjellës dhe ndriçim publik.

Sot filloi zbatimi i projektit “Perforcimi i keshillave komunale – faza e ll-te” në
bashkëpunim dhe në perkrahje nga Ministrisa e veteqeverisjes lokale, Agjencia Zvicerane për zhvillim dhe bashkëpunim (SDC) dhe Programi për zhvillim i Kombeve të Bashkuara. Nën drejtimin e koordinatorit filluan të funksionojmë forumet nga qytetarët dhe asociacionet e ndryshme në komunën e Dibrës. Do të ketë gjithsejt 3 forume ku do të propozohen projekte nga 3 tematika: infrastruktura, arsimi, kultura sporti dhe hapsira publike. Në fund do të meret vendim për një projekt prioritar i cili do të finansohet nga agjensioni për zhvillim i Zvicrës me 10% konfinansim të komunes

Të nderuar,Komuna Dibër në korniza të projektit: “Përforcimi i këshillave komunalë – faza e II-të” në bashkëpunim dhe në përkrahje nga Ministrisa e vetëqeverisjes lokale, Agjencia Zvicerane për zhvillim dhe bashkëpunim (SDC) dhe Programi për zhvillim i Kombeve të Bashkuara, fillon me realizimin e forumeve për projekte në Komunën Dibër në vitin 2023.Kemi nder dhe kënaqësi të veçantë që të ju ftojmë të merrni pjesë në sesionin e parë të forumit i cili do të mbahet më 21 Nëntor 2023 (e Martë) me fillim në ora 13:00 në hapësirat e Restorant “Penestia”në Dibër, pranë I.N. Qendrës për Kulturë- Dibër.Forumi i projekteve realizohet në kuadër të projektit “Përforcimi i Këshilleve komunal – faza e dytë” i cili financohet nga Agjencioni zviceran për zhvillim dhe bashkëpunim (SDC), ndërsa implementohet nga UNDP-ja dhe Komuna Dibër.Qëllimi i Forumit të projekteve është të mbështesë pjesëmarrjen e qytetarëve në zhvillimin e komunitetit dhe në procesin e vendimarrjes në nivel lokal.Në sesioni e parë të forumit do të keni mundësi që të njoftoheni me aktivitetet dhe qëllimet e procesit të forumit dhe t’ju jepni prioritet problemeve dhe zgjidhjeve në kuadër të temës së forumit. Gjatë sesioneve të tjera të forumit nga zgjidhjet e ofruara do të zhvillohen projekte prej të cilëve pjesëmarrësit do të përzgjedhin ato më prioritarët që do të aplikojnë për tu realizuar me fonde nga ky projekt që kap një shumë të përgjithshme prej 40.000 deri në 60.000 dollarëve amerikanë (+ shuma e konfinancimit nga Komuna Dibër).Prezenca e Juaj, pjesëmarrja aktive dhe kontributi i Juaj do të jenë veçanërisht të rëndësishëm për implementim të suksesshëm të Forumit të projekteve në Komunën tuaj. Në bashkangjitje:- Ftesa;- Rendi i ditës

Vazhdon realizimi i një tjetër megaprojekti: kanalizimi fekal në lagjen Tylbe, projekt i Komunës Dibër finasuar nga Ministria e ambientit jetësor dhe planifikimit Hapësinor.

Muaji tetor muaji i Ndërgjegjësimit për Kancerin e Gjirit.
Komuna e Dibrës i bashkangjitet kësaj fushate duke ndikuar në ngritjen e vetëdijes kolektive në lidhje me këtë sëmundje.

Filloi së realizuari projekti në Komunën tonë nga i cili do të përfitojnë komuniteti Rom por edhe të gjithë qytetarët e Dibrës.
Këshilli Europian dhe programi ROMAKTED faza 2, programi i përbashkët i Unionit Europian dhe Këshillit Europian.
Projekti: Promovimi i qeverisjes së mirë dhe forcimi i romëve në nivel lokal.
Aktiviteti: Vendosja e rrjetës mbrojtëse në lagjen Namazjar, rruga Tanas Topallovski, riparimi i rrugës së dëmtuar, sigurimi i rrjetit të ujësjellsit dhe rindërtimi i murit mbajtës.
Investitor: Bashkimi Europian dhe Këshilli Europës. Kofinancues: Komuna Dibër.

Zonja Ajrie Daçi rizgjidhet drejtor i Entit parashkollor “Breshia” Dibër.
Sot në ambientet e komunës iu nda aktvendimi i sjellur në bazë konkursit të shpallur publik, ku zonja Ajrie Daçi ishte i vetëmi kandidat që i plotëson kushtet e konkursit të parapara me ligj.
Urojmë për drejtoreshën shëndet dhe punë të mbarë!

Lajmërohen të gjithë qytetarët dibranë se më datë 13.10.2023 (e Premte) ora 19:00 në Qendrën për Kulturë në Dibër do të mbahet Festivali Folklorik tradicional ,,Oda Dibrane,,.
ndërsa nata e dytë dhe e tretë do të mbahen më 14,15 tetor në Peshkopi.
Marrin pjesë grupe folklorike nga Shqipëria,Kosova,Maqedonia e Veriut dhe Mali Zi.

Në ora 17:30 Parada e veshjeve tradicionale në shëtitoren e qytetit.
Këtë vit SHKA” Dibra e Madhe” do të paraqesë përpara publikut dibran një kolazh me këngë e valle popullore dibrane dhe këngë qytetare dibrane.
Ju mirëpresim!

Ju lajmërojmë se me datë 04.10.2023  në periudhën prej orës 09:00 deri në orën 17:00 , nuk do të keni furnizim të energjisë elektrike Kjo është e nevojshme për të kryer përmirësime dhe mirëmbajtje të rrjetit tonë të shpërndarjes së energjisë elektrike, në mënyrë që t’ju ofrojmë një furnizim më cilësor me energji elektrike në të ardhmen.
Me respekt.

EVN Maqedoni