Kryetari i Komunës priti sot në një takim zyrtar Kryetarin e Bashkisë Peshkopi, z. Rahim Spahiu

Kryetari i Komunës priti sot në një takim zyrtar Kryetarin e Bashkisë Peshkopi, z. Rahim Spahiu. Në fillim të takimit, z. Spahiu i uroi Kryetarit të Komunës suksese dhe një mandat të mbarë në detyrën e tij si Kryetar Komune.

Gjatë diskutimit, të dy drejtuesit ndanë pikëpamjet e tyre për forcimin e bashkëpunimit ndërmjet dy komunave dhe për projektet që i lidhin ato. U theksua rëndësia e projektit “One Stop”, si dhe disa iniciativa të tjera të përbashkëta që synojnë rritjen e efikasitetit të shërbimeve publike dhe përmirësimin e jetës së qytetarëve të të dyja komuniteteve.

Të dy palët ritheksuan gatishmërinë për të thelluar bashkëpunimin institucional dhe për të ndërmarrë hapa konkretë drejt zhvillimit të përbashkët.