Mësim plotësues për fëmijët Romë

Komuna e Dibrës filloi implementimin e aktivitetit “ Mësim plotësues për fëmijët Romë nga klasa e dytë deri në të katërtën” me qëllim përmirësimin e cilësisë së arsimimit për fëmijët romë në arsimin fillor, të cilët ishin pjesë e mësimit në distancë gjatë pandemisë COVID – 19 dhe u përballën me sfida të ndryshme dhe rezulltuan me pasoja të konsiderueshme në drejtim të uljes së cilësisë së arsimit për fëmijët Romë.
Në këtë drejtim, për vitin e ri shkollor 2023/2024, Komuna Dibër ka siguruar materiale shkollore dhe çanta për nxënësit romë nga SHFK “ Said Najdeni” dhe SHFK “Penestia”, të cilat janë pjesë e këtij aktiviteti.
Kryetari i Komunës z.Hekuran Duka vizitoi nxënësit që ndjekin mësim plotësues, u njoh me sfidat me të cilat ballafaqohen nxënësit dhe tutoret, si dhe përfitimet që vijnë nga ndjekja e këtij mësimi plotësues. Nxënësit dhe totoret shprehën kënaqësinë e tyre për aktivitetet, të cilat do të përmirësojnë ndjeshëm cilësinë e arsimit për fëmijët romë.
Ky aktivitet implementohet me mbështetjen e programit të përbashkët të Bashkimit Evropian dhe Këshillit të Evropës ROMACTED – faza II.