Month: <span>February 2022</span>

Sot pranova në ambientet e komunës përfaqësues të programit europian Erasmus+ i cili konsiston në realizimin e projekteve nga fusha e edukimit, trajnimit, rinisë dhe sportit. Një projekt i tillë u fitua edhe nga përfaqësues të gjimnazit “28 nëntori” Dibër me koordinator Arbër Ambari në bashkëpunim me Italinë, Kroacinë, Lituaninë dhe Turqinë. Ky projekt ka për qëllim 1. Nxitja e kreativitetit dhe zhvillimi i të menduarit kritik tek nxënësit 2. Promovini i vlerave Europiane dhe lokale si dhe qëndrimi pozitiv përkrah shkëmbimeve arsimore dhe kulturore 3. Përmirësimi aftësive të gjuhës angleze dhe shkëmbimi i përvojave ndërmjet shteteve 4. Zhvillimi edukativ dhe profesional 5. Promovimi i vlerave të tolerancës, mirkuptimit dhe paqës.

Pas një pauze për shkak të kushteve atmosferike të vështira, sot vazhdoi realizimi i projektit për ndrimin e valvulave të ajrit dhe ujit në sistemin ujësjellsit prej në f Rosok deri te rezervoari kryesor i qytetit.
Për ndryshe ky projekt parashikon ndrimin e 64 valvulave në total pasi ata janë të amortizuara. Projekti financohet nga buxheti komunës Dibër kurse realizimin e kryen firma fituese e tenderit CMC group nga Shkupi.

Informim për të gjithë ata që ende kanë dyshime dhe bëjnë dezinformata rreth trajtimit të qenve endacak në komunën e Dibrës. Komuna e Dibrës kujdeset për trajtimin profesional të qenve endacak duke kontraktur firmën fituese në tender e shpallur për këtë qëllim. Është viti i tretë që komuna ndan buxhet për kujdesjen e qenve endacak Deri tani janë trajtuar 40 qen endacak dhe aksioni vazhdon sipas nevojës. Luten qytetarët të jenë të kujdesshëm dhe tju largohen situatave të rrezikshme me qentë endacak. Për çdo problem mund të lajmëroni në komunë dhe ekipi do të intervenojë aty ku ka nevojë. Pronarët e qenve shtëpiak të kujdesen për qentë e tyre ashtu siç e parashikon ligji.

Pasi u formuan kushtet klimatike të favorshme për punë në teren, vazhdon punimi për ndërtimin e rrethrotullimit tek spitali, një infrastrukturë shumë e rëndësishme në komunikacionin e qytetit. Gjatë këtij mandati do të përfundojnë së realizuari edhe shumë elemente të tjera që kanë të bëjnë me komunikacionin duke filluar nga përpilimi i një projekti për rregjimin e komunikacionit që i ka munguar Dibrës, e deri te ndërtimi i rrugëve dhe rrugicave. Urojmë vit të mbarë dhe pa probleme.

Urime 14 vjetorin e Pavarësisë Kosove!
17 Shkurti shënon datën historike të Pavarësisë së Kosovës dhe arritjen e madhe për krijimin e Kosovës Republikë.
Kjo është një ditë e veçantë edhe për të gjithë shqiptarët kudo që ndodhen, sepse shënon një fillim të ri për popullin e Kosovës, i cili pas shumë vështirësive, vuajtjeve dhe sakrificave, ja doli që ta shpallë Kosovën shtet të pavarur.

Pas një faze pregaditore, sot filloi edhe faza e realizimit të aktiviteteve në lidhje me përditësimin e bazës së të dhënave tatimore, të ofruara nga pakoja e asistencës teknike të projektit të USAID-it për Fuqizimin e Kapaciteteve për Shfrytëzimin e Burimeve në Komunën e Dibrës. Me përfundimin e këtij projekti shumë të rëndësishëm sigurisht që do të rritet edhe efikasiteti i grumbullimit të taksave që nënkupton edhe rritja e buxhetit të komunës. Regjistrimi do të zhvillohet në pjesët rurale të komunës ( fshatrat) dhe në vetë qytetin e Dibrës.

Sot prita në vizitë komandantin e posaemëruar të stacionit policor në Dibër z. Dritan Bakallin. I urova detyrën e re me shpresën për një bashkëpunim të frytshëm në të mirë të qytetarëve. Rendi dhe qetësia në qytetin tonë janë prioritete shumë të rëndësishëm për mua si kryetar dhe kam besim të plotë që në këtë mandat me një bashkëpunim maksimal edhe do tja arijmë ti vendosim bashkë me qytetarët. Nga ana e komandantit u shpreh gadishmëri që bashkëpunimi në këtë derjtim do të jetë i pa rezervë në të gjitha sfidat dhe problemet që do të çfaqen gjatë menaxhimit. Mbetet që në takimet e ardhshme të konkretizohen shumë punë dhe projekte e sidomos përpilimi i projektit për rregjim të komunikacionit, kategorizimi i rrugëve, sinjalistika, parkingjet si dhe fenomeni i vjedhjeve dhe krimit në përgjirhësi.

Sot pata një takim të rëndësishëm me drejtorin e NPK “Standard” Burim Kaba dhe inxh. Bardhul Kolari. U diskutuan në detaje disa punë përgatitore për të qenë të gatshëm dhe efektiv në kryerjen e detyrave që na presin sidomos në stinën e verës. Prioritet është të vazhdohet me projektin e ujit të pijshëm ashtu siç është paralajmëruar se do të realizohet në tri faza, ku së shpejti do të përfundojë edhe faza e parë. Më pas menaxhimi i mbetjeve dhe sistematizimi i mëtejshëm i deponisë së qytetit. Me fillimin e stinës së pranverës janë planifikuar aksione mjedisore për pastrimin e qytetit dhe liqenit të Dibrës në bashkëpunim me institucionet dhe organizatat joqeveritare.

Sot në ambientet e komunës u realizua takim me Xhemail Çupin ministër pa resor në RMV – i angazhuar për diasporën. Tema e bisedës ishte gjetja e mundësive të bashkëpunimit të këtij resori ministror me pushtetin lokal në disa projekte të cilët kan të bëjnë me diasporën dibrane në SHBA dhe Europë. Si piknisje do të ishte hapja e një zyre për diasporën në komunën e Dibrës ku diasporës do ti ofrohen shërbime që janë të lidhura ngushtë me zgjidhjen e kërkesave dhe problemeve të tyre. Nga ana jonë u shpreh gadishmëri dhe vullnet të mirë për të qenë pjesë e realizimit të këtij projekti ngase kjo ide ka qenë edhe kohë më parë, kurse tash do të mundohemi edhe ta realizojmë.

Pastrimi borës shkon me ritme intenzive.