Младите – приоритет на Општина Дебар

Денес, градоначалникот на Општина Дебар, г. Фисник Мела, имаше чест да ги пречека во својот кабинет двајцата млади дебрчани, Еуген Папранику и Јонус Азири, кои постигнаа извонреден успех на Coding Olympiad што се одржа во Рим.

Еуген освои 2 медали, додека Јонус освои 3 медали, потврдувајќи дека со талент, посветеност и напорна работа можат да се постигнат врвни резултати и на меѓународната сцена.

За време на средбата се разговараше за технологијата, програмирањето, вештачката интелигенција и можностите што овие области им ги нудат на младите. Градоначалникот Мела истакна дека Општина Дебар и понатаму ќе ги поддржува и охрабрува талентираните млади, бидејќи тие се двигатели на иднината на нашиот град.

Овие двајца млади не го претставуваат само својот личен успех, туку и големиот потенцијал што го има Дебар во областа на технологијата, иновациите и знаењето.

Честитки до Еуген Папранику за освоените 2 медали и до Јонус Азири за освоените 3 медали, како и до менторите од Digital School Macedonia за нивната посветеност и поддршка во постигнувањето на овој извонреден успех.