Lajme nga Komuna

По официјална покана од компанијата Knauf, во изминатите денови беше реализирана значајна работна средба во централата на оваа компанија, светски лидер во производството на гипс и сродни производи. Посетата се одржа во градот Ипхофен, Германија, каде што се наоѓа управниот центар на повеќе од 320 фабрики на Knauf ширум светот.

Оваа посета претставува првпат градоначалник на Општина Дебар да ја посети централата на Knauf во Германија, што е јасен показател за стратешкото значење на соработката меѓу двете страни.

На средбата учествуваа:

• Tobias Stricket – директор за стратешки инвестиции на глобално ниво

• Thomas Krämer – технички менаџер на глобално ниво

• Blendar Sela – менаџер на фабриката Knauf во Дебар

За време на разговорите беа разгледани функционирањето на постојната фабрика во Дебар, досегашните реализирани инвестиции, како и плановите за изградба на нова фабрика со значително поголеми производствени капацитети, со вкупна вредност на инвестицијата од околу 44 милиони евра.

Во рамки на посетата беше остварена и посета на фабриката на Knauf во Ипхофен, која се наоѓа во истиот индустриски комплекс. Одблиску беа презентирани производствените процеси и најсовремените технолошки стандарди, со посебен акцент на високото ниво на безбедност и примената на исти стандарди во сите фабрики на Knauf ширум светот, без користење на нестандардни или ризични практики. Ова гарантира дека секоја идна инвестиција во Дебар ќе биде целосно усогласена со најдобрите и безбедни индустриски практики на глобално ниво.

Дополнително, беа остварени и почетни разговори за можна соработка помеѓу Општина Дебар и компанијата Knauf во повеќе области од заеднички интерес, со цел поттикнување на локалниот економски развој и создавање нови можности за граѓаните.

Дебар продолжува да биде дел од сериозни проекти, со долгорочна визија и конкретни инвестиции за иднината.

Денес, Градоначалникот на Општина Дебар, г. Фисник Мела, го именуваше г. Алија Идризовски за вршител на должност директор на Основното училиште „Ристе Ристевски“.

Именувањето следува по повлекувањето од субјективни причини на досегашниот директор, г. Арменд Незири, на кого Општина Дебар му изразува благодарност за неговиот ангажман и придонес за време на извршувањето на функцијата.

Градоначалникот Мела му посакува успех во новата должност на г. Алија Идризовски, изразувајќи уверување дека тој ќе ја извршува функцијата со одговорност и посветеност, во интерес на учениците, наставниот кадар и локалната заедница.

Општина Дебар имаше чест да го пречека на официјална посета Амбасадорот на Република Косово во Република Северна Македонија, г. Ќехаја. За време на посетата, амбасадорот беше примен од градоначалникот на Општина Дебар, г. Фисник Мела.

На средбата се разговараше за унапредување на меѓуинституционалната соработка, добрите односи меѓу двете држави, како и за можностите за идна соработка во области од заеднички интерес за граѓаните.

По тој повод, амбасадорот Ќехаја му го честиташе новиот мандат на градоначалникот на Општина Дебар, г. Фисник Мела, посакувајќи му успех во водењето на општината и во реализацијата на проекти во интерес на граѓаните на Дебар.

Градоначалникот Мела му се заблагодари на амбасадорот за посетата и за честитките, изразувајќи подготвеност за понатамошно продлабочување на соработката во иднина.

Sot, Kryetari i Komunës së Dibrës, z. Fisnik Mela, ka emëruar u.d. drejtor të Shkollës Fillore “Riste Ristevski” z. Alija Idrizovski.

Ky emërim vjen pas tërheqjes për shkaqe subjektive të drejtorit të deritanishëm, z. Armend Neziri, të cilit Komuna e Dibrës i shpreh falënderim për angazhimin dhe kontributin e dhënë gjatë ushtrimit të detyrës.

Kryetari Mela i uron z. Alija Idrizovski sukses në detyrën e re, duke shprehur besimin se ai do ta ushtrojë funksionin me përgjegjësi dhe përkushtim në shërbim të nxënësve, stafit arsimor dhe komunitetit.

По последните снежни врнежи , ве известуваме дека сите патишта на територијата на Општина Дебар, како во градот така и во селските подрачја , се исчистени и целосно проодни .

Општинските екипи беа постојано на терен со цел да се обезбеди безбеден и непречен сообраќај за сите граѓани .

Ги замолуваме граѓаните да покажат зголемено внимание при движењето, особено во раните утрински часови и на местата каде што може да има појава на мраз .

Да ги почитуваат сообраќајните правила и да користат зимска опрема.

При чистење на дворовите и тротоарите, да не го фрлаат снегот на коловозот, бидејќи го отежнува сообраќајот и ја зголемува опасноста од незгоди.

Исто така, да внимаваат при паркирањето на возилата, да не ги паркираат на коловозите или на места кои го попречуваат сообраќајот и работата на механизацијата за чистење.

Ви благодариме за соработката!

Општина Дебар

Градоначалникот на Општина Дебар присуствуваше на настанот за промоција на нова опрема за управување со цврст отпад, во рамки на Регионалниот проект за управување со отпад, чија цел е воспоставување модерен и одржлив систем за заштита на животната средина.

Со овој проект, Општина Дебар ќе се опреми со 5 камиони за собирање и транспорт на отпад, со што значително ќе се подобрат капацитетите на комуналните служби. Оваа инвестиција директно ќе ѝ помогне и на Јавното комунално претпријатие „Стандард“, преку подобрување на условите за работа и обезбедување нови средства за собирање на отпадот, имајќи предвид дека досега претпријатието функционираше со само еден камион.

Со реализацијата на проектот се очекува зголемување на опфатот на услугата за собирање на отпад, намалување на дивите депонии и подобрување на општата чистота во урбаните и руралните средини на општината.

Општина Дебар останува посветена на унапредување на јавните услуги, заштита на животната средина и подобрување на квалитетот на живот на граѓаните.

По повод пречекот на Новата година, Градоначалникот на Општина Дебар реализираше посети на неколку клучни институции кои продолжуваат со работа без прекин и за време на празниците. Тој ги посети Општата болница, Противпожарната единица и Полицијата.

За време на овие посети, Градоначалникот им ја честиташе Новата година на сите вработени, изразувајќи благодарност за нивната посветеност, професионалност и пожртвуваност, бидејќи и за време на новогодишната ноќ тие се во служба на граѓаните.

Тој ја истакна важноста на работата на овие институции за безбедноста, здравјето и благосостојбата на граѓаните, при што високо го оцени придонесот на секој вработен кој ја извршува својата должност со одговорност и посветеност.

Општина Дебар останува посветена на континуираната поддршка на овие институции и на зајакнување на соработката со цел обезбедување поквалитетни услуги за граѓаните.

По повод Новата 2026 година, од срце ви посакувам добро здравје, мир, хармонија и благосостојба во вашите семејства. Нека оваа година биде година на надеж, чесна работа и успех за секој од вас.

Општина Дебар ќе продолжи со посветен ангажман за развој на нашата општина и за постојано унапредување на услугите за граѓаните.

Среќна Нова 2026 година!

Фисник Мела

Градоначалник на Општина Дебар

Утринското кафе во последниот ден од годината го испивме заедно со новинарите од медиумите кои работат и делуваат во Дебар.

Градоначалникот на Општина Дебар денес одржа отворена и пријателска средба со локалните новинари, на која се одржа конструктивна дискусија за проектите, приоритетите и работните идеи за 2026 година.

За време на средбата беше потенцирана важноста на континуираната соработка меѓу општинската институција и медиумите, како клучен фактор за транспарентност, точно информирање на јавноста и градење доверба кај граѓаните.

Воедно, градоначалникот презентираше и краток извештај за работата и активностите на почетокот на мандатот, при што беа истакнати реализираните проекти, започнатите процеси и предизвиците со кои се соочува Општината, како и визијата за развој на Дебар во наредниот период.

Средбата помина во позитивна и соработувачка атмосфера, со размена на идеи и сугестии, потврдувајќи ја подготвеноста за отворена комуникација и партнерски однос со локалните медиуми.

Општина Дебар останува посветена на транспарентноста, дијалогот и конкретната работа во интерес на граѓаните.

Во рамки на новогодишните празници, на плоштадот „Скендербег“ беше организиран празничниот настан „Kids Party“, посветен на децата од Општина Дебар. На овој настан присуствуваше и градоначалникот на Општина Дебар, кој сподели моменти на радост со децата и нивните семејства.

За време на настанот беа поделени вкупно 650 новогодишни пакети за деца, кои беа реализирани благодарение на поддршката и значајниот придонес на донаторите и локалните бизниси, кои уште еднаш ја покажаа својата солидарност и општествена одговорност.

Општина Дебар изразува искрена благодарност до донаторите кои овозможија реализација на оваа иницијатива:

Здружение Зери – Our Voice

Кипер Маркет

Kам Маркет

Мега Маркет

Амир Маркет

Беко Комерц

Aвто школа Дити КО

Висар Ценобавто

Алмирон Бала

Амар Десигн

ДБ

АГ

Ќебапторе Рими П

Благодарност до волонтерите:

Ќамил Леши

Орхан Шемши

Исен Мјештри

Етник Сулејмани

Мирлинда Шемши

Ајтен Леши

Посебна благодарност упатуваме и до советниците на Советот на Општина Дебар и вработените во општинската администрација, кои активно учествуваа и придонесоа за организацијата и успешната реализација на овој празничен настан.

Општина Дебар останува посветена, преку соработка со заедницата и донаторите, да продолжи со организирање на активности кои носат радост и насмевки на децата, особено во периодот на новогодишните празници.

Денес се одржа 5-тата седница на Советот на Општина Дебар, на која со одговорност беа разгледани и дискутирани програмите на Општина Дебар, како и сите барања поднесени од советниците и граѓаните, што ја одразува институционалната заложба за транспарентност и активно вклучување на заедницата во процесите на одлучување.

Во рамки на дневниот ред, една од најзначајните точки беше Предлог-буџетот на Општина Дебар за 2026 година, кој по конструктивни дискусии беше усвоен со 14 гласа „за“.

Буџетот на Општина Дебар за 2026 година, планиран од приходите, изнесува 524.098.326 денари и има развоен карактер, со посебен фокус на унапредување на комуналната инфраструктура и јавните услуги.

Во рамки на овој буџет се планира реализација на следните капитални и стратешки проекти, кои претставуваат дел од вкупните проекти предвидени со Буџетот на Општина Дебар за 2026 година:

Почеток на постапка за изработка на Генерален урбанистички план (ГУП) со територијално проширување

Изградба на локален пат во село Долно Косовраст – Секција 1 (втора фаза)

Реконструкција на улиците Сабри Карамети и Петрит Бомова (АПЈ) – втора фаза

Реконструкција на улицата „1 Мај“

Изградба на делници од улици и фекална канализација во населбата Венец

Изградба на дел од новопланирана улица согласно ДУП за БУ 12 и БУ 13 (Венец 2)

Реконструкција на дел од ул. Џафер Кодра и дел од ул. Наим Фрашери во населбата Венец 2

Реконструкција на ул. Исмаил Кадаре

Рехабилитација на ул. Џафер Кодра

Рехабилитација на ул. Али Пустина

Рехабилитација на ул. Наим Фрашери

Рехабилитација на ул. Нормалја е Елбасанит

Реконструкција на ул. Наџи Егриу

Изградба на мрежа за јавно осветлување на делници од улиците во градот Дебар

Проширување на водоводната мрежа во делови од БУ 6

Изградба на фекална канализација – крак 1 во населбата Тулбе

Изградба на јавни паркинзи во градот Дебар (Паркинг 2 и 3)

Изградба на Центар за деца со попреченост

Реконструкција на тротоари на потегот од кружниот тек кај Kipper Market до фабриката за јуфки Besmir Komerc

Изградба и реконструкција на тротоари во близина на Градската болница

Изработка на долгорочна стратегија за развој на туризмот, како и многу други проекти од директен интерес за граѓаните.

Општина Дебар продолжува со јасна визија кон реализација на проекти кои го унапредуваат квалитетот на живот на граѓаните и создаваат подобри услови за одржлив развој.

Дебар не запира – продолжуваме со конкретна работа за поразвиен и пофункционален Дебар!