Lajme nga Komuna

Почитувани граѓани! Општина Дебар отсекогаш била отворена за соработка со своите граѓани, секогаш во корист на развојот на нашиот град. Сведоци сме на сите активности како што се спортски (клубови), културни, хуманитарни (здруженија), еколошки акции, активности за одржување на животната средина и многу други. Продолжуваме да изразуваме подготвеност за соработка со сите, без разлики. Заради координација на годишните проекти планирани од општина Дебар од една страна и активностите на волонтерски здруженија, клубови и поединци од друга страна, ве повикуваме да побарате одобрение (координација) од општина Дебар со единствена цел да не доаѓа до некоја пречка или дуплирање на истиот проект. Повеќето здруженија и поединци се консултираат со општината пред да преземат каква било акција или работа. Да бидам поконкретен на пример одредено здружение се обратило до општината со барање да се засадат или заменат оштетените дрвја во градот (тротоари) и откако видовме дека истата активност, ние како општина не ја планираме за наведеното време, дадовме дозвола и да се работи. е направено без никаков проблем од страна на здружението. Да не се лошо сфатиме, во последно време во градод се превземат некоја работа од одредени луѓе кои не се консултирани општината (намерно или не??!!) вршат работи кои општина Дебар веќе планира да ги направи во блиска иднина. Така, веднаш се појавува проблем и доаѓа до дуплирање на истата работа, од една страна општината не може да го реализира проектот со оглед на тоа што локацијата на реализација сега е „зафатена“ од некој што „доброволно“ презел нешто а од друга страна има два трошоци за иста работа. Овој е моментот кога доаѓа до израз потребата за соработка и координација, бидејќи општината е крајна одговорна за се што се случува во градот со општествениот имот. Ве повикуваме да соработуваме за доброто на градот и да не дозволуваме простор некој да се сомнева во индивидуални инаети, политички поени и популизам, што досега не се случило. Многу ја цениме секоја работа со добра намера, но како и секогаш со координација и соработка така ќе бидеме поефикасни. Општина Дебар досега не ја затвори вратата за никој што има дејност со добра намера, туку напротив соработуваше, па дури и помогна на сите начини таа акција да биде многу успешна. Сакајќи да не бидеме погрешно разбрани и внимавајќи да не го повредиме ентузијазмот на здруженијата и поединците кои сакаат да придонесат со работа за градот, ви благодариме за разбирањето и ветуваме дека ќе имаме верба дека соработката и координацијата без предрасуди, е клучот за успехот за секого!

Сопственикот на бизнисот „Стар систем с.р.л“ г. Мунир Шемши во Италија, по повод Курбан Бајрам, донираше 100 пакети со храна за граѓаните на Дебар на кои им е потребна помош. Г. Мунир Шемши и помогна на Дебар и во кризата од пандемијата Ковид19. Општина Дебар му се заблагодарува на овој бизнисмен честитајќи му празникот Курбан Бајрам и да има здравје и успех во неговиот бизнис.

Во рамките на Вториот проект за подобрување на општинските услуги (IBRD-8156MK) финансиран од Меѓународната банка за обнова и развој – Светска банка, општина Дебар го спроведува проектот Зајакнување на техничките капацитети во општинското јавно претпријатие НКП „СТАНДАРД“ – Дебар. „Снабдување со специјализирани возила за транспорт на комунален отпад, специјализирано возило Канал-џет за одржување на канализациона мрежа и контејнери“, (MSIP2-NCB -039-2022), Општина Дебар. Денеска започна реализацијата на ЛОТ 3: – Контејнери за отпад (130 метални контејнери со волумен од 1,1 м3), со вредност од 3.737.500,00

Денеска се одржа состанок со Комитетот за односи меѓу заедниците, пратеничката Арбана Пашоли претседател, пратениците Бедри Фазлиу, Зеќир Рамчиловиќ, Љатифа Шиковска и Берат Ајдари, како и претседателката на Комисијата Јасминка Перчинкова. Ние како општина секако можеме да се гордееме со примерни меѓуверски и меѓуетнички односи. Сеуште работиме на одредени програми и проекти кои во суштина имаат постигнување на еднаквост меѓу заедниците во сите аспекти. Бевме во посета на една ромска населба во градот каде одблиску ги видовме најнормалните услови во кои живеат Ромите. Генералниот заклучок беше дека Дебар служи како добар модел на соживот меѓу заедниците и верските заедници.

Патот за туристичкото село Баниште денеска е подготвен за употреба. Општина Дебар го проектираше а првиот заменик потпретседател на Владата на РСМ г. Артан Груби се згрижи за реализација на оваа значајна инфраструктура со обезбедување на финансиски средства преку буџетот на ТАВ.

Во една простирија на стариот амам на градот денеска започнаа почетоците на музејот за градот Дебар. Оттука започнува остварувањето на сонот да имаме историски и културен музеј на Дебар. Општината ќе вложи максимални напори преку проекти од областа на културата да изгради модерен и заслужен музеј за овој историски град. Ги повикуваме сите граѓани и бизнисмени иницијативата да биде од нас самите и таа потоа да прерасне и да се развие во вистинска културна институција. Оние кои имаат разни артефакти за кои сметаат дека вреди да се изложат можат да дојдат во општината во единицата за општествени дејности. Добредојдени сте и за предлози и идеи.

Одржувањето и грижата за детското игралиште како и сите спортски терени во нашиот град, е должност на општинските служби но и обврска на граѓаните. Затоа апелираме заедничкиот имот да се одржува чист и неоштетен, со цел тие да имаат подолг животен век и да бидат на наша услуга.

Денеска продолжи работата со најтешката фаза од проектот за подобрување на водата за пиење во градот Дебар , замена на вентилите во главниот водовод, локацијата на мостот Моличани. Проектот е финансиран од општина Дебар , а го спроведува компанијата ЦМЦ груп од Скопје, а како подизведувач е НКП „Стандард“ Дебар. До завршување на овој проект останува уште малку работа и со ова се очекува подобрување на водоснабдувањето
околу 30%. Конечното решавање на проблемот ќе продолжи следната година со други проекти кои претставуваат фази од големиот проект за решавање на проблемот со водата за пиење.
Во другите фази се планира да се постават 2000 водомери во домаќинствата и стопанските субјекти за да се избегне плаќањето на водата со „паушално“ како и подобрување и реконструкција на примарната и секундарната водоводна мрежа во градот. Секако, ќе се преземат и други активности за откривање на злоупотреба на водата за пиење, диви приклучоци и редовно плаќање на сметките од страна на потрошувачите. Овие храбри и витални чекори за градот Дебар ќе бидат успешни доколку има блиска соработка со граѓаните на Дебар , подигање на колективната свест за поголема граѓанска одговорност кога станува збор за одржување на јавната чистота и максимална грижа во трошењето на водата за пиење.

https://fb.watch/dmhDbSh_Qr/?fs=e&s=cl

Поканети од директорката Ајрије Дачи, особено задоволство беше да се претстава на културната манифестација на децата од предучилишната установа „Брешија“. Денеска слават и миниматурантите кои се подготвуваат да одат во прво одделение. Се ближи и 1 јуни, Меѓународниот ден на детето каде децата ширум светот слават. Имаме обврска како институција, како општество воопшто, да ги почитуваме сите меѓународни конвенции кои ги штитат правата на децата. Стоп за злоупотреба и малтретирање на деца. За подобри услови за живот и нормален психофизички развој на децата. Честитки!