Month: <span>December 2025</span>

Утринското кафе во последниот ден од годината го испивме заедно со новинарите од медиумите кои работат и делуваат во Дебар.

Градоначалникот на Општина Дебар денес одржа отворена и пријателска средба со локалните новинари, на која се одржа конструктивна дискусија за проектите, приоритетите и работните идеи за 2026 година.

За време на средбата беше потенцирана важноста на континуираната соработка меѓу општинската институција и медиумите, како клучен фактор за транспарентност, точно информирање на јавноста и градење доверба кај граѓаните.

Воедно, градоначалникот презентираше и краток извештај за работата и активностите на почетокот на мандатот, при што беа истакнати реализираните проекти, започнатите процеси и предизвиците со кои се соочува Општината, како и визијата за развој на Дебар во наредниот период.

Средбата помина во позитивна и соработувачка атмосфера, со размена на идеи и сугестии, потврдувајќи ја подготвеноста за отворена комуникација и партнерски однос со локалните медиуми.

Општина Дебар останува посветена на транспарентноста, дијалогот и конкретната работа во интерес на граѓаните.

Во рамки на новогодишните празници, на плоштадот „Скендербег“ беше организиран празничниот настан „Kids Party“, посветен на децата од Општина Дебар. На овој настан присуствуваше и градоначалникот на Општина Дебар, кој сподели моменти на радост со децата и нивните семејства.

За време на настанот беа поделени вкупно 650 новогодишни пакети за деца, кои беа реализирани благодарение на поддршката и значајниот придонес на донаторите и локалните бизниси, кои уште еднаш ја покажаа својата солидарност и општествена одговорност.

Општина Дебар изразува искрена благодарност до донаторите кои овозможија реализација на оваа иницијатива:

Здружение Зери – Our Voice

Кипер Маркет

Kам Маркет

Мега Маркет

Амир Маркет

Беко Комерц

Aвто школа Дити КО

Висар Ценобавто

Алмирон Бала

Амар Десигн

ДБ

АГ

Ќебапторе Рими П

Благодарност до волонтерите:

Ќамил Леши

Орхан Шемши

Исен Мјештри

Етник Сулејмани

Мирлинда Шемши

Ајтен Леши

Посебна благодарност упатуваме и до советниците на Советот на Општина Дебар и вработените во општинската администрација, кои активно учествуваа и придонесоа за организацијата и успешната реализација на овој празничен настан.

Општина Дебар останува посветена, преку соработка со заедницата и донаторите, да продолжи со организирање на активности кои носат радост и насмевки на децата, особено во периодот на новогодишните празници.

Денес се одржа 5-тата седница на Советот на Општина Дебар, на која со одговорност беа разгледани и дискутирани програмите на Општина Дебар, како и сите барања поднесени од советниците и граѓаните, што ја одразува институционалната заложба за транспарентност и активно вклучување на заедницата во процесите на одлучување.

Во рамки на дневниот ред, една од најзначајните точки беше Предлог-буџетот на Општина Дебар за 2026 година, кој по конструктивни дискусии беше усвоен со 14 гласа „за“.

Буџетот на Општина Дебар за 2026 година, планиран од приходите, изнесува 524.098.326 денари и има развоен карактер, со посебен фокус на унапредување на комуналната инфраструктура и јавните услуги.

Во рамки на овој буџет се планира реализација на следните капитални и стратешки проекти, кои претставуваат дел од вкупните проекти предвидени со Буџетот на Општина Дебар за 2026 година:

Почеток на постапка за изработка на Генерален урбанистички план (ГУП) со територијално проширување

Изградба на локален пат во село Долно Косовраст – Секција 1 (втора фаза)

Реконструкција на улиците Сабри Карамети и Петрит Бомова (АПЈ) – втора фаза

Реконструкција на улицата „1 Мај“

Изградба на делници од улици и фекална канализација во населбата Венец

Изградба на дел од новопланирана улица согласно ДУП за БУ 12 и БУ 13 (Венец 2)

Реконструкција на дел од ул. Џафер Кодра и дел од ул. Наим Фрашери во населбата Венец 2

Реконструкција на ул. Исмаил Кадаре

Рехабилитација на ул. Џафер Кодра

Рехабилитација на ул. Али Пустина

Рехабилитација на ул. Наим Фрашери

Рехабилитација на ул. Нормалја е Елбасанит

Реконструкција на ул. Наџи Егриу

Изградба на мрежа за јавно осветлување на делници од улиците во градот Дебар

Проширување на водоводната мрежа во делови од БУ 6

Изградба на фекална канализација – крак 1 во населбата Тулбе

Изградба на јавни паркинзи во градот Дебар (Паркинг 2 и 3)

Изградба на Центар за деца со попреченост

Реконструкција на тротоари на потегот од кружниот тек кај Kipper Market до фабриката за јуфки Besmir Komerc

Изградба и реконструкција на тротоари во близина на Градската болница

Изработка на долгорочна стратегија за развој на туризмот, како и многу други проекти од директен интерес за граѓаните.

Општина Дебар продолжува со јасна визија кон реализација на проекти кои го унапредуваат квалитетот на живот на граѓаните и создаваат подобри услови за одржлив развој.

Дебар не запира – продолжуваме со конкретна работа за поразвиен и пофункционален Дебар!

Во Дебар се одржа панел-дискусија на тема „Да водиме со личен пример“, настан посветен на инспирирање на младите преку искуствата на елитни спортисти, олимпијци и познати планинари.

Во отсуство на Градоначалникот на Општина Дебар, пред присутните се обрати Претседателот на Советот на Општината, кој ја истакна важноста на овој проект и ја нагласи посветеноста на Општина Дебар во поддршката на иницијативи што промовираат вредности како дисциплина, истрајност, храброст и општествена одговорност кај младите.

Овој настан беше реализиран во рамки на проект финансиран од Општина Дебар, со цел зајакнување на позитивната улога на спортот и личниот пример во формирањето на младите генерации.

Општина Дебар останува посветена на поддршката на проекти кои придонесуваат за социјалниот, едукативниот и спортскиот развој на нашата заедница.

Општина Дебар, во соработка со Јавното комунално претпријатие „Стандард“, реализираше акција за чистење со цел подобрување на хигиената и животната средина во јавните површини на општината.

Во оваа акција учествуваа Градоначалникот на Општина Дебар, заедно со Директорот на Јавното комунално претпријатие „Стандард“, кои одблиску ги следеа активностите на терен и ја истакнаа важноста на институционалниот ангажман за заштита на животната средина и подобрување на условите за живот на граѓаните. Оваа акција ќе трае три дена, во текот на кои екипите на претпријатието ќе бидат ангажирани во чистење на планираните зони и отстранување на отпадот.

Општина Дебар останува посветена на реализација на вакви активности и во иднина, повикувајќи ги граѓаните на соработка и континуирана свесност за одржување на чиста животна средина.

Градоначалникот на Општина Дебар, Фисник Мела, учествуваше на Генералното собрание на ЗЕЛС, каде со едногласна одлука беше реизбран Претседателот на ЗЕЛС за нов мандат.

За време на Собранието беше истакната важноста на продолжувањето на процесот на децентрализација, зајакнувањето на локалната самоуправа и институционалната соработка за развој на општините.

Беше нагласена улогата на ЗЕЛС како заедничка и инклузивна платформа за справување со предизвиците и унапредување на услугите за граѓаните.

Воедно, градоначалникот Мела беше избран за член на Управниот одбор на ЗЕЛС, со што ќе придонесува во процесите на креирање и унапредување на локалните политики.

Тимот на Општина Дебар, предводен од градоначалникот, учествуваше на почетниот (kick-off) состанок на проектот ReWaste, прекуграничен проект помеѓу Општина Дебар и Општина Војо во Грција, кој се имплементира во рамки на Интеррег ИПА Програмата за прекугранична соработка Грција – Северна Македонија, финансирана од Европската Унија.

Во рамки на состанокот се одржа и заедничка средба помеѓу градоначалникот на Општина Дебар и градоначалникот на Општина Војо, при што беа разменети конкретни искуства и институционални пристапи поврзани со управувањето со комуналниот отпад, локалните еколошки политики, како и вклучувањето на граѓаните во процесите на селекција и рециклирање. Двајцата градоначалници ја нагласија важноста на прекуграничната соработка како значаен инструмент за справување со заедничките предизвици и размена на добри практики на локално ниво.

Проектот ReWaste има за цел унапредување на системите за управување со отпад преку иновативни решенија за селекција и рециклирање, воведување на системи за наградување на граѓаните, како и промоција на циркуларната економија. На состанокот беа дискутирани и претстојните активности, како и почетните чекори за имплементација на проектот во Општина Дебар.

Повеќе информации за проектот: https://greece-northmacedonia.eu/project/rewaste/

Градоначалникот на Општина Дебар, г. Фисник Мела, заедно со директорот на Јавното комунално претпријатие „Стандард“, г. Нертил Османи, извршија теренска инспекција на работите и состојбата на патот во селото Долно Косоврасти .

Градот дише… Се работи на повеќе фронтови…

Реконструкцијата на патот во селото Косоврасти опфаќа санација на постојниот коловоз, подобрување на подлогата, уредување на каналите за атмосферски води и создавање побезбедни услови за сообраќај. Оваа инвестиција има за цел подобра поврзаност на селото со урбаниот дел, зголемување на безбедноста за пешаците и возилата, како и олеснување на секојдневието на жителите и земјоделците од овој регион.

Други активности во тек:Повеќедневно чистење на главната депонија на градот Инспекција на инфраструктурни проекти во стариот дел на градот Започнување на проектот за реконструкција на селото Долно Косоврасти Продолжување на украсувањето на градот по повод новогодишните празници

Континуирана посветеност за рамномерен развој и модерна инфраструктура во секое населено место на Дебар.

Градоначалникот на Општина Дебар, г. Фисник Мела, учествуваше на Годишната конференција за локална самоуправа и децентрализација, на која присуствуваа градоначалници, надлежните министри и амбасадори од партнерските земји. На конференцијата се дискутираше за унапредување на локалните услуги, напредокот на процесот на децентрализација, општинското финансирање за 2024 година, како и беше презентиран DMS системот и новите дигитални платформи за подобрување на општинските процеси.

За време на средбите и дискусиите, градоначалникот Мела ја истакна важноста на меѓуинституционалната соработка и меѓународната поддршка за реализирање нови развојни проекти и за подигнување на квалитетот на дигиталните услуги за граѓаните на Дебар.