Lajme nga Komuna

Денеска го примив новоименуваниот командир на полициската станица во Дебар, г. Дритан Бакали. Му честитав на новата задача со надеж за плодна соработка за доброто на граѓаните. Редот и мирот во нашиот град се многу важни приоритети за мене како градоначалник и имам целосна доверба дека во овој мандат со максимална соработка ќе успееме да го воспоставиме заедно со граѓаните. Командирот изрази подготвеност за соработката во оваа насока да биде безрезервна во сите предизвици и проблеми кои ќе се појават во текот на управувањето. Останува на следните средби да се конкретизираат многу работи и проекти, особено составувањето на проектот за режим на сообраќај, категоризација на патишта, сигнализација, паркинзи и феноменот кражби и криминал воопшто.

Денеска имав важна средба со директорот на JКП „Стандарт“ Бурим Каба и инг. Бардул Колари. Беше детално разговарано за некои подготвителни работи за да бидеме спремни и ефективни во извршувањето на задачите што не очекуваат, особено во летната сезона. Приоритет е даден на продолжување на проектот за водата за пиење бидејќи е најавено дека ќе се изведува во три фази, каде што наскоро ќе завршиме со првата фаза. Потоа управување со отпад и натамошна систематизација на градската депонија. Со почетокот на пролетната сезона планирани се еколошки акции за чистење на градот и Дебарското езеро во соработка со институции и невладини организации.

Денеска во просториите на општината се одржа средба со Џемаил Чупи Министерот без ресор во РСМ– посветен на дијаспората. Тема на разговор беше изнаоѓање можности за соработка на овој министерски ресор со локалната самоуправа во повеќе проекти поврзани со дебарскта дијаспора во САД и Европа. Почетна точка би било отворањето на канцеларија на дијаспората во општина Дебар каде на дијаспората ќе и бидат обезбедени услуги кои се тесно поврзани со решавање на нивните барања и проблеми. Од наша страна беше изразена подготвеност и добра волја да бидеме дел од реализацијата на овој проект бидејќи оваа идеја беше одамна, а сега ќе се обидеме да ја реализираме.

Средби со Народен правобранител – секој последна среда од месецот.Средбите ќе се одржаат во просториите на Општина Дебар од 09:00 до 15:30 часот.

Поради тоа што метеоролозите предупредуваат на обилни врнежи од снег во наредните денови и температури под 0, апелираме до граѓаните доколку не е потребно да избегнуваат движења и да не паркираат автомобили на тротоарите и локалните улици во градот за да се овозможи чистење на снегот до јасно . Бараме и трговците да го расчистат снегот пред нивните објекти.

Тимот инженери од урбанистичкиот сектор денеска по налог на градоначалникот излезе на терен за да ги започне подготвителните работи за почеток на изградбата на паркингот во Горно Косоврасти. Првата фаза предвидува изработка на технички проекти и потоа ќе продолжи со реализација на оваа работа. Изградбата на паркинг за овој рурален дел е приоритетен проект и многу неопходен за благосостојбата на жителите.

Иако оваа локација на влезот од градот неколку пати беше исчистена од жителите но и од одржувачите на општината и стандардот, загадувањето и фрлањето отпад од тотално несoвесни лица продолжува. Чистотата на градот е одраз на културата. Ние дебарчаните сме културни и цивилизирани. Секако за овој прекршок некој ќе биде казнет, ​​доста веќе!

Денеска беше организирана конференција за печатени и електронски медиуми во нашата земја, на која се одрази целокупното работење на општина Дебар во текот на 2021 година.
Хронолошки беше претста вена целокупната активност на општинската администрација која секогаш била и е во служба на граѓаните на најефикасен можен начин.
Оваа година се сметаше за многу успешна година и покрај тешкотиите кои негативно се одразија на динамиката на реализација на некои проекти.  Со надеж дека ќе имаме постабилна финансиска, енергетска, здравствена и политичка состојба, во 2022 година ќе бидеме многу поефикасни и поконкретни во реализацијата на планираните и приоритетни проекти за нашата општина.
Ќе продолжиме на реализација на другите фази од проектот за водата за пиење, управување со отпад и депонијата на градот како и подобрување на патната инфраструктура во градот и руралните делови на општината.  За сите овие активности обезбедени се финансиски средства од владини и меѓународни извори.
Посебно внимание ќе се посвети на подигање на повисоко и посовремено ниво на работата на НКП Стандард како во организациски така и во технички аспект преку обезбедување на стручни лица и соодветна механизација за нивната дејност.
Во 2022 година работата на општинската администрација ќе биде поефикасна со обука на административци со посебни и специфични програми, особено во секторот урбанизам, право, финансии (наплата даноци), образование, култура, спорт итн.
Ќе се инсистира на подобрување на работата на инспекторатот како општински, градежен, сообраќај, еколошки, просветен итн.
Општината тесно ќе соработува со институциите на централната власт, со соседните општини, странските и локалните инвеститори, дебарскиот  бизнис, дијаспората во САД и Европа, за да ја постигнеме нашата заедничка цел: Да го направиме Дебар онаква каква што сите сакаме, како младите го сакат.
Од се срце ви ја честитам новата 2022 година, со надеж дека ќе имате здравје и хармонија во вашите семејства!

Денеска во салата на Советот на општина Дебар се одржа јавна расправа со сите заинтересирани за општинскиот буџет за 2022 година. Во текот на расправата беа предложени повеќе проекти кои се однесуваат во областа на инфраструктурата, спортот, културата и младинските активности во нашата општина.

Почитувани граѓани!

Сакаме да ве информираме дека општина Дебар прави максимални напори со сите капацитети што ги има на располагање за да го одржува јавното осветлување на најквалитетно и најефикасно. Ќе продолжат интервенциите во градот но и во селата според план за работа.
Но, она што не загрижува се веродостојните информации за појавата на кражба на електрична енергија од мрежата за јавно осветлување од страна на несовесни лица и субјекти, со што се нанесува голема финансиска штета и оштетување на преносните кабли.
Деновиве работната група на општина Дебар ќе излезе на терен и сериозно ќе идентификува и ќе поведе судска постапка против секој потенцијален насилник.