Lajme nga Komuna

8 Март, Меѓународниот ден на жената, градоначалникот на Општина Дебар, г. Фисник Мела, упати најискрени честитки до сите жени и девојки.

Овој ден е момент да се изрази благодарност и почит за важната улога што жените ја имаат во семејството и општеството, како и за нивниот постојан придонес во градењето подобра иднина.

По тој повод, градоначалникот Мела посака овој ден да биде потсетник за важноста на еднаквоста, почитта и континуираната поддршка за жените во секоја сфера од животот.

Среќен 8 Март на сите жени и девојки!

Почит и благодарност за вашиот придонес во општеството.

Денес, градоначалникот на Општина Дебар, г. Фисник Мела, реализираше официјална посета на Општина Љубљана, каде што беше примен на средба од градоначалникот на градот, г. Зоран Јанковиќ.

За време на средбата се разговараше за искуствата и практиките во современото управување со градовите, урбаниот развој и организацијата на комуналните услуги.

Љубљана претставува многу добар пример за одржливо управување со градот, особено во однос на чистотата на градот, урбанистичкото планирање, јавниот превоз и управувањето со јавните простори.

Во рамки на посетата, делегацијата оствари средба и со заменик-градоначалникот на Љубљана, г. Дејан Црнек, како и со раководителот на секторот за заштита на животната средина, каде се разговараше за политиките и практиките што градот Љубљана ги спроведува во областа на заштитата на животната средина и одржливиот развој.

Посебно задоволство беше реализацијата на оваа официјална посета и можноста за размена на искуства кои можат да бидат корисни за понатамошниот развој на Општина Дебар.

Ви благодариме за гостопримството и соработката!

По исполнувањето на сите потребни технички и административни услови, започнаа работите на сите преостанати делови од проектите и наскоро ќе завршиме со асфалтирањето на сите планирани сегменти.

Градоначалникот на Општина Дебар, г. Фисник Мела, изврши увид на терен во работите за асфалтирање на патот во село Долно Косоврасти, следејќи ја динамиката и квалитетот на реализацијата на проектот. За време на увидот, тој беше информиран од техничките екипи за текот на работите и завршните фази од асфалтирањето.

Овој проект е дел од континуираната заложба на Општина Дебар за подобрување на патната инфраструктура и создавање подобри услови за безбедно и непречено сообраќање за жителите на село Долно Косоврасти.

Општина Дебар останува посветена на реализација на инфраструктурните инвестиции со висок квалитет и во предвидените рокови, со цел подобрување на животниот стандард на граѓаните и рамномерен развој на сите делови од општината.

Градоначалникот г. Фисник Мела присуствуваше на ифтарот организиран од Стопанската комора на Северозападна Македонија.

Во духот на Рамазан се разговараше за зајакнување на соработката меѓу институциите и бизнис заедницата, со цел подобрување на квалитетот на живот на граѓаните.

Нека Рамазан донесе мир, здравје и добрина во секој дом.

Во просториите на Општина Дебар се одржа официјална средба од особено значење, каде што градоначалникот г. Фисник Мела го пречека во официјална посета Неговата Екселенција, Претседателот на Република Албанија, Бајрам Бегај. Претседателот Бегај беше придружуван од Неговата Екселенција, Амбасадорот на Република Албанија во Република Северна Македонија, г. Денион Меидани.

Оваа плодна и значајна средба нè прави горди, бидејќи претставува доказ за вниманието и институционалната посветеност кон Дебар и неговите граѓани. Официјалната посета на претседателот Бегај претставува историски момент за нашата општина и силна потврда за блиската соработка меѓу институциите.

За време на разговорот пред присутните беа разгледани важни прашања поврзани со развојот на регионот, зајакнувањето на прекуграничната соработка и европската перспектива. Посебен акцент беше ставен на инфраструктурата и стратешкото значење на Патот на Арбер, која од ден на ден ги доближува граѓаните од двете страни на границата, овозможувајќи полесно движење, економски развој и продлабочување на братските врски.

По официјалната средба, во градот беше организиран ифтар на кој присуствуваа бројни институционални претставници и јавни личности. Меѓу присутните беше и градоначалникот на Општина Пешкопеа во Албанија, г. Рахим Спахиу, што дополнително ја нагласи важноста на настанот и единството меѓу двете градови.

Оваа посета ќе остане запаметена како значаен настан во историјата на нашиот град – симбол на почит, соработка и заедничка визија за поразвиена и пообединета иднина за сите граѓани.

За време на посетата, амбасадорот Улусој најпрво беше примен на официјална средба од страна на градоначалникот на Општина Дебар, г. Фисник Мела, при што се разговараше за одличните односи меѓу двете пријателски земји, можностите за продлабочување на институционалната соработка, како и за конкретни проекти од заеднички интерес, особено во областа на културата, образованието, туризмот и локалниот развој.

Во рамки на престојот во Дебар, амбасадорот го клањаше петочниот џума-намаз во Џамиа Х.Вехби Дибра, еден од најзначајните верски објекти во градот.

Посетата продолжи со обиколка на неколку значајни споменици и карактеристични точки од културното наследство на Дебар, меѓу кои Хамамот, старите традиционални дебарски куќи, како и Хинќар Џамија, при што одблиску се запозна со историските, архитектонските и духовните вредности што го карактеризираат нашиот град.

Општина Дебар изразува благодарност за посетата на Неговата Екселенција и ја потврдува својата подготвеност за понатамошно зајакнување на соработката со Република Турција, во интерес на граѓаните и заедничкиот развој.

Општина Дебар известува дека акцијата за отстранување на возила во неправилна состојба, спроведена од страна на Комуналниот инспектор врз основа на Комуналниот ред (службен гласник 07-1040/6), заврши успешно.

По поставените известувања и дадениот рок од 15 дена за доброволно отстранување, сите возила кои беа паркирани на јавни површини се отстранети доброволно од страна на сопствениците, со што се ослободија јавните простори и се овозможи побезбедно движење на пешаците и возилата.

Општина Дебар ја цени иницијативата, разбирањето и одговорноста на граѓаните за почитување на комуналните правила.

Заедно за почист, поуреден и пофункционален Дебар.

Благодарност за соработката!

Општина Дебар, заедно со ЈПК “Стандард”, ги известува граѓаните дека патот кон селото Елефц е целосно исчистен и сообраќајот е вратен во нормала.

Тие завршија со:

поправка на водоводната цевка која го снабдува резервоарот во зоната

чистење на целиот свлечен материјал

воспоставување на безбеден сообраќај на овој патен правец

Патот сега е прооден и може да се користи нормално. Ги замолуваме граѓаните да ја почитуваат сообраќајната сигнализација и да се движат со вообичаена внимателност.

Ви благодариме за соработката!

Општина Дебар оваа година за првпат учествува на Меѓународниот саем за туризам EMITT во Истанбул, означувајќи значаен чекор кон меѓународна промоција на туристичките потенцијали на нашиот град. Овој проект се реализира во соработка со Министерството за култура и туризам на Република Северна Македонија.

Во рамките на саемот се претставуваат природните убавини, културното наследство, традициите и препознатливото гостопримство на Дебар, претставувајќи го градот како дестинација со голем потенцијал за развој на туризмот.

На саемот, заедно со делегација од Северна Македонија, присуствуваат г Фисник Мела, градоначалник на Општина Дебар, г Зоран Лутков, министер за култура и туризам, како и г Менди Ќира, градоначалник на Општина Струга. За време на престојот на саемот, за значењето на промоцијата на нашите градови на меѓународната туристичка сцена и можностите што ги отвора ова учество за понатамошен развој на секторот.

За време на саемот беа реализирани средби и со повеќе туристички агенции, со цел зголемување на соработката и привлекување на што поголем број туристи во нашиот град.

Градоначалникот Мела истакна дека претставувањето на Дебар на саем од вакви размери претставува важен момент за иднината на туризмот во градот и за зајакнување на неговата видливост како туристичка дестинација.

Преку ова претставување, Дебар има за цел да се позиционира како привлечна дестинација за природен и културен туризам, зацврстувајќи ја улогата на туризмот како важен столб на локалниот економски развој.

Општинскиот комунален инспектор на Општина Дебар на 05.02.2026 година, по извршен теренски надзор, постапувајќи врз основа на Комунален ред (службено гласник 07-1040/6) поточно членовите 106,107,108,109,110 за отстранување на возила во неправилна состојба, пронашол 8 возила во неправилна состојба паркирани на јавни површини кои го попречуваат слободното движење на пешаците и возилата.

На сите оштетени возила им се поставени ИЗВЕСТУВАЊА за доброволно отстранување од страна на сопствениците во рок од 15 ДЕНА, во спротивно по истекот на наведениот рок, ќе бидат преземени законски мерки против сопствениците и присилно отстранување.

Оваа акција на Општина Дебар ќе продолжи и во наредните денови, ги повикуваме сопствениците на оштетени возила да ги отстранат од јавните површини.