Choose language:

Lajme nga Komuna

ЈАВЕН ПОВИК За доделување финансиски средства на здруженија, спортски клубови и проекти од физички лица

Врз основа на член 50 став 1 точка од 3аконот 3а локална самоуправа (“Службен Весник на Р.М. бр. 5/02 ) и со Одлуката од Совет на Општина Дебар за утврдување на постапка за доделување на финансиски средства од Буџетот на Општина Дебар , ПРОГРАМА За активностите на Општина Дебар во областа на спортот во 2025 годинa Бр.Nr.08-1276/13 од 30.12.2024 година, ПРОГРАМА за активностите на Општина Дебар од областа на културата и нивното финансирање за 2025 година Бр.08-1276/11 од 30.12.2024 година, Програма за мерките и активностите на општина Дебар во областа на социјалната заштита во 2025 година  Бр.08-1276/15 од 30.12.2024 година Градоначалникот на Општина Дебар, објавува:

ЈАВЕН ПОВИК   За доделување финансиски средства на здруженија, спортски клубови и проекти од физички лица

  Целта на овој конкурс е да ја зацврсти и унапреди соработката на Општината со  спортските клубави и организациите од областа на културата преку воспоставување партнерски релации и да се потикне решавање на локални проблеми преку поголема вклученост на граѓаните и rраѓанските организации. Право на учество на овој конкурс имаат спортски клубови и здруженија на граѓани регистрирани на територија на Општина Дебар според 3аконот на здруженија на Граѓани, фондации и физични лица.   3друженијата кои имаат добиено финансиски средства мината година треба да достават финансиски извештај за финасиските средства и активностите извршени во текот на минатата година, заедно со потребните образеци за аплицирање.
   
Активности кои ќе бидат поддржани:

1. Поддршка на НВО /клубови и физички лица
ð Поддршка на НВОи и клубови за подобрување, унапредување и подигање на квалитетот на граѓанскиот живот во општина Дебар.
2. Животна средина
ð Заштита на животната средина, зелен развој, намалување на загадувањето на воздухот и влијанието на климатските промени и заштита на националните природни ресурси на територијата на општина Дебар.
3. Култура
ð Поддршка на КУД-ови за промоција на културното наследство и етничката различност, за создавање услови за културен живот, поддршка на уметниците, афирмација на млади уметници, одбележување и манифестација на значајни културни датуми во општина Дебар и поддршка за поединечни изданија. 4. Спорт
ð Поддршка на спортистите за афирмација, развој и подобрување на квалитетот на рекреативните спортови на територијата на општина Дебар. 5. Социјална заштита
ð Поддршка на децата (од областа на социјалната заштита) и лица со посебни потреби во културно-рекреативни спортски активности и манифестации. 6. Еднакви можности ð Поддршка од областа на еднакви можности на мажите и жените.

          Основни организациски критериуми
Основните организациски критериуми кои мора да ги исполнуваат правните и физичките лица (здруженија, клубови) кои учествуваат на овој оглас се:
3.1 Да бидат регистрирани согласно одредбите од Законот за здруженија и клубови, најмалку една година пред објавувањето на огласот;
3.1.1 Физичките лица мора да се државјани на РСМ и жители на општина Дебар;
3.2 Работата и дејствувањето да ја имаат за цел широката јавност и интересите на заедницата; 3.a. Оценување на квалитетот на проектот за ЗДРУЖЕНИЈАТА/КЛУБОВИТЕ
Оценувањето на квалитетот на проектите од правни лица кои ги исполнуваат основните организациски критериуми ќе се врши врз основа на посебни програмски критериуми: Области за НВОи/Клубови 1. Орагнизациски капацитет 1.1. Дали здруженијата/клубовите имаат организациона структура и ресурси за спроведување на проектот (вработени, активни волонтери или вработени со скратено работно време, канцелариски простор, техничка опрема и способност за управување со буџетот) 1.2. Дали здруженијата/клубовите имаат искуство во областа (примарна цел) за која се пријавуваат во огласот 2. Работа и соработка во мрежа 2.1 Дали здруженијата/клубовите се членови на мрежи и платформи на граѓански организации (национални и меѓународни) и во последните 3 години имаат реализирано проекти во соработка со други организации или органи на државната управа 3. Квалитет на проектот 3.1.Колку општата цел на проектот ќе придонесе за реализација на дадената примарна цел 3.2 Колку е кохерентен целокупниот проект и дали содржи јасна посветеност на неговото спроведување 3.3 Дали спроведувањето на активностите води кон реализација на резултатите предвидени во проектот 3.4 Дали планот за имплементација е јасен и остварлив 3.5 Дали има јасно дефинирани показатели за мерење на постигањата 4. Буџет и ефикасност на трошоци 4.1 Дали активностите се соодветно рефлектирани во буџетот 4.2 Дали односот помеѓу проектираните трошоци и очекуваните резултати е адекватен
3.b. Оценување на квалитетот на проектите за ФИЗИЧКИ ЛИЦА
Оценувањето на квалитетот на проектите на физички лица кои ги исполнуваат основните организациски критериуми ќе се врши врз основа на посебни програмски критериуми:   Области за физички лица 1. Организациски капацитет 1.1. Дали проектот има ресурси за спроведување на проектот (вработени, активни волонтери или вработени со скратено работно време) 1.2. Дали апликантот/ката има искуство во областа (примарна цел) за која се пријавува во огласот 2. Квалитет на проектот 2.1. Колку општата цел на проектот ќе придонесе за реализација на дадената примарна цел 2.2 Колку е кохерентен општиот проект и дали содржи јасна посветеност на неговото спроведување 2.3 Дали спроведувањето на активностите води кон реализација на резултатите предвидени во проектот 2.4 Дали планот за имплементација е јасен и остварлив 2.5 Дали има јасно дефинирани показатели за мерење на постигањата 3. Буџет и ефикасност на трошоци 3.1 Дали активностите се соодветно рефлектирани во буџетот 3.2 Дали односот помеѓу проектираните трошоци и очекуваните резултати е адекватен              

Неопходна документација која треба да ја поднесат ЗДРУЖЕНИЈАТА / КЛУБОВИТЕ    Здруженијата и клубовите кои учествуваат на огласот треба да достават: 1. Пријавување (преземено на веб-страницата на општина Дебар www.dibra.gov.mk како и во просториите на општина Дебар); 2. Прилог 1 – Временска рамка (достапна на веб-страницата на општина Дебар www.dibra.gov.mk како и во просториите на општина Дебар). 3. Анекс-2 Буџет (достапен на веб-страницата на општина Дебар www.dibra.gov.mk како и во просториите на општина Дебар). 4. Копија од моменталната состојба од уписот во регистарот на други правни лица за регистрација на здружението/клубот не постар од шест месеци; 5. Копија од статутот;  

Забелешка:  Доколку вашиот предлог-проект биде избран и добие финансиска поддршка од Буџетот на општина Дебар, имате обврска да го користите логото на општина Дебар. Проектите што ќе добијат финансиска поддршка од општина Дебар треба особено да се внимава да не се нарушува имиџот на институцијата, да не се користи говор на омраза, навреди кои можат да поттикнат насилство, меѓуетничка толеранција или дејствија што се спротивни на Уставот и законските норми на РСМ. За сите горенаведени точки одговорни ќе бидат здруженијата/клубовите или поединците кои ќе добијат финансиска поддршка за нивните предлог-проекти од страна на општина Дебар. Некомплетната документација или пријавите кои ќе се достават по истекот на рокот предвиден во јавниот оглас, нема да се разгледуваат.  Апликациите доставени во архивата на општина Дебар нема да му бидат вратени на апликантот.              

Рок и начин на поднесување апликации   Краен рок за поднесување на апликациите е 07.04.2025 година Документацијата да се стави во затворен плик со назнака: „Јавен Повик (за финансиска поддршка на здруженија и спортски клубови)“ на адреса: Општина Дебар,8-ми Септември бр 72 1250, Дебар, или во архивата на општина Дебар од 08:00 до 16:00 часот    Резултатите од Јавниот повик ќе бидат објавени на официјалната веб-страница на општина Дебар. www.dibra.gov.mk  Прашања за појаснување може да се поставуваат писмено или по електронски пат до Комисијата за реализација на Јавниот повик на емаил адреса dibra@dibra.gov.mk или тел: 046-831-196
ЈАВЕН ПОВИК За доделување финансиски средства на здруженија, спортски клубови и проекти од физички лицаDownload
ПријавувањеDownload
Прилог 1 – Временска рамкаDownload
Анекс-2 БуџетDownload

Општина Дебар денеска имаше чест да пречека група амбасадори акредитирани во Република Северна Македонија

Општина Дебар денеска имаше чест да пречека група амбасадори акредитирани во Република Северна Македонија, предводени од неговата екселенција, Денион Мејдани, амбасадор на Република Албанија.
Делегацискиот состав го сочинуваа:

  • Неговата екселенција, Рафаел Сориано Ортиз, амбасадор на Кралството Шпанија.
    • Неговата екселенција, Паоло Палминтери, амбасадор на Италија
    • Неговата екселенција, Јарослав Лудва, амбасадор на Чешката Република
    • Неговата екселенција, Андраш Клајн, амбасадор на Унгарија
    Ова беше средба на високо ниво, која беше од особен интерес за нашата општина. За нас оваа посета е историски момент, бидејќи претходно немаше ваква дипломатска делегација во Дебар.
    На официјалниот прием од општината присуствуваа: пратеникот од изборната единица бр. 5, г. Муса Џафери, претседателот на Советот на општината, г. Фуат Спахиу, секретар на општината, г. Или Мирзо, г-ѓа Аделина Рамадани од Одделението за човечки ресурси во општината.
    На средбата се разговараше за можностите за инвестирање што ги нуди општина Дебар основани на нејзините ресурси и инфраструктурни проекти кои се реализирани во различни области на нашата општина. Амбасадорите изразија подготвеност да допринесуваат во реализацијата на инфраструктурните проекти.
    Друг аспект што беше позитивно примен од амбасадорите беше убавината на Дебар и развоен потенцијал кој го поседува. Тие изразија желба на идните средбите да се разговара за конкретни чекори за соработка.
    По средбата, посетата продолжи со пешачка обиколка на центарот на градот, каде делегацијата имаше можност да ги посети Градскиот музеј и џамијата Хинќар, која е изградена во 1467 година.

Патронатот на општинското училиштето „Ристе Ристевски“

Патронатот на општинското училиштето „Ристе Ристевски“ во селото Долно Косовраст беше посебна прослава со уметничка програма на учениците од ова училиште но и од деветгодишните училишта од селата Могорче и Горно Косоврасти.

ЈАВЕН ПОВИК ЗА ФОРМИРАЊЕ ИНИЦИЈАТИВЕН ОДБОР

Врз основа на член 36 и 48 од Законот за локална самоуправа („Сл. весник на Р.М.“ бр. 5/02), Член 16, 17, 18 од Законот за младинско учество и младински политики (Службен весник на РСМ бр. 10/2020) и член 56 од Статутот на Општина Дебар се објавува:
   
ЈАВЕН ПОВИК ЗА ФОРМИРАЊЕ ИНИЦИЈАТИВЕН ОДБОР  

 Општината распишува Јавен повик за формирање Иницијативен одбор (ИО) согласно член 17 од Законот за младинско учество и младински политики. Иницијативниот одбор е неформална група која има цел да се консултираат младите и да се застапат нивните интереси во креирањето на Советот. Бројот на членови во Иницијативниот одбор е пет и единствено тие членови имаат улога да го формираат Локалното собрание за млади. Времетрањето на ИО е краткорочно и завршува со свикување на првото Локално собрание на млади. Општината е задолжена за нивна селекција и работата на истото се координира и помага од службеникот/ката за млади во Општината. Улога и задачи на Иницијативниот одбор:
• Поддршка на Општината во креирањето или ревидирањето на актите и одлуките кои го уредуваат формирањето и работата на ЛМС,
• Распишување повик за Конститутивното локално собрание на млади во согласност со Статутот на Општината по принципот на јавност и транспарентност,
• Соработка со Општината при организација и одржување на Конститутивното локално собрание за млади. Во ИО може да членуваат младински организации, организации за млади, политички подмладоци, ученички и студентски организации и други облици на младинско здружување кои работат и функционираат на територијата на Општината и сакаат да учествуваат во основањето на Советот.  Задолжителни документи:  
• Портфолио на организацијата/групата/здружението,
• Годишна програма за работа,
• Извештај за активности со млади во изминатата година,
• Писмо со номинација за член во Иницијативен одбор и контакт-информации,
• Кратко мотивациско писмо од страна на номинираниот член и кратка биографија.    

Начин на пријавување: преку адреса на е-пошта Е-mail: dibra@dibra.gov.mk
Рок за пријавување:20 ден од денот на објавувањето
ЈАВЕН ПОВИК ЗА ФОРМИРАЊЕ ИНИЦИЈАТИВЕН ОДБОР  Download

2024-Извештај

2024 година помина со многу предизвици со кои успешно се соочивме заедно со администрацијата и советот на општината како и во тесна соработка со граѓаните, институциите на централната власт, инвеститорите, месните заедници, невладините здруженија, културните друштва и спортските клубови.

Оваа година како никогаш досега се одликуваше со капитални инвестиции во патна инфраструктура, атмосферска и фекална канализација, животна средина, социјални активности, училишта, социјална заштита, заштита и спасување, сообраќај, администрација…

Чекориме сигурно во 2025 година, подготвени за нови инвестиции од витално значење за Општина Дебар со администрација во која доминира новата генерација, професионално подготвена со современи сфаќања, за да биде во целосна ефикасност во служба на граѓаните. Успех во реализацијата на буџетот за 2024 година од 98%, примерен пораст на капиталните приходи како и наплата на даноци во висина од 200%, се некои статистички параметри кои ги оживуваат надежите за безбеден и перспективен Дебар каде секој од нас може да ги реализира сопствените можности и способности.

Ви благодариме на сите вас кои верувавте дека еден ден ќе се исполнат сите ветувања и останавте непоколебливи на ова патување во име на Бога, семејството и вербата дека Дебар ќе го бидува само со напорна работа од нас дебарчаните без обзир на различностите што ги имаме. Општина Дебар и понатаму стои со висок индекс на транспарентност кон граѓаните, отворена е за сите за соработка со цел да се врати кредибилитетот и заедно да патуваме кон следните успеси.

Честитки и со здрвје нова 2025 година со многу работа и радост!

П.С

Подолу се објавени фотографии кои го одразуваат годишниот извештај за работа на општината пред општинската администрација и пред пишаните и електронските медиуми.

Празнична атмосфера во центарот на градот плоштадот “Скендербеј”

Општина Дебар во соработка со Здружението „Рајчица“ организираа празнична атмосфера во центарот на градот плоштадот “Скендербеј” по повод новогодишните празници. Оваа активност беше голема атракција посебно за младите и децата кои покажаа посебен интерес за оваа активност.

Честитки и среќни празници!

Уште едно инфраструктурно ветување реализирано во Горно Косоврасти.

Уште едно инфраструктурно ветување реализирано во Горно Косоврасти. Како никогаш досега, паркингот за жителите на селото стана реалност, со проектот на Oпштина Дебар кој финансиски беше покриен од буџетот на претходната влада и со учество од буџетот на Општина Дебар.

Продолжуваме со инвестиции и во други проекти во урбаниот и руралниот дел на општината.

Посебен проект со кој се предвидува чистење на каскадите

Долно Косоврасти неколку години беше загрозено од ерозивниот материјал што го предизвикува планинскиот дел секоја есен и зима кога почнаа врнежите. Општина Дебар ги превземаше сите мерки за чистење на материјалот од селските патишта кои го донесоа невремето.

Годинава е изработен посебен проект со кој се предвидува чистење на каскадите кои го спречуваат ерозивниот материјал што би ги покривало патиштата на селото како и спречување на оштетување на куќите лоцирани во овој реон.

Проектот деновиве почна да го реализира договорената фирма а со која е исполнето и ветувањето дадено пред жителите на оваа село.

Решение За одобрување на Урбанистички проект за инфраструктура за линиска инфраструктурна градба за: Водови за пренос на електрична енерrија за изградба на 10/20 Kv подземен вод од планирана Трафостаница 10(20)/0,4 Kv до столб на постоечки 10/20 Kv далновод, КО Баниште Општина Дебар

Потврда за заверкаDownload

Решение За одобрување на Урбанистички проект за инфраструктура за линиска инфраструктурна градба за Водови за пренос на електрична енерrија за изградба на 1020 Kv подземен вод од планирана DOWNLOAD

Урбанистички проект за инфраструктура DOWNLOAD

Општина Дебар се приклучува на кампањата „Општина на дланка“.

Општина Дебар се приклучува на кампањата „Општина на дланка“.

Со задоволство ја објавуваме нашата поддршка за кампањата „Општина на дланка“, иницијатива која има за цел да ја зголеми транспарентноста и отчетноста во локалната самоуправа преку подобрена употреба на општинските веб-страници.

Кампањата е подготвена  од Проектот на УСАИД за зајакнување на капацитетите за искористување на ресурсите во соработка со Министерството за локална самоуправа. Нашата општина активно соработува со овој проект со цел:

  • Подобрување на управувањето со општинските јавни финансии;
  • Поефикасно планирање и извршување на буџетот;
  • Зголемување на фискалната транспарентност и отчетност;
  • Унапредување на прибирањето приходи од сопствени извори;
  • Поголем пристап до надворешни извори на финансирање;
  • Создавање услови за вклучување на приватниот сектор.

Целта на кампањата „Општина на дланка“ е да ги информира граѓаните и бизнисите за нивните права и обврски, како и да им обезбеди полесен пристап до општинските услуги.

Во рамките на кампањата, редовно ќе ги ажурираме нашите комуникациски канали со нови информации во надлежност на општината кои ќе ги поттикнат граѓаните да учествуваат во процесите на одлучување и да бидат активно информирани за функционирањето на општината.

Ги покануваме сите граѓани и заинтересирани страни да се приклучат на оваа иницијатива и да ја поддржат кампањата, која ќе ја зголеми транспарентноста и отчетноста во локалната самоуправа.

Посетете ја веб-страницата на општината, пребарајте и добијте ги потребните информации.

Вклучете се во креирање на транспарентна  општина.

Дознајте повеќе за:

Skip to content