Известување!
Општина Дeбaр, како дел од проектот на УСАИД за зајакнување на капацитетите на ресурсите кој е финансиран од Агенцијата за меѓународен развој на Соединетите држави (УСАИД), ги известува сите граѓани, здруженија, клубови, претпријатија и невладини организации дека Проектот го испраќа месечниот билтен кој има за цел информации и можности за надворешно финансирање со различни грантови.
За повеќе информации (активни повици и како да аплицирате) преземете pdf.
Општина Дебар како дел од Проектот на УСАИД за зајакнување ресурси, денеска имаше средба со високи претставници на оваа агенција на која тема на разговор беше давање стручна помош на УСАИД во областа како да се аплицира за проекти во различни меѓународни фондации. Присутен беше и градоначалникот ц. Жупа Аријан Ибрахим бидејќи проблемите со кои се соочуваме двете општини се многу слични и заеднички. На крајот се договоривме оваа соработка да продолжи непречено за конечно да има позитивен резултат за благосостојбата на граѓаните.
По повод 8 Март, Денот на жената, општина Дeбар организираше трибина на тема: Подигнување на свеста за заштита и грижа за репродуктивното здравје на жената. Отворањето го направи градоначалникот др. Хекуран Дука, додека на горенаведената тема, ги презентираа своите трудови проф. д-р Глигор Тофоски (Клиника за гинекологија и акушерство Скопје), Мр Сања Саздовска (Министерство за здравство), д-р Афродита Шаља (УНФП), д-р Едлира Пиперку, д-р Аргетим Фида, мр Арбана Пашол . Темите беа проследени со голем интерес од голем број на жени, бидејќи се разговараше за актуелни и важни прашања во врска со нивното здравје.
Денеска имаше акција во с.Могорче и с.Гари за чистење на снегот.
По пауза поради тешките временски услови, денеска продолжи реализацијата на проектот за замена на вентили за воздух и вода во водоводниот систем од с Росок до главниот резервоар на градот.
Инаку овој проект предвидува замена на вкупно 64 вентили бидејќи се амортизирани. Проектот е финансиран од буџетот на општина Дебар а реализацијата ја врши СМС гроуп од Скопје.
Информација за сите оние кои се уште имаат сомнежи и дезинформации за третманот на кучињата скитници во општина Дебар. Општина Дебар се грижи за професионален третман на кучињата скитници со склучување договор на фирмата победник на тендерот објавен за оваа намена. Веќе трета година општината издвојува буџет за згрижување на кучињата скитници.Досега се третирани 40 кучиња скитници и акцијата продолжува по потреба. Ве молиме граѓаните да бидат внимателни и да избегнуваат опасни ситуации со кучињата скитници. Секој проблем можете да го пријавите во општината и тимот ќе интервенира каде што е потребно. Сопствениците на домашни миленици се грижат за своите кучиња како што налага законот.
Откако се формираа поволните климатски услови за работа на терен, продолжуваат работите на изградбата на кружниот тек кај болницата, многу важна инфраструктура во градскиот сообраќај. За време на овој мандат ќе се заокружат и многу други елементи поврзани со сообраќајот, почнувајќи од составувањето на проект за сообраќаен режим што му недостигаше на Дебар, па се до изградба на патишта и сокаци. Да посакуваме една ов година да биде успешна и со среќа.
По подготвителна фаза, денеска започна фазата на имплементација на активностите поврзани со ажурирање на даночната база на податоци, обезбедени со пакетот техничка помош од проектот на УСАИД за зајакнување на капацитетите за искористување на ресурсите во општина Дебар. Со завршувањето на овој многу значаен проект, сигурно ќе се зголеми ефикасноста на наплатата на даноците, што значи и зголемување на општинскиот буџет. Пописот ќе се одвива во руралните делови на општината (села) и во самиот град Дебар.
Денеска го примив новоименуваниот командир на полициската станица во Дебар, г. Дритан Бакали. Му честитав на новата задача со надеж за плодна соработка за доброто на граѓаните. Редот и мирот во нашиот град се многу важни приоритети за мене како градоначалник и имам целосна доверба дека во овој мандат со максимална соработка ќе успееме да го воспоставиме заедно со граѓаните. Командирот изрази подготвеност за соработката во оваа насока да биде безрезервна во сите предизвици и проблеми кои ќе се појават во текот на управувањето. Останува на следните средби да се конкретизираат многу работи и проекти, особено составувањето на проектот за режим на сообраќај, категоризација на патишта, сигнализација, паркинзи и феноменот кражби и криминал воопшто.
Денеска имав важна средба со директорот на JКП „Стандарт“ Бурим Каба и инг. Бардул Колари. Беше детално разговарано за некои подготвителни работи за да бидеме спремни и ефективни во извршувањето на задачите што не очекуваат, особено во летната сезона. Приоритет е даден на продолжување на проектот за водата за пиење бидејќи е најавено дека ќе се изведува во три фази, каде што наскоро ќе завршиме со првата фаза. Потоа управување со отпад и натамошна систематизација на градската депонија. Со почетокот на пролетната сезона планирани се еколошки акции за чистење на градот и Дебарското езеро во соработка со институции и невладини организации.
