Општина Дебар продолжува со реализацијата на вториот сегмент за реконструкција на патот во Ново Коњаре

Општина Дебар продолжува со реализацијата на вториот сегмент за реконструкција на патот во Ново Коњаре, со кој проект се предвидени следните главни позиции: отстранување на стариот патен материјал (калдрма), изградба на нова атмосферска мрежа, тампонирање на патиштата, поставување на ивичњаци, и асфалтирање на патот. Дополнителна работа беше и нивелирањето на шахтите во првиот сегмент.

Истите позиции се реализираат и во вториот сегмент со разлика што се состои во реконструкција на фекалната канализација која е целосно финансирана од буџетот на општина Дебар, а реализатор е НПК Стандард Дебар.

Финансирањето на техничката документација на проектот е направено од буџетот на општина Дебар, додека реализацијата на проектот е овозможена со кофинансирање кое е добиено од аплицирањето на Општина Дебар во огласот на Бирото за регионален развој каде директор беше г-дин Рамиз Реџепи и од буџетот на општина Дебар.

Им благодариме на сите кои беа и се за поддршка на овој проект и ние како општина ќе помогнеме на секој можен начин, без никакви заштеди, да се подобрат условите на овие жители.

Ги повикуваме и сите заинтересирани кои сакаат да дознаат нешто повеќе за напредокот на овој проект, општина Дебар е секогаш подготвена да обезбеди точни и официјални податоци со единствена цел да нема простор за манипулации и дезинформации на јавноста од страна на разни ненадлежни поединци.

Жителите на Коњара, како и жителите на другите населби во Дебар, заслужуваат уште повеќе, затоа општина Дебар ќе продолжи да се грижи во реализацијата на други инфраструктурни проекти, за кои ќе бидете информирани континуирано.