Во организација на Здружението на дебарски историчари и со поддршка на Општина Дебар, денеска во салата на Советот на Општина Дебар се одржа комеморативен настан по повод 117-годишнината од Дебарскиот конгрес, еден од најзначајните настани во албанската национална историја.
На настанот присуствуваа историчари, истражувачи, претставници на институциите и бројни граѓани.
Со свои излагања настапија панелистите Сашенка Ндрека од Тирана, Хаки Пенежа од Пешкопија, Ќендреса Пачуку од Дебар, Ардијан Лимани од Скопје и Адхурим Колари од Дебар, кои зборуваа за историското значење на Дебарскиот конгрес и неговото влијание врз развојот на образованието, културата и албанскиот национален идентитет.
Дебарскиот конгрес, одржан во 1909 година, зазема посебно место во албанската историја, бидејќи означи важен момент во напорите за ширење на образованието на албански јазик и зајакнување на националната свест. Одлуките на овој конгрес дадоа драгоцен придонес за зачувување и развој на албанскиот јазик, култура и идентитет.
Општина Дебар останува посветена на зачувувањето, промовирањето и почитувањето на историските и културните вредности, поддржувајќи активности што ја зајакнуваат историската меморија и нашиот национален идентитет.
