Денес, Градоначалникот на Општина Дебар, г. Фисник Мела, го именуваше г. Алија Идризовски за вршител на должност директор на Основното училиште „Ристе Ристевски“.
Именувањето следува по повлекувањето од субјективни причини на досегашниот директор, г. Арменд Незири, на кого Општина Дебар му изразува благодарност за неговиот ангажман и придонес за време на извршувањето на функцијата.
Градоначалникот Мела му посакува успех во новата должност на г. Алија Идризовски, изразувајќи уверување дека тој ќе ја извршува функцијата со одговорност и посветеност, во интерес на учениците, наставниот кадар и локалната заедница.
